إزاى تحسس مراتك بحبك
دول 30 طريقة وفى تانى بس كفاية عليك كدة علشان متعملش كل إللى هعملو مع مراتى :)
1-أول ما تروح دور عليها فى الشقة وضمها وقلها إنك بتحبها أوى ( قبل ما تسألها على الأكل).
2-لو هيه شغالة فى مكان حاول تبعتلها بوكيه ورد يوم عيد الحب بحيث يوصلها قدام صحابها كلهم.
3-قولها إنك حبيت ناس كتير قبلها بس الغريبة أول ما شفتها حسيت إنك محبتش حد غيرها فى حياتك لها.
4-غير الأماكن مش شرط يعنى على السرير , ممكن فى أى حته تانى وممكن تكون مفاجأه كمان ( أسانسير, فى المطبخ , وهيه بتحط الأكل على السفره , الصبح قبل ما تخرج كدة يعنى ).
5-إمتدح مظهرها وجمالها قل لها أنها أجمل ما رأت عينك دائما لا تعلم كم يهمها أن تعرف رأيك بها وبجمالها.
6-عندما تتأخر إتصل بها وأخبرها.
7-قل لها (بحبك )على الأقل خمس مرات باليوم ويستحسن بعد مكالمة عادية وبعد قفل الخط أتصل تانى وقلها بحبك وأقفل.
8-متحسسهاش إنها كبرت فى السن ودايما عاملها على أنها طفلة.
9-أظهر رقتك بالأماكن العامة.
10-أحجز غرفة فى فندق يوم أو أثنين من غير ما تعرف وجهز الغرفة بملابس للنوم وخدها خرجها خروجة رومانسية وأتعشو برة وبعدين روحو الفندق مع بعض وقضو يومين لو حسيت إنها تعبانه شوية وعرفت إنها بتطبخ بس غصب عنها 11-عاملها كما كنت تعاملها ببداية العلاقة بكل حب وحنان وأشتياق.
12-إشتر لها هدايا صغيرة كعلبة شوكولاته أو عطر أو ملابس خاصة وممكن شيبسى عادى يعنى :).
13-لو معزومين فى فرح أو خطوبة أو أى مناسبة وفى ناس كتير موجودة وإنتو بعيد عن بعض دايما بص عليها وتابعها ولو بصتلك أبتسملها.
14-إلمسها بيدك أحيانا عندما تتحدث إليها. لمس مش مسك هاه فاهمنى طبعا
15-غير عليها بس متخنقهاش و صاحبها متأمرهاش.
16-أشكر جدا فى الطبيخ بتاعها وقلها إنو معمول بشكل مختلف غير إللى أتعوت عليه بس أجمل بكتيييير.
17-لما تكلمك بصلها وإنته مبتسم ( تخيل حد هيديك هدية نفسك فيها من زمان ).
18-بوسها قبل ما تخرج من البيت لو صاحية وبوسها لو نايمة وقلها إنها هتوحشك أوى.
19-فاجأها بكلمات حب وهيام فى مكان تكون متأكد إنها هتشوفو ( مرايه الحمام مثلا , جنب ريموت التليفزيون , على البوتجاز ) شغل مخك يا أستاذ.
20-دلعها من غير ما تكون عاوز منها حاجة ( هاه فاهمنى طبعا ).
21-أحضنها أربع مرات فى اليوم على الأقل ( الحضن مهم جدا وبيحسسها مدى أشتياقق لها ).
22- لو بتتفرجو مع بعض على التليفزيون حاول دايما تكون قريب منها وبصلها وركز كتير فيها حتى لو مكنتش واخدة بالها. ( فى مرة هتاخد بالها منك وهتحس بحبك )
23-متنساش عيد ميلادها , خطوبتكو جوازكو وديما كون أول حد يقولها كل سنه وهيه طيبة ( الساعة 12 بالظبط ).
24-أدخل معاها المطبخ وحاول تساعدها ومفيش مانع من حركة كدة ولا كدة هاه.
25-لو كنتو مخلفين حاول تخرج معاها وتسيبو العيال فى أى حته المهم تبقو لوحدكو ومتستعجلش فى المرواح البيت مش هيطير يعنى.
26-أتصل بيها دايما وإنته فى الشغل ونوع مرة موبايل مرة تليفون البيت وكل مرة تكلمها فيها غير كلامك يعنى مرة أول ماهيه تقول ألو قولها بحبك تقولك وأنا كمان إيه إنته فين مثلا تقولها بحبك وهكذا لمدة وبعد كدة قلها كنتى وحشانى فقلت أكلمك.
27-لو عيتط مثلا فى يوم أمسح دموعها وعرفها إنك مش قادر تشوفهم بينزلو وإنك ممكن تعمل إى حاجة ليها علشان متعيطش. لو وصلت إنك تبوسها مثلا :)
28-متبقاش أنانى يا حبيبى لما تبقو على السرير وحاول ترضيها قبل ما ترضى نفسك.
29-خد برأيها دايما وأشركها فى مشاكلك حتى لو كانت عبيطة وعرفها إنى إللى قالتهولك ساعدك فى حل المشكلة .
30-أعمل إللى إنته عارف إنو بيبسطها مهما كان صعب أو غريب :)
