Thursday, December 13, 2007

آسف ولكن

مش عارف لية حاسس إنى شايل جبل على كتافى
ومع إنى قادر أشيلو إلا إنى ظهرى محنى
--------------------------
أسئلة كتير محتاجة أجابة
بس الأجابات أكتر وللأسف محتاجة سؤال
---------------------------
الأكتئاب هوة مزيج من الوحدة والنوم
لا تعليق
------------------------------
حياة المرء بالكامل تحتاج إلى تنظيم وترتيب
ولكن كيف تنظم حياة من لا تعرفة
--------------------------------
الحزن بداخلنا فقط
وليس فى العالم حولنا
---------------------------------
الوطن ليس تلك الأرض فقط
الوطن هو من هم حولك
------------------------------------
عادى بقة
أودى

Friday, November 30, 2007

TATU
"30 Minutes"
.
.
.
.

Out of sight
Out of mind
Out of time
To decide
Do we run?
Should I hide?
For the rest
Of my life
Can we fly?
Do I stay?
We could lose
We could fail
In the moment It takes
To make plansOr mistakes
30 minutes, a blink of an eye
30 minutes, to alter our lives
30 minutes, to make up my mind
30 minutes, to finally decide
30 minutes, to whisper your name
30 minutes, to shoulder the blame
30 minutes, of bliss, thirty lies
30 minutes, to finally decide
Carousels
In the sky
That we shape
With our eyes
Under shade
Silhouettes
Casting shade
Crying rain
Can we fly?
Do I stay?
We could lose
We could fail
Either way
Options change
Chances fail
Trains derail
30 minutes, a blink of an eye
30 minutes, to alter our lives
30 minutes, to make up my mind
30 minutes, to finally decide
30 minutes, to whisper your name
30 minutes, to shoulder the blame
30 minutes, of bliss, thirty lies
30 minutes, to finally decide
To decide
To decide, to decide, to decide
To decide
To decide, to decide, to decide
To decide

Sunday, November 18, 2007

أشترونى

أشترونى
.
.
وردة
.
.



Saturday, October 20, 2007

زمان العبر

آه يا زمان العبر
والكلمة سكتت فيك
لا عرفنا يوم نكرمك
ولا حتى يوم نرضيك
نسيت أيامنا سوا
ولا معدش يتمر فيك
تكونش متسلط علينا
روح ربنا يهديك
قالو زمان ملوش أمان
قلت وإيه يدريك
يمكن زمنا فيوم يتعدل
والدنيا تضحك ليك
رد الزمان وقال
عادى بقة
أودى

Tuesday, September 11, 2007

رمضان بقة

كل عام و أنتم بخير
عيد سعيد عليكو جميعا
عادى بقة
أودى بيعيد

Saturday, July 07, 2007

كلمات

كلمات
هى ليست بكلمات أغنية
وليس أيضا بمقطع من شعر جاهلى
هى فقط تلك التى تدور فى رأسى
تجمع بينى وبين عقلى
تحكى ما لا أستطيع أن ألفظ به
أعلم أن كلماتى لا تتسم بالوضوح فى المعنى أو المقصد
أعلم انى الآن لا أعلم ما اكتب
هى فقط
كلمات
قد تغير من شخصتى
من نظراتى
من إشاراتى
أيضا من صدقاتى
لا تتعجب
إنها ليست كتلك الكلمات
فهى الآن تخرج بدون وعى بدون قصد بدون فكر بدون مغزى
أو أنها تسموا لمنطق الفلسفة
أحيانا أشعر أن الكلمات التى تدور فى عقلى لا أستطيع على أخراجها
فهى جامدة متجمدة بداخل عقلى فقط
أحيانا أشعر أنها حقا لا تريد الخروج وترفضة
لا أعلم السبب الرئيسى لهذا ولكنى أحاول جاهدا أن أخرجها الآن
أضغط عليها أستفذها
نعم
هذا ما أفعله الآن
أدار فى عقلك يوما شئ ولم تستطع كتابته
أتملكك إحساس ولم تستطع التعبير عنه
أشعرت بألم لكتمانك بعض الكلمات
أرفض تصرف عقلك يوما
أتعلم أن كل الكلمات متشابهه
ولكن
يتغير الزمان والمكان فتأتى بشكل جديد أو حتى فريد
مع أنها هى نفسها تلك الكلمات
لا تشعر بالأسى صديقى حيث أنك لا تفهم ما أكتب
فأنا حذرتك أنها مجرد كلمات
وعادى برضوا
أودى

Saturday, June 23, 2007

نفس الراوي بتاع إنجى

قبل ما تقرأ هنا
روح أقرأ البوست بتاع إنجى هنا
أول جريمة كانت على الأرض
وبعدين إقرأ هنا
*************
***************
************
قوول يا راوي وعيد كمان
قول وأبدأها بكان يامكان
**
**
قول سمعنا أحلى كلام
قول ندمنا قول حزنا
قول ماهى نقصاك إنته كمان
**
قول فكرنا قول خلينا
تملى دمعنا ألف مكان
قول لجمنا بألف لجام
قول وأبدأها بكان يامكان
قول ماهى نقصاك إنته كمان
**
قول عرفنا جريمة الكون
قول ونسى عيونا النوووم
قول رجعنا لماضى أليم
قول فكرنا بمين ناسيين
قول وأبدأها بكان يامكان
قول ماهى نقصاك إنته كمان
**
قول جرمتنا قول وكستنا
قول توهنا بأى كلام
قول عرفنا جريمة الكون
قول سمعنا أحلى كلام
قول ماهى نقصاك إنته كمان
**
**
قول يا راوي وعيد كمان
قول وأبدأها بكان يامكان
.
.
.
.
.
.
وعادى بقة
أودى

Saturday, May 19, 2007

أنا بس بضايق

أنا بس بضايق علشان بشوف فى عنيك نظرة صعبان عليك وعليك دة مش لايق

دى كانت أصاله

.

أما انا بس بضايق علشان بشوف

فى الجرنان وظايف للناس إللى شغالة

مش الناس إللى عاوزة تشتغل

.

أما انا بس بضايق علشان بشوف

إنى أعضاء مجلس الشعب الكرام محدش بيشوفهم فعلا إلا وقت الأنتخابات

.


أنا بس بضايق علشان بشوف

مليون شاب فى مصر نفسهم يتجوزوا ومش عارفين

.

أنا بس بضايق علشان بشوف

البنات فى فصل الصيف

.

أنا بس بضايق علشان بشوف

الوزراء مش بيتفرجوا على الأفلام إللى بتناقش مشاكل الشباب

.

أنا بس بضايق علشان بشوف

إنى فى ناس عايشة فى مجرة تانية فى كوكب تانى فى بلد تانية غير المنكوسة

.

أنا بس بضايق علشان بشوف

النفاق

.

أنا بس بضايق علشان بشوف

ناس بتشتغل وناس أحسن منها قاعدة

.


أقولك إيه وأعيدلك إيه دة الشوق يا حبيبى فى بوعدك انا مقدرش علية

مع الأعتزار للمغنى والأغنية وأنتوا

وعادى بقة

أودى

Wednesday, May 02, 2007

خلاص


يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
!! عجبي

علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
!! عجبي

Sunday, April 15, 2007

مفيش مشكلة

مفيش مشكلة
ههههههههههههههههه
مش دلوقتى لكن ممكن يكون بعدين
إمته يكون مفيش مشكلة ؟؟
لما حضرتك تحب تقابل وزير النقل والمواصلات وتروح المكتب وتقول للسكرتير إنك عاوز تقابل سيادة الوزير حالا والسكرتير يقولك
مفيش مشكلة
لما حضرتك تحب تترشح ومجلس الشعب يقولك
مفيش مشكلة
لما حضرتك تزهق على موظف فى الحكومة مش شايف شغلوا كويس ومش بيخدمك زى الناس التانية
ورئيس المصلحة يقول لسياتك
مفيش مشكلة
لمل تقعد إنته وصاحبك على القهوة ويقولك نفسى أشتغل ترد وتقلوا
مفيش مشكلة
لما توقف ظابط شرطة وتقلوا من فضلك ممكن توصلنى فى سكتك علشان مفيش مواصلات ويرد يقولك
مفيش مشكلة
لما تقف قدام دكتور المادة فى الكلية وتقلوا حضرتك غلطان وميشيلش حضرتك المادة يبقى
مفيش مشكلة
لما تروح تقدم فى وظيفة والراجل يقولك إنته خريج جامعة إيه وتقلوا جامعة المنوفية مثلا يرد ويقلك
مفيش مشكلة
وكمان لما تروح تقدم فى وظيفة وتقول للراجل أنا ساكن فى مجاهل إفريقيا بس المهم إنى هاجى فى ميعادى يرد ويقلك
مفيش مشكلة
لما تطلع فى مظاهرة يوم من الأيام علشان مش عاوز حاجة أو عاوز حاجة وتلاقى ظباط الأمن المركزى بتقولك براحتك بس متبوظش حاجة حد يبقى كدة
مفيش مشكلة
لما تقوم تقف لواحد كبير فى السن ويشكرك ويقلك تعبتك معلش وتقلوا مع أبتسامة خفيفة
لاء أبدا مفيش مشكلة
لما واحد يقولك ممكن تساعدنى يا أبنى فى شيل الشئ دة لغاية المحطة ويقلك معلش هتعبك وترد تقول
مفيش مشكلة
لما يبقى التعليم فى مصر متاح لكل فرد وكل واحد يدخل الكلية أو المجال إللى يحبوا ساعتها بس هيبقى
مفيش مشكلة
لما تقول لسواق الميكروباص على إيدك يا عم وميزهقش منك ساعتها يبقى
مفيش مشكلة
لما تفقد عزيز عليك وتلاقى الناس كلها بتواسيك ساعتها بس هتحس إنى
مفيش مشكلة
لما يكون للشباب حق فى دخول مجلس الشعب وإبداء الرأى فيه وكمان يقدروا يحاكوموا الفاسدين صدقنى ساعتها هيبقى
مفيش مشكلة
لما نحب بعض كلنا بالتأكيد هنعيش فى بلد
مفيهاش مشكلة
ويمكن دة كلوا يتحقق فى يوم
ولغاية ما يحصل دة
مفيش مشكلة
عادى بقة
أودى

Saturday, April 07, 2007

تجااااااااااااااااااااااات

مفاجئة


عندى ليكوا مفاجئة
أنا إتبهدلت وإتنيلت على عينى
وجالى تجاااااااااااااااااااااات كتير
أنا مكنتش أعرف إنكوا بتحبونى اوى كدة ( وش واحد متغاظ ) مش عارف إزاى يعنى بس متغاظ وخلاص



أولا تجات من أنوجى
سمراء النيل
وإهداء ليها علشان الحمد لله فكت

هل كنت طالب شاطر فى المدرسة ؟
من الأول كدة رخامة
فى المدرسة آه
آجازة ؟؟؟ يعنى إيه أجازة ؟؟؟
بصوا بقة يعنى همة بيقولوا إنى كنت شاطر فى إبتدائى
بس أنا بقة عارف إنى كنت حمار فى إعدادى
ودة لسبب واحد بس
إنى مش بزاكر خالص
طيب أقلوكوا على حاجة
أنا زااكرت مادتين طول عمرى
آه
مادتين
فيزياء فى الثانوية العامة
وضريبية فى آخر سنه فى الكلية
بس
ايه كانت احب مادة و اكره مادة ليك فى المدرسة و الكلية؟
آه أحب مادة بقة كانت الرياضة
أما أكتر مادة كرهتها هيه التاريخ هههههههه
دة طبعا لما كنا بندرس تاريخ دة ان فى الأعدادى أما الثانوى كانت الفرنساوى
عرفينوا طبعا
جو نو بارل با دو فرنسية
دى الجملة الوحيدة إللى حافظها
مبتكلمش فرنساوى
ههههههههه
كنت عايز تتطلع ايه وأنت صغير ؟
يالهوى

كنت عاوز أطلع حجات كتير اوى
طيب أقلوكوا
أولها طيار (( فايتر )) طيار فى القوات الجوية
طبعا مش عشان أول طلعة جوية
لاء
أبسلوتلى
دة علشان الباشا توم كروز وفلم مش فاكر إسموا بقة آه top gun
متهيقلى يعنى
أما ثانيا
كنت عاوز اطلع مهندس
آه مخترع بقة
وعمال أظبط وأخترع حجات تفيد البلد والكلام بتاع العيال الصغيرة دة
بس محصلش نصيب لأن تعليم مصر فاشل كالعادة
جبت 79.8% فى الثانوية العامة
آه علشان خاطر الجغرافيا والفرنساوى والكيمياء
مش عارف فايدتهم إيه يعنى الجغرافيا والفرنساوى فى كلية الهندسة ؟؟؟؟؟

ماعلينا

ثالثا بقة

مبرمج
واد بقة فت
ولا تقلى بيل جتس ولا حتى رونالدينهوا
من رونالدينهو دة ؟؟؟

مش مهم
عارفين الأفلام طبعا إللى فيها الواد لابس نظارة وشعروسايح ونايح كدة
وإدية صاروخ على الكى بورد (( بيكتب تاتش بقة )) آهو انا نفسى كنت أطلع كدة
ما علينا برضوا

آه نسيت أقلوكوا حاجة

أنا خريج تجارة للى ما يعرفش يعنى


دائما تطالب المرأه بالحصول على حريتها ,, فما مفهوم الحرية فى قاموس المرأة ؟؟
إسألوها إنتوا بقة



متى أحسست نفسك خائنه ؟

خاينة ؟؟؟؟

خاينة مين يا خويا

أنا ولد
و
ل
د
ممكن نقول متى أحسست بنفسك خائن ؟؟

أقوم قايل بقة محصلش


هل يمكن ان تحب المرأة رجلين في نفس الوقت؟ نقول الحب و ليس الاعجاب.؟

برضوا ياسى السيد يا عم الأمور أنا ولد
بالنسبة للولاد بقة

وكونى ولد

وكونى بحب على نفسى زى ماقلتلكم قبل كدة

فممكن طبعا من إثنين ولا ثلاثة ولا أربعة

بص من الآخر بتعرف تعد لغاية كاااااااااااااااااااااااااام ؟؟
هههههه
إذا خذلك لعديد من المرات، هل ستستمرين معه في علاقة مستقرة؟؟
بالنسبة للولاد برضوا

واللهى أحنا بنسامح كتير يعنى
فممكن عادى بقة
ماذا ترتدين فى أول لقاء لكِ مع حبيبكِ بالوصف التفصيلى؟
بالنسبة ليا أنا كولد
هههههههه

عادى بقة
بسأل البنت إيه رأيك آجى بالكلاسيك ولا بالكاجول

هههههههه

وهيه تحدد بقة
ما هى أول فكرة ترد الى ذهنك فى اللحظات الأولى بعد دخولك "المحظور"...لا توجد خيارات للإجابة؟
المحظور
آه
أستغفر الله العظيم

هوة بينى وبينكو يعنى نفسى :)

ساعتها بقة هبقى أقولكم

سؤال بالعربية الفصحى الى العربية الفصحى، أيعقل أن تكون هيفا وهبي الم
رأة العربية ؟؟

مين يا خويا هيفاء دى ؟؟

الشغالة بتاعتكوا
إذا عجبك شاب، بتجربي تلفتيلو انتباهو، كيف؟
هههههههههههههههه
دى تبقى مصيبة
شاب يا خويا
يادى النيلة
شاب مين يا أبنى
بالنسبة ليا أنا ولازم اعجب بى بنت بكرر أهوة يعنى
مش هقول حاجة هتكسف
هههههههه

آه واللهى أصلى وش كسوف اوى حتى أسألوا مها وسها ونهى وهبه وباكينام ومروة ومريم وهناء وسارة وجميع الأهل والأقارب وخالو عادل بالكويت

في مرشد بيقول انو البنت بترغب الشاب طالما انو بشكّل تحدي لها، شو رأيك؟دة عنجليزى يا مرسى ؟؟
أنا عندى إضافة
هيه كانت رقاصة وبترقص
هيفاء وهبي، شادية، وفاتن حمامة: مع من تتماهين أكثر؟ (بصراحة ومن دون مثاليات.يعنى إيه تتماهين دى ؟؟؟
مش فاهم حاجة خالص
ممكن مترجم إنجليزى عربى ؟
انتقي شخصية رجالية معروفة تتمتع بالكاريزما (برأيك) وتكلمي عنها ؟
هيه الكاريزما دى نوع من أنواع العنب ؟؟

ما علينا بقة
هوة طعموا حلو بس أنا بحب البناتى أكتر من الصبيانى
على رأى بوحة

ونصيحةأو تعليق أرجو نشره: لما تبلشي تحكي لصاحبك عن أسماء ولادك المفترضة
(لأنن بعد ما إجو وأصلاً بعد ما انفتحت سيرة زواج، إلا إذا حاطة براسك الأمومة العازبة)
تأكدي إنو صادر قدامك إيام صعبة قريبة جايي
مش فاهم السؤال حقيقى
فين السؤال
أنا أحط إيدى على السؤال أجاوب فريرة
لماذا تنفخ المرأة في كل الزبادي كلما لسعتها الشوربة؟
دى بالتأكيد حصة طبيخ
مليش فيه بقة
هل صحيح أن المرأة تختار الشخص غير المناسب في فترة المراهقة والشباب ثم تندب حظها بعد ذلك؟
مين قال كدة إنته ؟؟

أنا مقلتش حاجة
هيه بس تحبنى ومش هتندم تانى خالص
ما هو أسوأ موعد غرامي مر بك؟ وما هو أكثر جزء ضايقك في هذا الموعد؟

موعد غرامى وضايقنى
متهيقلى مفيش
مش موعد لاء إللى دايقنى يعنى
بس انا بغير يعنى
وممكن يكون دة سبب مضايقتى
خالوا بالكوا هااااااااااااااااااااااه
لماذا تدعي اغلب النساء انهن لا يجدن الطبخ؟
وهيدعوا لية يا خويا ؟؟
همة فعلا مش بيعرفوا
حتى دوووق
ذكرى وظروف اول قبلة؟
يااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه
فكرتونى بالزى مضى
لسة فاكر كان زمان على راى سومة بقة
واللهى هيه كانت فى الأتوبيس
وكانت زى رمشة العين بالظبط كدة
هههههههههه
بس فاكرها طبعا هيه دى تتنسى

هل تقبلين بأستمرار العلاقة التي تربطك بشخص (زوج أو عشيق) في حال مات الحب بينكما؟؟
آه طبعا فى حاجة إسمعا العشرة
أحب أنا بقة العشرة دى اوى
هل يستحق الرجل التضحية بكل شيء من اجله والبدء معه بحياة جديدة تبدأين فيها من الصفر؟؟
آه يا أوختى يستحق ميستحقش لية يعنى ؟؟
مش راجل
يستحق ونص
إيه رايكوا فى الرد دة ولد بقة وتحيز وكدة

دة بقة هدية من أنوجى وسارة
حبايبى الأثنين
بيعزونى أوى
ماشى

هل تسعد عندما يمرر لك احدهم تاج؟
فور شور يعنى
بحس إنى الناس فكرانى
وبالخير أنا فكرك ياللى هجرنى
هل مقدار سعادتك أو شعورك ايا كان- عند تمرير التاج لك يختلف حسب المدون الذي يمرر لك التاج؟
أبسلوتلى
طبعا طبعا
مع إنى بحبكوا كلوا هل تستمتع عند إجابتك عن أسئلة التاجحسب نوع الأسئلة بقة
يعنى ممكن آه وممكن آه برضوا
هل ترى للتاج أهمية حقيقية؟
هوة التاج يعنى مهم ومش مهم حسب نوع الأسئلة يعنى
لو أسئلة فى السياسة وكدة
لاء يبقى وحش وملوش أهمية مطلقا ( حلوة مطلقا دى )
أما لو كان هلس وكلام فارغ وكلام مليان كلام فارغ بتاع مها
يبقى أكيد جميل ولزيز وشغال وسمعنى أحلى زغروطة بقة
هل فكرت في عمل تاج خاص لك من قبل؟
مين عارف يمكن أفكر فى يوم
بس لما أفضى شوية
أصلى بينى وبينكوا أنا مش شغال
وموراييش حاجة اعملها
بس مشغووووول
مشغول وحياتك مشغول ولآخر الأسبوع مشغول
هل تفضل قراءة اجوبة التج عند المدونين الاخرين؟ أم لا تهتم سوى بالتدوينات الأخرى فقط؟
لاء كلو كلوا ولا حته مينوا حته مينوا ولا كلوكلو
كل حاجة فحت وردم زى ما بيقولوا
عندما ترد على التاج ما الذي تراعيه اكثر؟
واللهى حسب ما تيجى معايا
حسب الحالة النفسوانية
وطبعا المود العام يعنى
هل تحرص على قراءة اجابات من تمرر لهم التاج ؟ و هل تغير إجابتهم للتاج شيئا في ادراكك لهم ؟
بالتأكيد يعنى
هوة أنا بمرر التاج لية ؟؟ غير لكدة !!!

أعرف الفضايح يعنى
هل تلتزم حرفيا بأسئلة التاج ؟لاء بروش

عادى يعنى
ما هي نوعية التاجات التي تفضلها؟
مش مهم هوة إيه أهم حاجة يكون فى لحمة
أصلى بحبها اوى
إلى من تحرص على تمرير التاج؟
بلدى والمجتمع والناس
كل الدنيا والناس وكدة يعنى أصلى إجتماعى حبتين ثلاثة كدة
تمرر التاج ده لمين؟

طبعا ولا واحد ولا واحدة كفاية أنا







تاج ما علينا
إنجليزى بقة
وخد منى وقت فى الترجمة إنما مقلكوش
6 أيام بلياليهم
ما علينا


SECTION 1 - Last 1s?
1. last beverage?
متهيقى يعنى كلت إيه ؟
آه واكل فضلة خيرك كدة بطاطس صينية فى الفورن وكمان معاهم فاصوليا خضرة وشوية رز وطبعا لحمة
إتفضل معانا يا عم الحج
2.last phone call?

آخر تليفون عملتوا؟؟
للواد إبن عمتى الجزمة
خرج من البيت وخد المفاتيح معاه
وعمتى ممعهاش مفاتيح وقاعدة عند الجيران ينفع كدة
إتصلت بية أقلوا روح بقة
3.last instant message?
آخر رسالة شيقة يعنى ؟؟
كلمنى شكرا
4.Please call me
من أحمد إبن عمتى وإللى قبلها برضوا كدة وإللى قبلها وإللى قبلها
وبعدين رسالة من إنجى بتقولى كل سنه وأنا طيب بمناسبة عيد ميلادى

5. last cd played?
آخر سيديهايه شغلتها
هيه مش سي دى هيه أغنية ام بى ثرى
لفريق أسموا تاتو
أغنية أسمها إتس أول أبوت أس
It's all about us – tatu
6. last time you cried?
آخر مرة عيط فيها ؟؟
مش فاكر اليوم بس هوة قريب والحمد لله من بعدها حاسس بجمال الدنيا
آه كنت بكلم واحدة صحبتى عزيزة عليا وفضفض بقة على كل حاجة
كان شات مسخرة بجد
7.last text message?
آخر رسالة نصية ؟
عزيزى المشترك
بمناسبة إقتراب عيد ميلادك نذكرك بموعد إستحمامك السنوى
لوائل صحبى
Section 2 - Have You Evers
:1. dated someone twice?
حصل مرة وقابلت حد فى ميعاد حب مرتين ؟؟
وغلاوتك ما حصل
2. been cheated on?
معرفش معنى السؤال بقة ؟
إتخدعت ولا خدعت
عموما لاء
3. kissed someone & regretted it?
بوست حد وندمت ؟؟
بس أحنا نبوس الاول وبعدين نشوف موضوع الندم دة
4. lost someone special?
فقدت حد عزيز عليك وبتعتبروا مفيش منوا إثنين يعنى ؟
آه حصل
بابا الله يرحموا
5. been depressed?
هل حصل وكنت محبط ؟؟
بالتأكيد
كتييييييييييييييييييييير
6. been drunk and threw up?
هل حصل و سكرت ؟؟
مرة واحدة يا بية من باب الأستنطاع
قصدى الأستطلاع
Section 3 -
List 3 Favorite Colors
الألوان المفضلة ليدك ؟
الأزرق
الاصفر الكنارى
بس
Section 4 - This month have you
فى الشهر دة حصل و 1.
Made a new friend?
عملت صاحب جديد ؟؟
آه حصل
2. Fallen out of love?
نفسى حقيقى
إنته حبيت جامد ؟؟

3. Laughed until you cried?
فضلت تضحك لغاية ما عيطت؟
آه حصل4.
Met someone who changed your life?
قابلت حد غير حياتك ؟
نفسى
ألاقيش عندك واحدة
5. Found out who your true friends were?
عرفت مين أصدقائق الحقيقيين ؟؟
آه حصل
6. Is there something you want to tell someone?
فيه حاجة عاوز تقولها لحد معين ؟
إيوة آه
7. Would you kiss anyone on your top friends?
هل حصل وبوست واحد من صحابك ؟
أيوة كل يوم
عادى يعنى

8. How many people on your top friends do you know in real life?
كام واحد من أصدقائك المقربين تعرفهم فى الحياه العملية الحقيقية ؟
كلهم يا بية

9. How many kids do you want to have?
كام عيل عاوز تخلفهم ؟
واحد أو واحدة
بس
10. Do you have any pets?
هل عندك حيوان أليف؟
أنا أليف ممكن تاخدنى

11. Do you wanna change your name?
عاوز تغير أسمك ؟؟؟

لاء لية ؟

12. What did you do for your last birthday?

عملت إيه فى آخر عيد ميلاد ليك ؟
روحت لخالو فى المستشفى
13. What time did you wake up today?
صحيت الساعة كام النهاردة ؟؟
الساعة 11:30 قبل الظهر

14.What were you doing at midnight last night?
كنت بتعمل إيه إمبارح عند منتصف الليل ؟؟
جاوب يا واد بدل ما أعتقلك


15. Name something you CANNOT wait for?

سمى حاجة متقدرش تستناها ؟
مش فاهم
16. Last time you saw your father?
آخر مرة شوفت باباك ؟؟
الله يرحموا من 3 سنين كدة
17. What is one thing you wish you could change about your life?

إيه الحاجة إللى عاوز تغيرها فى حياتك ؟
الدنيا
18.What are you listening to right now?
بتسمع إيه دلوقتى ؟

التليفزيون19. Have you ever talked to Tom?
كلمت توم قبل كدة ؟

ولا بصل وحياتك

20. Have you ever talked about someone behind their back?

إتكلمت عن حد فى غيبته ؟
ياااااااااااااااااااااااااه كتير21.
What’s the last piece of clothing you borrowed from anyone?
آخر حته هدوم إستلفتها من حد صاحبك ؟
مفيش22.
Who’s getting on your nerves right now?
إيه إللى مزهقك دلوقتى ؟
مفيش


23. Most visited webpage?
أكتر صفحة بتزورها ؟؟
البلوج بتاعى
24. Coke or Pepsi?
كاكولا ولا بيبسى
عادى بيبسى الأول مفيش هات كولا بقة
25. Mac or PC?
كمبيورت من أى بى أم ولا من ماكنتوش?
كومبيوتر شخصى شغال
so to whom i will send the tag ??????!
هتبعت التاج دة لمين ؟









ريمو وكمان نريوما
متفقين عليا الجوز
ماشى مردودالكوا وقتى




تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها


الفرجة على الأفلام الأجنبية بكافة أنواعها ( الرومانسية بنسى نفسي وأقعد أعيط ) هههههه
لعب على الكمبيوتر مثال ( نيد فور إسبيد وكمان ريد أليرت )
نت بقة وكدة تبقى هاصت
ولا بسمع ولا بعرف حاجة غير الشاشة إللى قدامى
إدمااااااااااااااااااااااااااااااااااااااااااااااااااااااااااااااااااااااااااااااان
خلصت

التاج إللى بالعنجليزى مهدى إلى كل من
ميمو
مانو
سارة
وإنجى( سمراء النيل)
دايزى
رودى
ومها الكلام نوعان
ريماليزا
وإنجى (عقد فل )
ساسو
أميرة
دكتور مستكنيس
أنا كدة - تعبت بجد
وريمو
ونريوما
وحازم
وتامر
إبيتاف
واحد من الناس
وعادى بقة
أودى

Monday, March 26, 2007

سكات بسكات

سكات بسكات
ومين على السكات يتلام
سكت بس سكوتى طال
أصلى مش لاقى كلام يتقال
حبيت أقول وأسهب فى الكلام
ملقتش غير السكوت عنوان وكلام
قلت لنفسى إيه آخرة السكات
قالتلى يا أبنى وإيه غير السكوت يتقال
وعادى بقة
أودى

Thursday, March 22, 2007

جه الوقت

آه جه الوقت إللى نحسد فيه الكلاب
الكلب من دول بيهوهو طول النهار والليل
ولا حد بيقلوا إنته بتعمل إيه ؟؟
ماشى بيبرطع كل يوم فى الشارع
ولا فى لجنه هنا ولا مباحث هناك
مش هاموا من أمن الدولة
ولا من الدولة نفسها
ولا لة دعوة بدستور ولا دستور
ودستركوا بقة
وعادى بقة
أودى بقة

Tuesday, March 20, 2007

Monday, March 12, 2007

كل ما أتمنى

هوة أحنا بنطلب المستحيل ؟؟؟
شغلة تكفل لنا العيشة
وبنت أحبها وتحبنى ونتجوز
بس
متهيألى إنوا مش مستحيل
ولا إيه ؟؟
تحديث
طيب أقولوكوا حاجة
أنا خلاص مش عاوز دووول كمان
أنا مستسلم
منهزم
لما نشوف أخريتها إيه ؟؟
أقولك على حاجة يا دنيا
إدينى كمان ومش هقول كفاية ولا حرام
تحديث تانى
طظ فيكى يا دنيا وكمان طظ
وعادى جدا
أودى

Saturday, February 24, 2007

قضية رقم 1 لسنه 2007

هنفتح باب الجلسة
محكمة
قوم أقف ياد إنته وهوة وهيه
بالنظر فى جدول الاعمال
بتاعنا إحنه المدونيين
وبما إننا بنفكر
وعاوزين نغير جزء من عادات وتقاليد الشباب والمجتمع ككل
وعلشان أحنه مش بنعلق فشلنا على شماعة
وكمان ملناش كاسر
هنتكلم ونقول وجهات نظرنا هنا
وبراحتنا
من غير ما حد يرخم علينا ولا يقول وجه نظر مش مفهوة أو مش منطقية يعنى
نتكلم عن إيه النهاردة
أقلكوا إقتراح
هنتكلم عن
الجواز العرفى
أنا عاوز كل واحد وواحدة يدخل ويعلق
يجاوب على السؤال دة بس حاليا
علشان طبعا الموضوع كبير وفيه أسئلة كتيرة أوى
هنزلهم تباعا
ورا بعض يا عم الجاهل زييى يعنى
ما هى أسباب وجودة من وجهة نظرك ؟
هل هو الحب !! هل هى الظروف ؟؟
أم المجتمع ,, هل هو الفقر أم الغنى ؟؟
مستنى إقتراحاتكم وردودكم
ورونا الهمة يا رجالة
ويا بنات علشان ميزعلوش
وجواز عتريس من فؤادة باطل ولا لاء ؟؟؟
وعادى بقة
أودى

Saturday, February 17, 2007

مجنون

واللهى يا جماعة أنا قلت أكتب حاجة بقة مضيقانى بقالى كتيير قوى كدة يعنى
الموضوع بتاعى النهاردة لسة فى نطاق التعريف بالشخصية يعنى
موضوعى هيتكلم عن أجن حجات نفسى أعملها
أو
نفسى تحصل

نبدأ بإيه بقة
بداية سريعة على طوول من غير ما حد ياخد باله كدة
أنا نفسى أطلع على كوبرى قصر النيل والكورنيش ومعايا شوية ورد كدة
ودة طبعا علشان نفسى أقابل كل أثنين بيحبوا بعض وماشيين مع بعض أروح أديلهم وردة هدية بتعبر عن حبى للحب إللى همة بيحبوه لبعض
يعنى حاجة كدة رخمة شوية
أديهم الوردة وأمشى من غير ما أقول حاجة
على فكرة مش هوقف واحد آخر الكوبرى ياخد منهم فلوس طبعا
لحسن تفهمونى غلط
طيب نقول دى عادى يعنى مش مشكلة ممكن تحصل
بس مش عارف لسة مجتليش الشجاعة يمكن أو خايف الناس دى تفهمنى غلط
طيب ثانى حاجة إيه يا معلم
أقولكوا
كلكوا سعات كدة وإنتوا ماشيين أو راكبين أو بتشربوا شاى مثلا
ممكن فجأتا أو على سهوة كدة
تشوفوا بنت حلوة جدا
أنا عارف إنى معظمنا بيتفرج وهوة ساكت ( دة المأدب )
والباقى بيعاكس وفى ناس بتقول لصحابها يبصوا ويشوفوا وناس بتتمنى إنها تكون على علاقة بالبت دى من قريب أو من بعيد
أنا نفسى فى حاجة تانية خالص
نفسى لما أشوف بنت حلوة فى الشارع أوقفها وأقولها
آنسة إنتى حلوة جدا
بس
بس المشكلة بقة إنى فى ناس هتفتكر إنى دة نوع من المعاكسة الوقحة
بس أنا شايف إنوا نوع من الأطراء الواجب
مش عارف لية نفسى أعمل الحركة دى
والناس متفهمنيش غلط
هوة كل الحكاية إنها حلوة وأنا عاوز أقولها إنها حلوة بس
يعنى مش عاوز أتعرف عليها ولا أخد رقم تليفونها ولا أروح أخطبها مثلا
أنا عاوز أوضح وجهة نظرى
بالطبع وجهة نظرى فى البنت اللى مش جميلة الشكل مش هقولها ودة علشان مجرحاش
بس من حقى إنى أقول للبنت الحلوة إنها حلوة
طيب عرفنا ثانيا
نعرف ثالثا
إنى أقف وسط المطر مع البنت إللى أخترتها تكون حبيبتى وأبوسها تحت المطر بس هاه مش عاوزين حد بقة يقول وإيه كمان ؟
رابعا بقة
إنى أمسك منصب كبير يخلينى أمشى الحرمية على العجين ميلخبطوهوش
أما خامسا
إنى الناس تراعى مشاعر الآخرين
مطالبى ممكن تكون عادية لدرجة أستحالة تحقيقها
وممكن تكون صعبة بإحتمالية حدوثها
بس أهوه
مجنون
وعادى بقة
أودى

Monday, February 05, 2007

LADY IN RED

Lady In Red
Originally performed by Chris DeBurgh (born Christopher John Davidson 10/15/48 in Argentina of Irish parents
The song reached #3 on the Top 40 charts in 1987
A classic first dance song at weddings

the song


I've never seen you looking so lovely as you did tonight,I've never seen you shine so bright,I've never seen so many men ask you if you wanted to dance,They're looking for a little romance, given half a chance,And I have never seen that dress you're wearing,Or the highlights in your hair that catch your eyes,I have been blind,
The lady in red is dancing with me, cheek to cheek,There's nobody here, it's just you and me,It's where I want to be,But I hardly know this beauty by my side,I'll never forget the way you look tonight;
I've never seen you looking so gorgeous as you did tonight,I've never seen you shine so bright, you were amazing,I've never seen so many people want to be there by your side,And when you turned to me and smiled, it took my breath away,And I have never had such a feeling,Such a feeling of complete and utter love, as I do tonight,
The lady in red is dancing with me, cheek to cheek,There's nobody here, it's just you and me,It's where I want to be,But I hardly know this beauty by my side,I'll never forget the way you look tonightI never will forget the way you look tonight...The lady in red, the lady in red,The lady in red, my lady in red.


dadicated to all of the womans around the world

specialy

happy valentine day
to you einjy

Saturday, February 03, 2007

الحجات المستخبية

هقوق إنى مدبس فى التاج دة من مروة يعنى الناى الحزين
بس هقول كمان إنى مبسوط إنى لقيت حجات محدش يعرفها غيرى
ومبسوط أكتر إنى أفتكرتها
وهقول كمان إنى البوست دة هيتمسح بعد 10 أيام
خلوا بالكوا علشان دى فضايح بجد
وصحابى لو شافوة هتبقى مصيبة
تريقة بقة بقيت العمر
هههههههه
يالة


بسم الله الرحمن الرحيم
لقد تم المسح
هههههههههههههههه

وعادى بقة

أودى

Thursday, February 01, 2007

شوية حجات كدة

أولا أستجابة بطيئة منى أنا آه
لأنوجى
علشان السفر واللأزى منه


اية اللي حيحصل لايميلك لما تموت ؟
سؤال رخم من أولها
مش عارف حقيقى بس بجد نفسى لما أموت بعد عمر طويل أوى كدة يعنى وأحد من صحابى يدخل على الميل بتاعى ويبعت رسايل لكل الناس المضافة عندى ويقولهم إنى مت
مش عارف لية عاوز كل الناس تعرف
متهيقلى إنى فى ناس هتزعل عليا
ويمكن حد يدعيلى ولا حاجة زى كدة
أهو كلو بينفع برضو


اديت الباس وورد لحد قبل كده؟
آه طبعا
أنا كل إميلاتى بلا إستثناء معروفة لصحابى
مشاع يعنى
ودة من زمان قوى
علشان كان أول إيميل فى الشلة هههههههههه
بس محدش بيدخل بيهم غيرى
وبقيت أغير الباس وورد دى علشان محدش يطلع على أسرارى
قال الواد بيدارى قال
لو اه كانت طبيعة علاقتك بيه اية؟
صاحبى
بس
هاه
ومتفهموش غلط حاكم أنا عارف فى ناس سيتها نيئة
نيتها سيئة يعنى



اسمك؟

أسمك وبس كفاية أسمك وبس
أسمى محمود فى الأرض والسماء
ودة من واقع ثلاث أسماء كان المفروض آتسمى بواحد منهم
وهم محمد وأحمد ومحمود
وطبعا حكاية الشمع دى هيه إللى خلفت محمود
فضلت الشمعة قايدة لغاية ما زهقوا وطفوها همه
ههههههههههه
اسم الدلع المشهور في وسط اصحابك؟
أودى
ODY
وحودة
وأبو حنفى
بس الشائع والأكثر محبة غلى قلبى أودى
أما 911 دى بقة حكايتها حكاية تانية خالص
ودى أنا إللى ضفتها لشدة ولعى بالبورش 911 نوع عربية هوة
وبعدين تم تطويرة من قبل قلة قليلة من اصحابى بأنوا خدمة النجدة
ودة لأنى سريع فى حل مشاكل الكمبيوتر


عمرك؟
مليون و195 ألف و122 سنة إلا شهر
ههههههههه
لاء بجد حاسس إنى عمرى كتيير قوى
حاسس إنى عايش بقالى 7تلاف سنة كدة
بس عمرى الحقيقى 26 سنه و10 شهور و10 أيام بالتمام والكمال
من الآخر أنا مواليد 20/3/1980 قبل عيد الالم بيوم أفتكروا
عايز هدايا بقة


برجك؟
بما أنى من مواليد برج الحوت
فبالتأكيد برجى هوة برج الحوت
وعلى فكرة كل الصفات غللى فى البرج دة تلقيها عندى
حاجة تخنق



مجالك او مجال دراستك ؟
آه
أنا بقة يا ناس خريج بكالوريوس تجارة جامعة المنوفية
سنه التخرج 2004
تقدير عام مقبول مع مرتبة الشرف
مش شغال
عاطل يعنى
وبالطبع مش متزوج ولا مرتبط حتى
مصعبتش عليكوا
تعاطفك وحدووو مش كفاية
تبرع ولو بجنيه
حسنة قليلة تمنع بلاوى كتيرة
وهنيالك يا فاعل الخيير والثواب
تحديث صغير كدة
من واقع مرور التاج دة على معظم المدونين أكتشفت حقيقة مرة
ألا وهيه
إنى معظم المدونين عندنا هنا دكاترة وصيادلة وبتوع سياسة وأقتصاد ( أنا مش عارف همة بيطلعوا إيه غير سفراء )بجد واللهى
يعنى مفيش حد يجبر خاطرى ويقول تجارة
ياجماعة واللهى فى كلية فى مصر إسمها تجارة وكمان حقوق وآداب وكدة يعنى
صدقونى
حتى أسألو كدة ؟؟
مفيش إلا سمراء إللى جبرت خاطرى وكمان كلام فارغ وكلام مليان وحازم صحبى


شخصيتك نوعها اية؟
سيكوباتى
ههههههههههه
أقولكوا على حاجة بس تصدقونى
أنا مش عارف شخصيتى نوعها إيه لغاية دلوقتى
وكنت كتبت كلمات متواضعة كدة بتقول
إذا أستطعت أن تعرف من أنت
فأنت فيلسوف
ومفكر ومخترع وعالم كبير
بس كدة شوية ملامح منها
عاشق للرومانسية
حالم فى زمن الزيف
متقلب
أعشق الصداقة
حزين
متفائل
مبحبش أكذب
وبضرب لخمة لما بكون بكذب
هههههههههه
وبعين ممكن أكون أى شخصية تتخيلوها
يعنى من الآخر كدة عاوزنى كدة هكون
عاوزنى كدة هكون
وتربتتتووون



المود بتاعك؟
زى الزفت يمكن الزفت أحسن شوية
بس سعات سعات
بحب عمرى وأعشق الحجات
وقت فراغك بتعمل فيه اية؟
ممكن أعدلها وأقول إنى وقتى كلوا ما بين القهوة وصحابى والنت والكمبيوتر
والبيت والحمام ممكن تلاقينى عارف أماكن الحمامات بتاعت جمهورية مصر العربية ,, العيه وحش يا ولاد


الاكلة المفضلة؟
دلوقتى ولا زمان
عموما أنا بتغير كل شوية مش عارف لية
بس لغاية دلوقتى ثابت على الفاصوليا البيضة مع ما أعانية من مشاكل بسببها
فاهمين طبعا الحمام ,وكمان البطاطس المحمرة والمحشى يالة محدش واخد منها حاجة


لصفات اللي خدتها من بابا؟
يااااااااااااااااااااااااااااااااااااااااه كتير
الطيبة والتسامح
الغيرة والبشاشة
التريقة والقفشات
مع إنى مبقتش أستخدمهم كتير اليومين دول
آخر أثنين قصدى


الصفات اللي خدتها من ماما؟
اللف والدوران فى الشارع
هههههههههههه
والألتزام بالمواعيد جدا جدا جدا
مع الحط فى الأعتةبار سوء الأحوال الجوية وسوق الخميس كمان

اكتر 6 حاجات بتكرهها؟
الدنيا
والدنيا
والكذب
والنفاق
وعادى بقة


اكتر 6 حاجات بتحبها؟

الحب
والحب
والورد الأصفر
الأفلام الرومانسية الأجنبية
وأنا ونته ورقصنى يا جدع


الشغل بالنسبة لك؟
أمنية صعبة المنال للشباب اليومين دول من غير كوسة
مستقبل ممكن تبدأ من خلالوا مستقبلك


اية الكومبيوتر والانترنت بالنسبة لك؟
صحابى



امرره لمييييييييين؟؟؟
أنا مش عارف هوة راح لمين ومرحش لمين
بس هحاول بقة
وإللى كتبوا قبل كدة ميكتبهوش تانى ماشى الكلام
حازم صحبى
الأميرة اوسا
سارة فوكاليز علشان نفسى أفهم بوست منها واللهى
وئام
ولمياء
وأميرة
وعلياء علشان مبقتش تيجى عندى بقالها كتيير
أمانى
كلام فارغ بتاع مها
مانو
وميمو
وريماليزا
لولا
وتامر
والناى الحزين
وما علينا
وأى حد عاوز يكتبوا يقول وياخدوا على طووول
وعادى بقة
أودى
Every breath you take And every move you make Every bond you break Every step you take I’ll be watching you Every single day And every word you say Every game you play Every night you stay I’ll be watching you Oh, can’t you see You belong to me Now my poor heart aches With every step you take Every move you make Every vow you break Every smile you fake Every claim you stake I’ll be watching you Since you’ve gone, I’ve been lost without a trace I dream at night, I can only see your face I look around but it’s you I can’t replace I feel so cold and I long for your embrace I keep crying baby, baby please Oh, can’t you see You belong to me Now my poor heart aches Every step you take Every move you make Every vow you break Every smile you fake Every claim you stake I’ll be watching you Every move you make Every step you take I’ll be watching you I’ll be watching you Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you) Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you)