Thursday, February 01, 2007

شوية حجات كدة

أولا أستجابة بطيئة منى أنا آه
لأنوجى
علشان السفر واللأزى منه


اية اللي حيحصل لايميلك لما تموت ؟
سؤال رخم من أولها
مش عارف حقيقى بس بجد نفسى لما أموت بعد عمر طويل أوى كدة يعنى وأحد من صحابى يدخل على الميل بتاعى ويبعت رسايل لكل الناس المضافة عندى ويقولهم إنى مت
مش عارف لية عاوز كل الناس تعرف
متهيقلى إنى فى ناس هتزعل عليا
ويمكن حد يدعيلى ولا حاجة زى كدة
أهو كلو بينفع برضو


اديت الباس وورد لحد قبل كده؟
آه طبعا
أنا كل إميلاتى بلا إستثناء معروفة لصحابى
مشاع يعنى
ودة من زمان قوى
علشان كان أول إيميل فى الشلة هههههههههه
بس محدش بيدخل بيهم غيرى
وبقيت أغير الباس وورد دى علشان محدش يطلع على أسرارى
قال الواد بيدارى قال
لو اه كانت طبيعة علاقتك بيه اية؟
صاحبى
بس
هاه
ومتفهموش غلط حاكم أنا عارف فى ناس سيتها نيئة
نيتها سيئة يعنى



اسمك؟

أسمك وبس كفاية أسمك وبس
أسمى محمود فى الأرض والسماء
ودة من واقع ثلاث أسماء كان المفروض آتسمى بواحد منهم
وهم محمد وأحمد ومحمود
وطبعا حكاية الشمع دى هيه إللى خلفت محمود
فضلت الشمعة قايدة لغاية ما زهقوا وطفوها همه
ههههههههههه
اسم الدلع المشهور في وسط اصحابك؟
أودى
ODY
وحودة
وأبو حنفى
بس الشائع والأكثر محبة غلى قلبى أودى
أما 911 دى بقة حكايتها حكاية تانية خالص
ودى أنا إللى ضفتها لشدة ولعى بالبورش 911 نوع عربية هوة
وبعدين تم تطويرة من قبل قلة قليلة من اصحابى بأنوا خدمة النجدة
ودة لأنى سريع فى حل مشاكل الكمبيوتر


عمرك؟
مليون و195 ألف و122 سنة إلا شهر
ههههههههه
لاء بجد حاسس إنى عمرى كتيير قوى
حاسس إنى عايش بقالى 7تلاف سنة كدة
بس عمرى الحقيقى 26 سنه و10 شهور و10 أيام بالتمام والكمال
من الآخر أنا مواليد 20/3/1980 قبل عيد الالم بيوم أفتكروا
عايز هدايا بقة


برجك؟
بما أنى من مواليد برج الحوت
فبالتأكيد برجى هوة برج الحوت
وعلى فكرة كل الصفات غللى فى البرج دة تلقيها عندى
حاجة تخنق



مجالك او مجال دراستك ؟
آه
أنا بقة يا ناس خريج بكالوريوس تجارة جامعة المنوفية
سنه التخرج 2004
تقدير عام مقبول مع مرتبة الشرف
مش شغال
عاطل يعنى
وبالطبع مش متزوج ولا مرتبط حتى
مصعبتش عليكوا
تعاطفك وحدووو مش كفاية
تبرع ولو بجنيه
حسنة قليلة تمنع بلاوى كتيرة
وهنيالك يا فاعل الخيير والثواب
تحديث صغير كدة
من واقع مرور التاج دة على معظم المدونين أكتشفت حقيقة مرة
ألا وهيه
إنى معظم المدونين عندنا هنا دكاترة وصيادلة وبتوع سياسة وأقتصاد ( أنا مش عارف همة بيطلعوا إيه غير سفراء )بجد واللهى
يعنى مفيش حد يجبر خاطرى ويقول تجارة
ياجماعة واللهى فى كلية فى مصر إسمها تجارة وكمان حقوق وآداب وكدة يعنى
صدقونى
حتى أسألو كدة ؟؟
مفيش إلا سمراء إللى جبرت خاطرى وكمان كلام فارغ وكلام مليان وحازم صحبى


شخصيتك نوعها اية؟
سيكوباتى
ههههههههههه
أقولكوا على حاجة بس تصدقونى
أنا مش عارف شخصيتى نوعها إيه لغاية دلوقتى
وكنت كتبت كلمات متواضعة كدة بتقول
إذا أستطعت أن تعرف من أنت
فأنت فيلسوف
ومفكر ومخترع وعالم كبير
بس كدة شوية ملامح منها
عاشق للرومانسية
حالم فى زمن الزيف
متقلب
أعشق الصداقة
حزين
متفائل
مبحبش أكذب
وبضرب لخمة لما بكون بكذب
هههههههههه
وبعين ممكن أكون أى شخصية تتخيلوها
يعنى من الآخر كدة عاوزنى كدة هكون
عاوزنى كدة هكون
وتربتتتووون



المود بتاعك؟
زى الزفت يمكن الزفت أحسن شوية
بس سعات سعات
بحب عمرى وأعشق الحجات
وقت فراغك بتعمل فيه اية؟
ممكن أعدلها وأقول إنى وقتى كلوا ما بين القهوة وصحابى والنت والكمبيوتر
والبيت والحمام ممكن تلاقينى عارف أماكن الحمامات بتاعت جمهورية مصر العربية ,, العيه وحش يا ولاد


الاكلة المفضلة؟
دلوقتى ولا زمان
عموما أنا بتغير كل شوية مش عارف لية
بس لغاية دلوقتى ثابت على الفاصوليا البيضة مع ما أعانية من مشاكل بسببها
فاهمين طبعا الحمام ,وكمان البطاطس المحمرة والمحشى يالة محدش واخد منها حاجة


لصفات اللي خدتها من بابا؟
يااااااااااااااااااااااااااااااااااااااااه كتير
الطيبة والتسامح
الغيرة والبشاشة
التريقة والقفشات
مع إنى مبقتش أستخدمهم كتير اليومين دول
آخر أثنين قصدى


الصفات اللي خدتها من ماما؟
اللف والدوران فى الشارع
هههههههههههه
والألتزام بالمواعيد جدا جدا جدا
مع الحط فى الأعتةبار سوء الأحوال الجوية وسوق الخميس كمان

اكتر 6 حاجات بتكرهها؟
الدنيا
والدنيا
والكذب
والنفاق
وعادى بقة


اكتر 6 حاجات بتحبها؟

الحب
والحب
والورد الأصفر
الأفلام الرومانسية الأجنبية
وأنا ونته ورقصنى يا جدع


الشغل بالنسبة لك؟
أمنية صعبة المنال للشباب اليومين دول من غير كوسة
مستقبل ممكن تبدأ من خلالوا مستقبلك


اية الكومبيوتر والانترنت بالنسبة لك؟
صحابى



امرره لمييييييييين؟؟؟
أنا مش عارف هوة راح لمين ومرحش لمين
بس هحاول بقة
وإللى كتبوا قبل كدة ميكتبهوش تانى ماشى الكلام
حازم صحبى
الأميرة اوسا
سارة فوكاليز علشان نفسى أفهم بوست منها واللهى
وئام
ولمياء
وأميرة
وعلياء علشان مبقتش تيجى عندى بقالها كتيير
أمانى
كلام فارغ بتاع مها
مانو
وميمو
وريماليزا
لولا
وتامر
والناى الحزين
وما علينا
وأى حد عاوز يكتبوا يقول وياخدوا على طووول
وعادى بقة
أودى

31 comments:

smraa alnil said...

هييييييييييييييييييه
انا اول واحدة اعلق

ايه الاجابات التحفة دي

ضحكتني وفي حاجات شفت فيها نفسي

سلامتك من العيا الف سلامة

وشكرا ليك يا قمري انك لبيت دعوتي
ومش مهم متأخر بسرعه المهم انك نفذتهالي
بس ايه حكاية 911
؟؟؟
هههههههههه والله يا ابني انا قلتها في مرة
انت خسارة في ام البلد دي

انا هجيلك تاني
نت عارف انا برتاح هنا

هههههههههه
صحيح ؟؟

فاكر يا وزير الموضوع اياه
بخ وبح
بلا وجع دماغ بقي

tamer said...

انت رجل عشرة على عشرة وادى وشخصية جميلة

لكن بقى تمرر التاج ليا كدة ياعم يفتح الله دة سابع تاج ههههههههه

هو يعنى اية تاج اصلاااا

انا مش بعرف اكتب عن نفسى خالص عايز حد يكتبة ليا هههههه


عادى بقى

تحياتى

إنـســانة said...

إجاباتك جميلة
بس إشمعنى الوردة الصفرا يعنى
أصلى بحبها انا كمان ومش عارفة ليه
حاسة إن ملهاش لازمة يعنى

يلا مش مهم
عادى بقة
:D

we2am said...

طب اشطة اني عملته..ده طلع انت كمان باعتهولي!
روح شوفوا عندي بقي
وعلي فكرة من اجابتك حسيت انك مخنوق جدا..فكها يابني مش كده..وعادي بقي :)

ody911 said...

أنوجى

منوره دايما هنا يا جميل

وبعدين أنا مش خسارة ولا حاجة دة إنتى إللى خسارة يا ريس

وأنا مبسوط جدا إنى فى حجات شفتى فيها نفسك بس عاوز توضيح أنى جزئية بالظبط

أصلى حياتى ملغبطة شوية اليومين دوول

أما موضوع 911 فزى ماقلتلك كدة بالظبط


وبعدين أنا مستنيكى علشان الموضوع إياه

بخ وبح

لية كدة بس دى الفرصة مبتجيش إلا مرة واحدة بس

ولا يمكن علشان وعدتك
هههههههههه

وأنا عند وعدى يا جميل
ولا يهمك اى همام

يعنى أنا هلاقى أحسن منك فين

ريشا طايرة وألعاب قوى
هتربينى يعنى
ههههههههههههه

ياله مستنيكى تانى

وعادى برضوا
أودى

ody911 said...

تامر
الجميل

منور يا باشا
وبعدين التاج دة هدية ومينفعش ترد الهدية

أما بقة إنك مش بتعرف تكتب
فمين سمعك
أنا طور الله فى البرسيم بتاع الهوة

عادى يعنى
أكتب أى حاجة وهتطلع جميلة زى روحك كدة

وعادى بقة
أودى

ody911 said...

ياسمين - إنسانة

منور هنا يا جميل

تشرب إيه بقة

نمشيها شاى علشان محدش يزعل ويقول إشمعنة ياسمين يعنى


أما بقة بخصوص الوردة الصفرة

فمش أى وردة صفرة بحبها

أنا بحب الوردة الصفرة البلدى لما تكون لسة مفتحتش على الآخر يعنى
مقفولة نص قفلة كدة

اما لية بقة الوردة الصفرة
علشان بتعبر عن الغيرة الشديدة ودة إللى عرفتوا من الناس

على فكرة أنتى خلتينى عاوز أحكى عن الوردة إللى لقيتها مرة مرمية على الأرض فى المطرة والطينة

عارفة عملت إيه ؟؟
شلتها ونظفتها وبوستها وحضنتها جامد

حتى صاحبى أفتكر إنها وردة من البت بتاعتى وقالى ياه دة إنته بتحب البت دى جامد
وسألنى على أسمها
قلتلوا وردة

قصدى الوردة إللى فى إيدى

بحب الورد جدا

ممكن تجبيلى هدية وردة بقة

ومنورة تانى يا ياسمين
جيتى من عند خالتك ولا لسة ؟؟
وإيه رأيك فى الأغانى

البركة فيكى يا جميل


وعادى بقة
أودى

ody911 said...

وئام

ماهو إنتى لو تصبخى عليا كدة
الحياه تبقى لزيزة

صباح الفل يا جميل
على فكرة أنا الخنقة مش بتسبنى
بس سعات بتغلب عليها يعنى

وأنا من موقعى هذا أعلن إنى مكرتاح نفسيا شوية يعنى بس الحمد لله

وبعدين مش قلتلك عاوز الكلام إللى كتباه فى مدونك هوة وهى

متتأخريش عليا بقة

وعادى بقة
أودى

mano said...
This comment has been removed by the author.
mano said...

شكرا جدا انك بعتهولى
بس انا عملته قبل كده
ممكن تشوفه لو تحب
بس مالك مخنوق من الدنيا قوى كده ليه
مفيش حاجه مستاهله

sara said...

شكرا على التاج يا جميل
هعمله ان شاء الله
وشخصيتك جميله دمك خفيف يا اودى
وعادى الكل مخنوق

ody911 said...

مانو

لا شكر على واجب يا جميل

وبعدين مش تقوليلى إنك إسمك مريم

أنا بموت فى الأسم دة

وإن شاء الله اول بنت ليا لما ربنا يكرمنى يعنى وأتجوز وأخلف كدة هسميها مريم


وزى ما قلت عندك

هوة فى إكتياح لطبقات معينة من شعب مصر

فى البلوجر

سياسة وإقتصاد وصيدلة وأطباء

ياجماعة حد ينصفنى ويقول إنوا خريج تجارة بقة

تعبت بجد من الطبقات العالية دى

بس دى جزاتى إنى مازاكرتش فى الثانوية العايمة
قصدى العامة

يالة كلوا بياخد نصيبوا

وعادى بقة
أودى

ody911 said...

سارة
واللهى يا بنتى أنا بحب مدونتك

بس مش بفهم حاجة تقريبا دة تخلف عقلى جالى على سهوة

بس أهوة تكتبى حاجة أفهمها بقة

ومنورة يا عسل

ويجعلوا عامر

مستنى البوست الجديد بفارغ الصبر

يالة باى بقة

أودى بقة

smraa alnil said...

ههههههههههه
والله يا ابني طول عمري برضه بقول اني خسارة في ام البلد دي
وبعدين هي حياتك اللي ملخبطة بس
كلنا هذا الرجل ياريس
هقولك انا ايه الجزيئات اللي شفتت فيها نفسي
موضوع ان لما لا قدر الله بعد الشر عليك عايز تخلي كل الناس تعرف
برضه اننا كدة
نفسي يتكتب في مدونتي ماتت ورحت البشرية
هههههههه
وانك مش عارف ايه هي شخصيتك
واني برضه بحس نفسي سيكو خالص
يعني من الاخر الكلام اللي كاتبه علي شخصيتك ومودك هو انا برضه كدة
بس ما عدا موضوع الحمام دة

والفاصوليا
وكرهك للدنيا دة برضه انا
بس انا بضيف اني بكره نفسي جدا كمان

وبعدين المواضيع دي لازم يكون فيها بخ وبح
الواد طلع عبيط يا اودي
ههههههههههه
وبعدين يا سلام هو انا هلاقي زيك فين
علي الاقل انت الوحيد اللي استحملت تقف 12 ساعه بحالهم
ههههههههه

الناي الحزين said...

السلام عليكم


اجاباتك جميله وواضح منها انك شخصيه لذيذه وظريفه
بس انت اللي حاطت نفسك في اطار اسود ومغلفه بغلاف اسود
واللزق اسود
حتي شريط السلوفان برضه اسودXاسود

فك يابني وبص لنص الكوبايه المليان وكمان بص للنص الفضي انك شربته ونجاك من العطش


وبعدين هو انا اديك تاج تقوم تديهولي

اعمل تاج تاني ارد فيه ع الاسئله دي وامري لله

ody911 said...

إنجى
متغالطيش
13 ساعة
متعرفيش الساعة الضايعة دى تكبت فيها عناء قد إيه ؟؟
ههههههههههههه

وعموما العبيط بكرة ينصح صدقينى

أنا كلمت بت مرة كانت وهيه بتكلمنى بتهته
ههههههههههههه

آه واللهى

بس الحمد لله دلوقتى نفضتلى بقالى سنه

يعنى قلبها جمد ومبقتش أفرق معاها

عادى يعنى
بتحصل فى أحسن العائلات

أما بقة عن الحمام

فدة واللهى تعب

ربنا يبعدوا عنك

قولى آمين

إنما إنتى مشفتيش التحديث بتاع الموضوع

أنا كاتب تحديث كدة على الموضوع بالوون الأحمر

هتلاقية فى مجالك دراستك

شوفية وقوليلى رأيك إيه ؟؟


وعادى بقة

أودى

ody911 said...

الناى الحزين

وعليكم السلام

منورة واللهى

أما بقة اللون الأسود دة

فصدقينى أنا معرفوش

يعنى بصراحة كدة أنا متفائل لأكبر حد ممكن

ونص الكباية ولا مليان ولا فاضى ولا بكترس بية من أصلوا

غريبة صح

بس بجد ميهمنيش يكون مليان ولا فاضى

أنا يهمنى إنى ميأس وبس

هيه صحيح سعات سعات بتغمق

بس مسودتش لسة

وعلى فكرةالتاج دوة مش زى بتاعك

وأنا هعمل التاج بتاعك ياجميل

أنا مقدرش أرفض للدكتورة طلب

ولا إيه ؟؟
بعدين تدينى الحقنة
هههههههه

يالة شكرا مرة تانى

على الكلام الجميل بتاعك

وعلى تحفيزى

وعادى بقة
أودى

الناي الحزين said...

السلام عليكم


حقنه؟؟؟
طيب خلي بالك بقي انا الحقن بتاعتي مش سهله واللي ياخدها بيجر نفسه لحاجات اشد

انا حقني جوه البؤ

وبعدها بيبقي
ياحشو
ياتمويت عصب
ياخلع
ياعمليه
اجارك الله


فخلي بالك بقي وماتحاولش تزعلني او ترفضلي طلب

والا؟؟؟؟؟؟؟؟؟؟؟؟

اوك!!!

:)
:)
:)

ههههههههه

سلام يااودي ويارب دايما اشوفك متفائل

Memo said...

ايه يا ابني ده
ليه الفضايح دي
وبعدين مين الي قال ان الورد الاصفر حلو هه
ومين الي قال ان الدنيا وحشه هه
و مين الي سماك محمودهه
عادي بقا
تحياتشي

ody911 said...

الدكتورة مروة

بالنسبة للحقنة برضوا

بق بق هوة حد طايل البق اليومين دوول

دة حته فى ناس بتتجوز مخصوص علشان البق

وبعدين أنا فعلانا عندى ضرس مخروك كدة ياريت بقة تبقى تشوفية كدة وتقوليلى رأليك فية إيه ؟؟

على فكرة ثانى أسم بحبوا فى أسامى البنات مروة

وحاسس كدة إنى الموضوع مش هيعدى على خيير

وعادى بقة
أودى

ody911 said...

مها - ميمو

أقولك ميين ؟؟؟

مدرب نادى الزمالك للكراتية

ههههههههههههههههههههههههههههههه

وعادى بقة
أودى

smraa alnil said...

هههههههههههههه جبرت بخاطرك اهو وطلعت تربية رياضية
هوب واحد اتنين تلاتة

ههههههههه
عن اذنك بقي رايحة اعمل تمارين الصباح

LAMIA MAHMOUD said...

الاول سلامتك
بعد كده بتكره اول حاجة الدنيا وتاني حاجة الدنيا
يا سلام عليك اية الاحتلاف ده

على فكرة انت حد كويس يا ابني

ody911 said...

إنوجى

إستنى أنا كمان عاوز ألعب كورة ممكن

علشان تمارين الصباح الحاجة الوحيدة إللى مش بحبها من أيام الدراسة يعنى

كان بيبقى شكلنا غبى قوى

واحد إتنين هوووب


هههههههه

منورية يا جميل

وديما جابرة خاطرى كدة على طووول


وعادى بقة

أودى

ody911 said...

لمياء

ربنا يجبر بخاطرك يا بنى

ربنا يسدد خطاكى
وينصرك على من يعاديكى

ويرزقك الزوج الصالح والزرية الصالحة

وربنا ما يشمت فيكى عدوا

ربنا يحميكى لشبابك

وحسنة قليلة تمنع بلاوى كتيرة

ومنورة يا لمياء

وفين رد التاج بقة

وعادى بقة
أودى

Epitaph said...

ايه يا عم الصريح ده

والورد الاصفر للغيرة يعني

ماشي يا عم
هههه


كل تاج و انت طيب

ody911 said...

إبتاف

هههههههههههههه

أنا دبستك فى واحد جامد بقة

إدعيلى مش تدعى عليا

ههههههههه

saso said...

ماتقلقش دفعات تجارة كلها مشرفة هنا علي بلوجر .. متحسسنيش اننا انقرضنا كده

فاصوليا بيضا؟ مممم متخيلتش انها تنفع تبقي وجبة مفضلة ..باستقبلها اسوأ استقبال هنا

فضا ايه بس علي رأي الدكتور بشبيشي -الوحيد اللي حضرتلة 8محاضرات معرفش ليه بس كنت باحب اتفرج عليه باين-الكلية دي مالهاش لازمة ودخلتوها غلط بس ليها ميزة وحيده
هتشتغلوا هتشتغلوا شركة البترول محتاجة لمحاسب وفرن عم حسنين محتاج محاسب انت ودماغك بقي

لقيت فرن عم حسنين استكفي دورت علي شركة سياحة واهي شغالة، يابني كليتنا مسلية جدا انا قعدت فيها ست سنين ومع كده اشتغلت اهو ، لو كنت في هندسة او طب والنتايج المسخرة اللي كنت باجيبها دي كنت هلاقي شغل؟ مفيش فضا ولا حاجة بطلوا كسل بقي
سيبك سيبك تحيا كليتنا العظيمة
:D

ody911 said...

ساسو

بجد شغالة

طيب متجيبيلى شغل وأهوة

حسنه قليلة بقة

منورة هنا وآسف مشفتش الكومنت دة من ساعتها

وعادى بقة
اودى

saso said...

بطلوا دلع ..هات اهرام الجمعة زي بقية الشعب
هتلقي خمستلاف محاسب حديث التخرج
منهم اربعتلاف وتسعمية مندوب مبيعات وكوول سنتر والحاجات دي
والباقي جد
:D

تحب اقرالك الجرنال الجمعة اللي جايه؟

arabcooL said...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول

Every breath you take And every move you make Every bond you break Every step you take I’ll be watching you Every single day And every word you say Every game you play Every night you stay I’ll be watching you Oh, can’t you see You belong to me Now my poor heart aches With every step you take Every move you make Every vow you break Every smile you fake Every claim you stake I’ll be watching you Since you’ve gone, I’ve been lost without a trace I dream at night, I can only see your face I look around but it’s you I can’t replace I feel so cold and I long for your embrace I keep crying baby, baby please Oh, can’t you see You belong to me Now my poor heart aches Every step you take Every move you make Every vow you break Every smile you fake Every claim you stake I’ll be watching you Every move you make Every step you take I’ll be watching you I’ll be watching you Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you) Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you)