الدنيا ما بتديش محتاج

أبكى على الدنيا عديمة الأحساس

أبكى على الزمن إللى ماشى وخلاص

أبكى على نفسى والمجتمع والناس

أبكى على الشباب والبنات

أبكى على إمبارح وإللى حصل فيه

أبكى على بكرة وإللى هيجرى ليه

أبكى

أبكى عليكى يا مصر

!!!أبكى يا ناس ولا مبكيش

زمن العجايب

لا بالجمال ولا كتر مال

لا بالجمال الجمال ولا كتر مال

تمسح دموع إللى إنظلم

على أى حال أبن الحلال الحلال

على أى حال أبن الحلال

هوة إللى يصبر على الألم

أهى دنيا عايشين فيها وبس

أهى دنيا عايشين فيها وبس

كل الاحباب ولا حتى جواب

وأنا بينى وبين الراحة يومين

وأنا بينى وبين الراحة يومين

وأعمل أنا إيه دة قدرى وبس

حقك عليا يا ليالى متزعليش

متزعليش

زعلانة طيب فهمينى إزاى أعيش

إزاى أعيش

أنا بيقولوا نايم تعبان حب وسهر

بقوا يقولوا قام لما غاب القمر

أنا بيقولوا نايم تعبان حب وسهر
بقوا يقولوا قام لما غاب القمر

وأنا أنا أنا

أنا قاعد أعد نجوم الظهر

من الجرح نسيت كام يوم فى شهر

أنا قاعد أعد نجوم الظهر
من الجرح نسيت كام يوم فى شهر

لا كلام

لا سلام

لا خبر ولا حس

اهى دنيا عايشين فيها وبس

أهى دنيا عايشين فيها وبس

كل الأحباب ولا حتى جواب

وأنا بينى وبين الراحة يومين

أنا بينى وبين الراحة يومين

أعمل أنا إيه دة قدرى وبس

دور على القلوب يا حب دور

وإفرد ظلام الدنيا نور

دور على القلوب يا حب دور
وإفرد ظلام الدنيا نور

وتعالا عندى وشوف ما عندى

تلقينى حوليا حو ليا بلف وأدور

يا ما يا ما يا ما طيبين كتير يا ما

يا ما يا ما حنينين كتير يا ما

لاكن زمن العجايب إللى معندوش ضمير

يقولوا دى قمرة يقول لاء شمس

أهى دنيا عايشين فيها وبس

أهى دنيا عايشين فيها وبس

كل الاحباب ولا حتى جواب

وأنا بينى وبين الراحة يومين

أعمل أنا إيه دة قدرى وبس

ملحوظة

العنوان والكلمات لأغنية جورج وسوف - زمن العجايب

كفاية حسد بقة

محدودى الدخل

يعنى بصراحة كدة

معمولهم دعم العيش والرغيف أبوا شلن علشان يطفحوا موتهم أحسن

وكمان معمولهم الاتوبيسات علشان يركبوا مشيهم أحسن

وكمان معمو لهم التموين علشان يكملوا طفح موتهم أوفر

وكمان بيعملوا تعداد علشان يساعدوا محدودى الدخل على إيجاد فرصة عمل أصلى أعدتهم عالة على المجتمع المتحضر

وكمان معمولهم محطات تحلية المياه بتاعت المجارى أو بتاعت النيل ومفيش فرق كبير بنهم علشان يطفحوا يتسمموا أريح

دة غيرإنى الدولة موفرلهم مرتبات ميحلموش بيها يعنى على الأقل مرتب يشترى ربعميت بيضة من بتوع الوزارة دول شفتوا الدلع

ودة غيير تحسين الطرق وتمهيدها طبعا علشان العربيات الأجرة والمطبات وكدة يعنى يتقلبوا أحسن

أما لو أتكلمنا عن خطوط المحمول والنت المجانى لاء وكمان الدى أس أل يااااااااااااااااااه دة العملية مزهزهه معاهم أوى

آل وبيطالبوا بتحسين مستوى معيشتهم

ياخى ..ه

كدة ومن الآخر

إن محدودى الدخل يحصلون على كل أهتمام الحكومة والدولة ككل

ومش هيلاقوا أحسن من كدة فى جنوب الصعيد ولا حتى الواحات

صحيح مش عارف همة بيحسدوا الأغنيه على إيه ؟؟

على الكام مليار دوول

طيب ما أنتوا بتقبضوا

هههههههههههه

وسلملى على جوزك

وعادى بقة

محدودى الدخل

هذا أنا

هذا انا

ادمنت احزاني

فصرت اخاف ان لا احزنا

وطعنت الافا من المرات

حتى صار يوجعني, بان لا اطعنا

ولعنت في كل اللغات..وصار يقلقني بان لا العنا..

ولقد شنقت على جدار قصائدي

ووصيتي كانت..بان لا ادفنا

وتشابهت كل البلاد.فلا ارى نفسي هناك

ولا ارى نفسي هنا..

وتشابهت كل النساء فجسم مريم بالظلام.. كما منى..

ما كان شعري لعبة عبثية او نزهة قمرية اني اقول الشعر -سيدتي-لاعرف من انا.

.يا سادتي:

اني اسافر في قطار مدامعي

هل يركب الشعراء الا قطارات الضنى؟

اني افكر باختراع الماء..

ان الشعر يجعل كل حلم ممكن

اوانا افكر باختراع النهد..حتى تطلع الصحراء, بعدي, (الميجنا)ان صادروا وطن الطفولة من يدي

فلقد جعلت القصيدة موطنا..

يا سادتي:

ان السماء رحيبة جدا..ولكن الصيارفة الذين تقاسموا ميراثنا..وتقاسموا اوطاننا..وتقاسموا اجسادنا..لم يتركوا شبرا لنا..

يا سادتي

:قاتلت عصرا لا مثيل لقبحه

وفتحت جرح قبيلتي المتعفنا..انا لست مكترثا بكل الباعة المتجولين..وكل كتاب البلاط..

وكل من جعلوا الكتاب حرفة مثل الزنى..

يا سادتي

عفوا اذا اقلقتكم انا لست مضطرا لاعلن توبتي

..هذا انا..هذا انا

شعر لنزار قبانى

معرفش لية كنت عاوز أكتبوا ليكوا

يمكن علشان أجزاء معينة منوا

حاولت أغير لونها يمكن حد يعرف حاجة ويقلى

وعادى بقة

أودى

حصل فى مدونة ل مالك

طبعا فى منا ميعرفش إللى حصل فى المدونة بتاعت مالك
أنا هاديكوا وصلة للموضوع
وصلة مالك


ودة ردين من الردود إللى كانت على الموضوع
الرد الأول

كل العالم كانت تسالني ليش عم بكره مصر كل ها الاد و بعتقد بعد اللي صار ما عاد في كلام يتقال....بلد وسخة و شعب اوسخ......بكره مصر و المصريين و التربية المصرية المتخلفة و العادات و التقاليد المتحجرة و مالها طعمه...وبلا ما نحكي عن تدين و بطيخ. و التزام البنت و الحجاب و النقاب و ما بعرف شو..بلا حكي فاضي و بلا تدين ظاهري بس بل الملابس.....حاجة بقي نحكي بها المواضيع لان ها الشعب ياللي وسخ من جوه بحياته ما راح ينضف طول ما العقول وسخة...فلا تعذبوا حالكوا و تحكو عن حرية و ديمقراطية و الحكومة و السلطة....اصلا الشعب هو ياللي بدو تغيير ..تغيير يالعقل و اسلوب التربية و التفكير و كل شي
فحتي لو صارت البلد بلد حر و ديمقراطي راح يضل الشعب المصري متل ما هو اذا لم يبدئ التغيير من داخله
يعني والله عار اني بحمل الجنسية المصرية و ما عاد في مكان بقلبي لكرها اكتر من كرهي لها حتي اني كرهت الحكي باللهجة المصرية
بكره مصررررررررررررر وبكره المصرييييييييييييييييييييين بس لكون عادلة فانا بؤمن ان لكل قاعدة شواذ


الرد الثانى

والله اللي انا شايفاة انها عملية مش طبيعيه بالمره وانها حالة جديدة للأساءه لسمعة مصر الحبيبهفعلا فيه حاجات كتير اوي وحشه بتحصل في مصر بس عمرها ماتوصل لدرجة التحرش العلني في وضح النهارانا مش مصدقه ولا كلمة من اللي اتكتب سابقا وانها مثل ماحدث وقالوا اتنين شباب كويتي عملوا فرح في الهيلتون وانهم طردوا من الكويت لان الكويت لاتسمح بهذه المهزله!!!!!نفهم من كده انهم جاءوا الي هنا لان مصرنا الحره هي اللي بتسمح بالمهزله دي...عجبــــيطبعا الكلام ده مقصود منه مص ومش بعيد يكون عمليه سياسية اخري جديده واللع اعلم بما سيكون بعد ذلكلكن بالنسبه لشباب مصر فيهم العبر بس انا اشك في مصداقية هذا الكلام وانا لااحب ان تسوء سمعة مصر ولا شباب مصرانا اقطن احدي دول الخليج واري اشياء ابشع من ذلك صدقوني ولكن كله في المستخبي ....حرام عليكم لاتشوهوا سمعة مصراحنا مش مستحملينكفاية علي مصر اللي هيا فيهربنا يرحمها برحمته ويرفع مقته وغضبه عناهاسألكم الدعاء فمصر مذكوره في القرآن الكريم وقد قال رسولنا الكريم صلوات الله وسلامه عليه ان رجال مصر هم خير اجناد الارضكفــــــــــــــايهبجد كلنا مهمومين وشايلين هم مصر وبنحبها



هسيبكوا تحكموا إنتوا وتقولوا مين الصح
بما أنكوا كلكوا مشيتوا فى شوارع مصر
وعارفين الشباب ممكن تعمل إيه ؟؟
بس قبل ما تحكموا أقرأوا كلام
Ahmed Shokeir
بس أنا رأيى إنى مفيش حاجة من الكلام دة صح
ودة كلوا علشان فى ناس عاوزة مصر تحت تحت أوى

الكوسة

مين فيكوا ذاق الكوسة ؟؟
مش الكوسة إللى بتتعمل فى البيت لاء
دى الكوسة إللى بتتعمل فى الشغل
آه للأسف
مصر كلها كوسة
حد يعرف لية سموا الواسطة كوسة
أقولكوا أنا
زمان قبل ما نعرف حاجة أسمها واسطة فى مصر
أو على الأقل مكناش واخدين بالنا منها
كنا بنستورد حجات كتيير من برة
مثلا البصل
الخيار
التفاح
الكوسة
أى حاجة يعنى
المهم
الكوسة الحاجة الوحيدة إللى كان لازم المينا يفضى علشان تنزل من على السفن
عارفين إيه السبب
أولا لانى الكوسة بتبوظ بسرعة
يعنى هتعطب
وبما اننا مستوردينها علشان محتاجنها
فكان المينا بيفضى أول ما تدخل الكوسة
وكان الناس بتسأل هوة فى إيه ؟؟
يردوا عليهم ويقوللهم
أصلى الكوسة وصلت
وبعدين بقة يتقال
وسع للكوسة
ومن هنا أطلقت كلمة كوسة على الحاجة إللى بتخلص بسرعة فى أى مكان
ودة لانى الحاجة دى بتتعمل قبل أى حاجة تانى
كوسة بقة
وعادى بقة
أودى

حكاية

هقلكوا النهاردة حكاية الشعب الحصرى
قصدى المصرى
الشعب الكسيب
قصدى الفهلوى
مشكلة كبيرة جدا
وهيه أنى كل الشعب الحصرى إللى هوة المصرى
نفسوا يكسب وخلاص
مش مهم إزاى مش مهم يضحك علية
بس أهم حاجة يكسب
ومع إنى كل الناس مكسبتش حاجة بس بيطمنوا نفسهم بشوية الأسامى إللى بتطلع على التليفزيون
حنفى بيك أبو فكة
وليلى هانم أم فكة
ههههههههههههههه
أصلى أبنهم أسموا فكة
وطبعا دى أسماء ناس على المجرة إللى جنبينا

مش مهم المهم دلوقى إنى لازم أقول للناس إللى عارفة إنى الكلام دة كلوا ضحك على الدقون
بلاش تتصلوا بأى نمرة على أمل إنكوا تكسبوا أى حاجة
ولا حته قرش حشيش
ولا حته حجة أو عمرة
أصلى إللى ضايقنى أوى الوعود لما تروح للناس البسيطة
وتفتح طاقة من نور
بس يا خسارة دة نور كشاف
مش نور ربنا


إيه رأيكوا بقة فى شعب المحروسة أمك
مش شعب عبيط برضوا
بس أرجع وأقول
رزق الهبل على المجنين
وعادى بقة
أودى

مثل

المثل دة قابلنى كدة النهاردة
وبعدين عجبنى فقلت لازم أقولكوا علية
المثل بيقول
أعدنا ياما والقعدة طالت
لشاى غللى ولا القهوة فارت
وعجبى

أختبار مش عارفوا بتاع إيه ؟؟؟

دة الأختبار إللى ستنا بتابيت بعتتوا

هل انت عقلانى اكثر ام عاطفى؟
شكلى عاطفى أكتر

صف شخصيتك فى خمس كلمات؟
غيور – طموح – هادى – منفعل - مجنون

اذا كان لكل انسان شبيه من الحيوانات,أى حيوان يشبهك؟
القرد – على فكرة دى أول مرة أعرف إنى شبه القرد فى نشطوا و حيويتو لانى قعت أفكر كتيير مش لاقى حيوان زييى ( أصلى أنا مليش زى )
بس بجد الحيوان إللى بحب أسلوبوا فى الحياه أو فى معاملتوا ونفسى كنت أبقى زيوو
الكوبرا ( هادية – مفكرة – قرصتها والقبر ) أوعى وشك !!!

ما هو لونك المفضل؟
الازرق طبعا ودة من خصائص البرج بتاعى ( الحوت ) خلى بالك

هل أنت أجتماعى اكثر ام منعزل؟
آه جينا للسؤال إللى مش عارف إجابتوا
هوة سعات بكون اجتماعى وسعات بكون انعزالى ( أفهموها إنتوا زى ما يعجبكوا )

ماذا يشكل أصدقائك بالنسبه لك؟
كتييييييييييييييييييييييييييييييييييييييييييير

هل أنت مرتبط بعائلتك؟
مش قوى إنتوا عارفين المشاغل بقة
نت وشغل وأصحاب أقطع نفسى يعنى ؟؟؟

هل أنت عصبى أكثر أم هادئ؟
هادئ جدا لدرجة الشلل أوقات وعصبى جدا لدرجة العمى باقى الأوقات

هل تفضل فصل الشتاء أم الصيف؟
سؤال رخم شوية
بس متهيقلى ميفرقش معايا قوى ( علشان كل واحد فيه مميزات وفيه عيوب )

متى أخر مره بكيت فيها؟ولماذا؟
بكييت بكييت كتيير يعنى
سيبك منها
لكن دموعى بتنزل تقريبا كل يوم ( بدمع كدة ) مش بعيط كتيير يعنى
والسبب .إنتوا عارفين لما تحسوا إنكم مظلومين وزهقانيين وبتحبوا ومشتاقين و بتسمعوا أغنية جت على الوجيعة
كل دى أسباب بتخلينى أدمع كل يوم

حد يقلى كدة الأختبار حلو ولا لاء أصلى مليش فى النفسويات دى

وعادى برضوا

أودى

ردا على كلنا ليلى

طبعا أنا مش هقول كلنا حنفى ولا حاجة

ولازم اكتب الكلام إللى أنا رديت بيه عليكوا كلكوا هنا

علشان لو فى حد عندوا تعليق يكون فى مكانوا الصح

وطبعا مفيناش من زعل


الكلام كان كما يلى


أحب أقول كلمة بصراحة
ليلى إللى بتقولوا عليها ملهاش أى لازمة
أيوة أنا مش بكذب والدليل فى كل مكان حولينا
واحدة عاوزة تشتغل وماااااااالو تشتغل بس تحافظ على أساس تواجدها فى الحياه !!!
مش فاهمين طبعاالست( سورى )ليلى المفروض إنها تعمل إيه ؟؟
تربى العيال و تحضل الأكل و تغسل وتمسح وتكنس وتشيل عن حنفى مشاق الحياه
وبرضوا فى نفس الوقت تتحب وتتعاشر بالمعروف ويجيلها إللى تطلبوا وتساعد بالرأى فى المشاكل المتعرضه لها الأسرة
لكن وللأسف كل الليلات اللوات فاكرين نفسهم هيصنعوا الزرات مش بياخدوا لونجات !!!
طبعا مش فاهمين أفهمكوا
دلوقتى البنت زى الولد ماهش كمالة عدد ( ربنا يولع فيك ياللى فى بالى )
بيقولوا أحنا أحسن من ايتوها حنفى أحنا إللى بنصنع وحنفى بيهدمأحنا إللى بنعمر وحنفى بيدغدغوتبص فى الآخر تلاقى فى أى شغل وعلى يدى
البنت دايما معمولها مواعيد غير الولدمعلش يا أبنى إنته راجل تيجى باليل وتتأخر فى الشغل وتيجى اول يوم العيد وتشتغل فى كذا وتسيبلها كذا علشان كذا أسهل من كذا وعادى خالص ونطنش ونقول ياواد كببربس المشكلة إنى فى الآخر تيجى ليلى وتقول أنا وأنا وأنا
وإنته ملكش لازمة
أنا بعمل شغل البيت وبشتغل وإنته شغااااااااااال بسآه
ومين بقة قالك إنى عاوزك تنشتغلى من آساسواااااا
آه ما أنته عاوز تقعدنى فى البيت زى الطوبة ماليش لازمة
طبعا حاقد عليا
طيب يا ستى خلاص إشتغلى
مانا متبهدلة فى شغل البيت وفى الشغل ساعدنى
ياخى .....
بلاش نكون زبالة فى الكلام
الأدب حلوا برضواطيب نرضى ليلى إزاى
إذا قلتلها أقعدى فى البيت زعلتو
إذا قلتلها أشتغلى قالت إنها من المعزبين فى الأرضو
لا كدا عاجب ولا كدا عاجب
طيب نعمل إيه ؟؟؟
مش كفاية إنها واخدة مكان راجل ممكن ينتج اكتر منها ومقعداه على القهوة يشرب سجاير ويعاكس فى البنات والواد ساكت ياعينى نفسوا يتجوز ومش عارفعلشان مفيش شغلليه علشان البنات إللى شغااااااااااال
هوطبعا حضرتكوا عرفين السبب ؟؟؟؟
مش لأنهم أكثر من حنفى تعليم لاءغلطدة بس علشان أسمهم بناتلو حنفى لبس جيبة كان زمانوا أشتغل من زمااااااااااااان
آه بس لو كان عندوا زى إللى عندها
كان إشتغل إشى سكرتيرة
وطبعا عارفين إنها منظر مش أكتر من كدة
منظر الناس تتفرج عليه ؟؟؟
إستيل يعنى
ويرجعوا فى الآخر يقوا ليلى
قااااااااااال ليلى قال وسلملى على جوزك يا أسمعين بيه
أرجوا إطلاع الست العاقلة الراسيه ما تجيلها بلهارسيا ( كلنا ليلى )على هذا التعليق
وكونوا موضوعيين وبلاش تحيز مرة واحدة فى حياتكوا
وقولوا على حاجة
أنا واحد من الحنفى ممكن يقوم هوة بشغل البيت ويقعد فيه على الأقل هيرتاح من هم الشغل إللى بنشوفوا كل يوم فى المواصلات وغيرواطبعا ماتعرفوش حاجة عنوا علشان حنفى بيقوم لأى ليلى حلوة ويقعدها مكانوا
قال إيه معلش دى ليلى ومش تقدر تقف زى حنفى أمال حشرين مناخركوا لية ؟؟
لما مش قادرين تعملوا حاجة وفاكرين إنى شغل البيت دة حاجة جامدة قوى واللهى إنتوا مش عاجبكوا العجب ولا الصيام فى رجب
والرجالة تستاهل
أودى

تغيير العملة المحلية

قرار تمهورى رقم 75 قشر للبيضة(مع الأحتفاظ بالشين والرة

قد قرر تمهور بية وباقى أعضاء حسب الريح

تغيير العملة المحلية من الجبنه العايمة ( مع الأحتفاظ بالبه والنون ) إلى البيض الطازة

وقد قررت محكمة عنيات الدولية أن لكل مواطن حق فى البيض الطازة من هنا ورايح

وبما أن القرار سار حتى لا نهاية بعد غرق الجبنة العايمة

وبحساب المستهلكات اليومية بطرح الحسابات الشهرية

تقرر الآتى

واحد بيقبض 400 بيضة فى الشهر يعيش كالآتى

المواصلات

بيضة من بيتهم للخناطر الخيرية

عدد 2 بيضة من الخناطر لمخور 27 يناير 2006

يبقى مجموع المواصلات رايح جاى فى اليوم 6 بيضات

يعنى فى الشهر 6*25 = 150 بيضة

الأكل والأزى منه

ولو قلنا هياكول 2 بيضة فى الفطار وكمان 2 فى الغدا وكمان 2 فى العشاء يوميا يكون الناتج

6*30=180

وممكن يشرب كباية شاى أو إتنين فى اليوم والكباية ببيضة

يعنى المجموع فى الشهر 60 بيضة فى الشهر

وكمان هيشرب كل يوم علبة سجاير ب3 بيضات يكون المجموع فى الشهر

3*30=90

يعنى المجموع كلوا 480 بيضة فى الشهر

طيب إزاى

أقولك أنا إزاى

يا يسرق يا ينتحر

وبما إنوا مش بيعرف يسرق يبقى إية ؟؟؟

قول إنته بقة

وبعدين العملية دى مش مظبوطة بفكر أطلع قرار تمهورى تانى بتغيير العملة من البيض الطازة لفراخ الوزارة

بيضة تن تن بيضة تن تن بيضة إن كنت أحبك تانى بيضة

بس قبلنى المرة دى وتبقى دى آخر بيضة وبعدها سودة

سودة

مع الأعتزار للفراخ

الديوك لاء

وعادى بقة

أودى

يوم فى الشغل

عم سيد بيسلم عليك وبيقولك معندوش ورق خالص وبيقلك لو عاوز تطبع حاجة هات ورق درافت من عندك وإطبع علية
أما هانى فتأخر النهارة ومعرفتش أفطر خالص
وعم محمد دايما بيعكس الأسنسييييير علشان خاطرى
وعادى بقة

هم يضحك وهم يبكى وهم يا جمل وهمبرجر

قطر يخبط فى قطر

همه فاكرين إنهم بيلعبوا بعجل فى الحاره

حسبنا الله هو نعم الوكيل

آه بجد

بجد نفسى أعيط ومش عارف

أهواك بلا أمل

أهواك بلا أمل و عيونك تبسم لي‎ ‎و ورودك تغريني بشهيات القبل‎ ‎أهواك و لي قلب بغرامك يلتهب‎ ‎تدنيه فيقترب تقصيه فيغترب‎ ‎في الظلمة يكتئب و يهدهده التعب‎ ‎فيذوب و ينسكب كالدمع في المقل‎ ‎في السهرة أنتظر و يطول بي السهر‎ ‎فيسائلني القمر يا حلوة ما الخبر‎ ‎فأجيبه و القلب قد تيمه الحب‎ ‎يا بدر أنا السبب أحببت بلا أمل

فيروز

عادى بقة

أودى

زمان ودلوقتى

زمان كنت زهقان إنى مش شغال
دلوقتى زهقان إنى شغال (( آسف مقلتلكوش إنى إشتغلت من أسبوع كدة ودة طبعا مأثر على ردودى عليكم وكمان كتاباتى وأفكارى )) المهم
وقبل دة كلوا كنت زهقان من العيشة وإللى عايشنها والبنات وإللى حبنها
وكنت عمال أغنى
أوقثات يا دنيا معاكى بعيش وسعات مبفهمكيش وإنتى ولا فهمانى
وعادى بقة
أودى

من كتر الهم ضحكت

وصل رجل إلى الفندق الذي سيكون نزيلا فيه. ووجد في غرفته جهاز كمبيوتر وقرر أن يرسل رسالةبالبريد الالكتروني إلى زوجته..ولكنه أخطأ في كتابة عنوان البريدالالكتروني لزوجته ودون أن يدرك الخطأ أرسل الرسالة إلى عنوان آخر وصل إلى امرأة أخرى كانت قد رجعت لتوها إلى بيتها من مراسيم دفن زوجها فقررت أن تتصفح الرسائل الالكترونية الواردة من الأصدقاء والأهل، فقرأت الرسالةالتاليةوأغمي عليها وحضر إليها ابنها ووجد أمه مغشيا عليها ورأى الرسالةالتالية على شاشة الكمبيوترإلى : زوجتي المحبوبة الموضوع: وصلت منذ لحظات الرسالة أعرف أن المفاجأة ستنتابك الآن ، ولكنهم وضعوا كمبيوترات وفيها خدمة بريد الكتروني الآن ويسمحون لنا بإرسال رسائل إلى أحبائنا.وصلت لتوّي وأنهيت إجراءات الدخول والتسجيل . وقد لاحظت أن كل شيءجاهز ومعدلوصولك غداً. أتطلع لاستقبالك هنا حينها.آمل أن تكون رحلتك خالية من المتاعب والصعاب التي واجهتها أنا! ! ا أثناء رحلتي.أراك لاحقا

زوجك المحب والمشتاق

عادى بقة

أودى

that is your life !!

to speak or not
to read or not
to write or not
to feel or not
to love or not
to live or not
to cry or not
to think or not
to hurt or not
to work or not
to marry or not
to start or not
to drink or not
to eat or not
to sleep or not
to stop or not
that is your life !!!


see you
ody

سعات سعات

سعات بحس إنى متشائم قوى

وسعات أحسن إنى متفائل أوى

بحس إنى متشائم علشان كل ما أتكلم مع حد فى موضوع الشغل بالزات بقلوا مفيش شغل يا أبنى نفض أحسن

ولو أشتغلت هتقبض كام 250 جنيه

تركب مواصلات ب 100 وتاكل 50 وتوفر 100

100 * 12 شهر =

1200 حنيه

فى عشر سنين

12000 جنيه

تتجوز بيهم إزاااااااااااااااااااااااااااااااااااااى دول

مع العلم إنى سنك 26 سنه حاليا وبعد 10 سنين هتبقى 36 سنه

ولسة متجوزتش

ونفترض إنى ال 12 ألف دول جوزوك

هتصرف على مراتك من فين ؟؟

وإزاى

طيب لو فركت تخلف تعمل إيه ؟؟؟

وتتصرف إزاى

دة كان التشائم

أما التفائل بقة إنى لسة بدور على شغل

هههههههههههههههههههههههههههه

ولينا لقاء

أودى

أقوال مأثورة

المشهد الأول

((( دة فى أى مكان رايح تقدم فيه )))

إنته خريج جامعة إيه ؟؟؟

إنته إشتغلت فين قبل كدة ؟؟

تحب تقبض كام ؟؟

عندك مانع تشتغل ورديات ؟؟؟

ساكن فى المنوفية !!!((( زى ما أكون ساكن فى المريخ )))

يعنى هتروح وتيجى كل يوم !!!!

طيب المرتب بتاعنا حوالى 250 ج

عموما أحنا خدنا بياناتك وهنبقى نتصل بييك ( موت يا حمار )

المشهد الثانى

((( أما دة بقى لو معاك فلوس وعاوز تشتغل )))

أيوة يا أبنى

إنته عارف مصر كلها مقفولة

مفهاش شغل خالص

بس أنا أعرف واحد بيشغل بفلوس

أيوة

إزيك يا أستاز فلان !!

أنا كلمنى فلان الفلانى عن شغل ليك

معاك فلوس تدفع

عموما هوة إنته بالتأكيد عارف إنى مفيش تثبيت فى الحكومة كلوا بعقود يعنى لمدة سنه أو أثنين

طيب أنا عندى وظيفة فى حدود خمس تلاف جنيه كدة معااااااااااااااك

فى الحته الفلانية (( مكان زبالة كدة ))

عموا ممكن مكان أحسن من كدة أنا معايا فلوس

آه طبعا

أنا عنيا ليك

فى فالبترول محاسب طبعا

دى هتعملها 40 باكوووو

دة غير مصلحتى

إيه 40 باكواا ليه ؟؟؟

واللهى دة إللى موجود

( معاك فلوس تدوس )

المشهد الثالث

(( مع الناس على القهوة ))

(م) إيه يا أبنى مالك ؟؟؟

مليش مخنوق شوية

مخنوق من إيه ؟؟

هههههههههههههه من الشاى أصلوا طلع مسكر وإنته عارف إنى مش بحب الشاى مسكر

يعنى هكون مخنوق من إيه يابا

ما أنته عارف

مفيش فلوس

مفيش شغل

ههههههه ياه يابنى إنته شايل فى نفسك لية كدة

قوم قوم أفرفشك شوية

محدش واخد منها حاجة

قوم دة انا معايا حتت حشيش إنمى إيه تتوهك 3 أيام

ما أنته عارف إنى مش بشرب

ياعم إشرب علشان تنسى

وبعد ما أنسى ال3 أيام دول أعمل إيه ؟؟؟

عادى تنسى كمان 3 أيام

يا أبنى إنته مش واخد بالك ولا إيه ؟؟

إنته سنك 26 سنه فاهم ولا إيه ؟؟

يادى النيلة أهو هيفكرنى تانى يا رجالة

طيب ياعم خلاص حقك عليا خليك مخنوق أروح أنا أشربلى سجارتين بقة

سلام

وتظل وحيدا

ولينا لقاء

أودى

عادى ننجرح عادى نتنسى عادى الألم عادى والندم عادى أى حاجة كل حاجة مش غريبة عادى

عمرك سيت إنك مخنوق
من الناس
من الدنيا
من إللى حوليك
من نفسك
مش عارف عاوز إيه
مش عارف عملت إيه
مش عارف تعمل حاجة
حاسس إنك مهزووم
حاسس إنك حزين
مش فارقة معاك تكلم مين او متكلمش مين
ويستحسن متكلمش حد خالص
ولا حته الناس إللى بتحبهم أو يمكن لازم متكلمهمش
أنا إحساسى كدة
أودى

الليلة أحساسى غريب

على رأى كاظم الساهر

الليلة أحساسى غريب عاشق وأنا مالى حبيب

قلت أحب الحب أحسن

قلت أحب الحب أضمن

حبيبتى أين أنتى ؟؟

إنى أبحث عنكى فى كل مكان فى كل زمان بين الشطئان بين حبات الرمال بين الأرض وقمرها

أبحث عنكى ولكن دون جدوا وأرجوا أن تكونى أنتى الآخرى تبحثى عنى مثلما أبحث عنكى

أبحث عنكى وأنا لا أعرف عنكى شئ !!!!

أبحث عنكى ولا أعرف من أنت

ما شكلك

ما لونك

ما سنك

أين تسكنين

ماذا تأكلين

وماذا تشربين

فقط كل ما أعرفة عنكى أننى سوف أجدك

وعندما أجدك سوف أعرفك

أعرف كل شئ عنكى

وسوف أجد الحب

أو ما تبقى من الحب بين يديكى يا مولاتى

ولينا لقاء

أودى

يا خرابى!!!

يا خرابى أنا إيه إللى جابنى هنا !!!

دة إنتوا ناس مثقفين أوى يا عم

أنا مش مثقف كدة خالص أنا آخر كتاب قريتوا تقريبا كتاب محاسبة !!!!

أنا كنت فاكر إنكوا ناس عادية زينا من إللى مش عاجبهم العجب ولا الصيام فى رجب

بس

مش عارف أقولكوا إيه حقيقى

أقولكو

ولينا لقاء

أودى

مين ليه إزاى آه فهمت همه الأول علشان المساوااااااااااااااااااااااه

نداء كل يوم
نريد
عاوزين
مش واخدين
ليه أحنا بنتعامل كدة
بنات بنات بنات
مش عارف عاوزين إيه بالظبط
مش كفاية ولا لو إتكلمنا منسكتش
يعنى يبقى الشاب مننا زى العسل وخبرة وكمبيوتر وإنجليزى وإشى شهادات أى بى إم وإيشى مايكروسوفت
ويروح يقدم على شغل ومعاه حوالى 1000000000000000 أنا مش عارف العدد دة كام بس هوه كبير على ما أعتقد
المهم ومعاهم 1 بنت
وهيه إللى تشتغل !!!!
ليــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــه
هـــــــــــــــــــــــــــــــــــــــــــــــــــــــــــــــــــــــــــــــــــــــــــاه
حدى يقولى
ممكن حد يقولى إنهى اعلى فى المستوى من الرجالة الكتيرةى أوى دى
بس أنا بقولك لاء
مش كدة أو مش هيه دى الفكرة إللى إنته عاوز تقولها
إنته جواك
جواك
انا شايف
إنته عاوز تقول حاجة ومكسوف
عاوز تقول
علشان حلوة
صح
آه صح أنا عارف إنها صح علشان أحلى منك يا معفن
ماهوا أنا لو كنت بنت كان زمانى شغال طيار دلوقتى مع إنى خريج تجارة أيوة متستغربش
ممكن نكون ظلمناهم فى حجات
بس بالتأكيد أحنا إللى مظلومين دلوقتى
طيب قلى إزاى
أقولك
أحنا لما ما نشتغلش همه هيتجوزواااا إزاى
مش هيتجوزوا إلا الناس اللهية بقالها كتير فى الدنية دية عارفهم 45 , 50 , 55 قول 60 يا دوب
يعنى هيتنكد عليهم وهيزهقوا وبعدين الناس دى مش كتير لآنى زى ما انتم عارفين دى ترب والخروج منها مش سهل يعنى هيموتوا هيموتوا
إنما لو أحنا أشتغلنا
ياسلام يا الجمال إللى هتكون علية الحياه
هيبقى معانا فلوس
وهنعرف نكوم نفسنا
أيوة نكوم مش نكون
أحنا بنحاول نكوم نفسنا ومش عارفين
المهم ممكن ساعتها نتجوزهم ونستتهم فى البيت
ولو مش عاوزين يشغلونا مفيش مشاكل برضوا أحنا ممكن نقعد فى البيت نطبخ ونكنس ونمسح ونعمل كل الحجات دى
وهمة يشتغلوا ( أنا مش عارف الناس نفسها تستريح وهمه عاوزين يشتغلوا ليه ؟؟ ) أل أثبات الزات أل
هههههههههههه أمال أحنا نعمل إيه
ننام طول النهار
ولا نروح نرتكب جريمة
ولانقعد نعيط
لاء وإللى يغيظك تبقة بتكلم بنت وبتحبها وعاوز تتجوزها ومنتش عارف
وييجوا يلوموا عليك بعد كدة يقولولك أنا جاييلى عريس مش هتروح تتقدملى لحسن بابا يوافق عليه
طيب أتقدملك إزاى
أروح أقولوا يا عموا أنا عاوز أتجوز بنتك
يقولى طيب بتشتغل إيه
أقلوا باخد دورات
يقولى طيب هتأكلها من فين
أقلوا من شهادات مايكروسوفت
طيب هتنيمها فين
أقلوا فى معهد لغات القوات المسلحة
هههههههه
واللهى أنا مش عارف أقول إيه بس بوجة كلامى لكل الناس
يا عالم فهموه رمضان ماعمروش قال كدة
رمضان قال أحمدوه والحمد مش بالشكل دة
صباح وفؤاد المهندس
ولينا لقاء
أودى

حاجة حلوة أوى ( مش العسل !!! )

طبعا عاوزين تعرفوا إه هيه الحاجة الحلوة أوى
الحاجة الحلوة إنك تبقى على راحتك تتكلم مع حد مش موجود
يعنى متتكسفش وإنته بتقول أى حاجة
وفى نفس الوقت متتخنقش من إللى حوليك
لانى بجد أنا نفسى أقول كلام كتير يعبر عنى وعن الناس وعن البلد وعن الدنيا وعن الحال وعن وعن وعن
مش مهم أقول كل حاجة بس المهم أفضفض
علشان كدة
بجد أنا مبسوط إنى سجلت فى الموقع الجميل دة
واحب إنى أسمع منكوا كلمة ترحيب
لما تعرف إنى الناس إللى موجودة كلها مخنوقة
يبقى إنته اكييد أكييد فى مصر