Thursday, August 31, 2006

تغيير العملة المحلية

قرار تمهورى رقم 75 قشر للبيضة(مع الأحتفاظ بالشين والرة
قد قرر تمهور بية وباقى أعضاء حسب الريح
تغيير العملة المحلية من الجبنه العايمة ( مع الأحتفاظ بالبه والنون ) إلى البيض الطازة
وقد قررت محكمة عنيات الدولية أن لكل مواطن حق فى البيض الطازة من هنا ورايح
وبما أن القرار سار حتى لا نهاية بعد غرق الجبنة العايمة
وبحساب المستهلكات اليومية بطرح الحسابات الشهرية
تقرر الآتى
واحد بيقبض 400 بيضة فى الشهر يعيش كالآتى
المواصلات
بيضة من بيتهم للخناطر الخيرية
عدد 2 بيضة من الخناطر لمخور 27 يناير 2006
يبقى مجموع المواصلات رايح جاى فى اليوم 6 بيضات
يعنى فى الشهر 6*25 = 150 بيضة
الأكل والأزى منه
ولو قلنا هياكول 2 بيضة فى الفطار وكمان 2 فى الغدا وكمان 2 فى العشاء يوميا يكون الناتج
6*30=180
وممكن يشرب كباية شاى أو إتنين فى اليوم والكباية ببيضة
يعنى المجموع فى الشهر 60 بيضة فى الشهر
وكمان هيشرب كل يوم علبة سجاير ب3 بيضات يكون المجموع فى الشهر
3*30=90
يعنى المجموع كلوا 480 بيضة فى الشهر
طيب إزاى
أقولك أنا إزاى
يا يسرق يا ينتحر
وبما إنوا مش بيعرف يسرق يبقى إية ؟؟؟
قول إنته بقة
وبعدين العملية دى مش مظبوطة بفكر أطلع قرار تمهورى تانى بتغيير العملة من البيض الطازة لفراخ الوزارة
بيضة تن تن بيضة تن تن بيضة إن كنت أحبك تانى بيضة
بس قبلنى المرة دى وتبقى دى آخر بيضة وبعدها سودة
سودة
مع الأعتزار للفراخ
الديوك لاء
وعادى بقة
أودى

13 comments:

Aoossa said...

طيب ربعمية بيضه كويسين
هو أنت شغال أيه
أنا أعرف ناس فتحا بيوت بنفس عدد البيض
كل الحكايه بيفصلوا الصفار عن البياض
أنت بتعمل كده
طبعا نووووووو
وكبيتين شاي يا مفترى
كفايه رشفه شاى
أنت شغال أيه مترد عليا
أيه مترد
متر
مت
م
قلبى
أعععععععععععععععععععع

ody911 said...

المشكلة مش فى فتحان البيت ما أنا ممكن أفتح أى بيت وخزنة كمان
بس المشكلة إنى مش بعرف أفصل البياض عن الصفار
وبعدين أتجوز إزاى
بكام بيضة يعنى
وأكل مراتى إيه ؟؟
وعيالى
وبلدى والمجتمع والناس
وسلملى على جوزك يا أسماعين بية

Sampateek said...

بلوج مفتكس و جديد من نوعه
احييك عليك
الحل سهل و بسيط علي كل مواطن ان يربي فراخ تحت السرير و لها عدة فوائد اول هام حتبيض له بيض اضافي يحسن بيه معيشته و تاني هام لو جاع و اتزنق يدبحها و يسلقها و يعزمني عليها
ثالث هام لما يزهق من حياته يتعدي منها بانفلوانزا الطيور و يبقي مات شهيد
يعني هيا الحكومة المطاهرة حتعمل اية حتقطع نفسها
و سلملي علي جوزك يا سمعين بيه

Epitaph said...

ههههههههههههه يا اودي
ده مش عادي بقي
ههههههه

ody911 said...

كلبوزة
واللهى فكرة إزاى أنا كنت ناسى الأضافى
خلاص أنا أموت نفسى بقة
آه الله يسلمك سمعين بسلم عليكى وبيقولك
شفيلوا عروسة ترضى بيه بقة قبل ما يتجنن



إبيتاف
بجد كل ماجى (مرقة دجاج ) أقرا تعليقق أضحك
ألا دة لية ؟؟؟
والله يا أبنى ما أنا شايف

بين الأمل و اليأس said...

بجد بحاول اجمع معلومه لكن مش عارف بس ان شاء الله لما افتح المزرعه في الخطه الخميسيه الجايه هاشوف موضوع البيض والفراخ واتناقش مع الديوك في الموضوع ده واه من اخر بيضه
بس بجد كلام جميل وعجبني وضحكت عليه اوي بس كدا الواحد يعيشها صايم احسن ولا بيض ولا غيره وياخدها موتورجل احسن بردو ككدا يوفر اكتر من نص البيض وبكده تموت من الجوع

بين الأمل و اليأس said...
This comment has been removed by a blog administrator.
ody911 said...

الحياه من غيير فرخة حنونة جنب الواحد عاملة زى الشاى من غير لبن
وبياع الفول بيقول إيه
الفول العجمية
ألا لية ؟؟
قول إنته بقة
وعادى بقة

sara said...

اودى انا مبحبش البيض يا اودى
افرض مرة راجع البيت وفى الزحمه كده كسرتلك كام بيضه هتعمل ايه ساعتها
ولون ده مش بعيد خالص حتى لو الحكايه ما فيهاش بيض

BaTaBeeT said...

:D mafish sogo2 wennaby !!

ody911 said...

سارة
ولا أنا بحب البيض بس حكم القوى
وعادى فى المعادى وكذلك ( وسككين )







بتابيت

سجق إيه يا طفصة
هتفضلى طول عمرك همك على بطنك كدة
ومفيش عشى النهارة علشان تستريحى !!!

LAMIA MAHMOUD said...

دمك خفيف .. وتعتقد الحل فعلا انه ينتحر؟!

ody911 said...

أخصمك ومالوا ومالوا ودى فيها إيه ؟؟
آه صح ننتحر ونستريح

Every breath you take And every move you make Every bond you break Every step you take I’ll be watching you Every single day And every word you say Every game you play Every night you stay I’ll be watching you Oh, can’t you see You belong to me Now my poor heart aches With every step you take Every move you make Every vow you break Every smile you fake Every claim you stake I’ll be watching you Since you’ve gone, I’ve been lost without a trace I dream at night, I can only see your face I look around but it’s you I can’t replace I feel so cold and I long for your embrace I keep crying baby, baby please Oh, can’t you see You belong to me Now my poor heart aches Every step you take Every move you make Every vow you break Every smile you fake Every claim you stake I’ll be watching you Every move you make Every step you take I’ll be watching you I’ll be watching you Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you) Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you)