Saturday, May 19, 2007

أنا بس بضايق

أنا بس بضايق علشان بشوف فى عنيك نظرة صعبان عليك وعليك دة مش لايق

دى كانت أصاله

.

أما انا بس بضايق علشان بشوف

فى الجرنان وظايف للناس إللى شغالة

مش الناس إللى عاوزة تشتغل

.

أما انا بس بضايق علشان بشوف

إنى أعضاء مجلس الشعب الكرام محدش بيشوفهم فعلا إلا وقت الأنتخابات

.


أنا بس بضايق علشان بشوف

مليون شاب فى مصر نفسهم يتجوزوا ومش عارفين

.

أنا بس بضايق علشان بشوف

البنات فى فصل الصيف

.

أنا بس بضايق علشان بشوف

الوزراء مش بيتفرجوا على الأفلام إللى بتناقش مشاكل الشباب

.

أنا بس بضايق علشان بشوف

إنى فى ناس عايشة فى مجرة تانية فى كوكب تانى فى بلد تانية غير المنكوسة

.

أنا بس بضايق علشان بشوف

النفاق

.

أنا بس بضايق علشان بشوف

ناس بتشتغل وناس أحسن منها قاعدة

.


أقولك إيه وأعيدلك إيه دة الشوق يا حبيبى فى بوعدك انا مقدرش علية

مع الأعتزار للمغنى والأغنية وأنتوا

وعادى بقة

أودى

91 comments:

ساعه الغروب said...

الله عليك
بجد

حلو اوى بجد عشان صادق اوى ومحسوس اوى وكله من الواقع

ربنا يوفقك

وبجد انا اللى بس بضايق لما الاقى كلماتك زعلانه كدا

عديها وعادى باه؟
دا انت اودى عادى باه ولا ايه؟

شكرا ليك

وطمنا عليك

:)

LAMIA MAHMOUD said...

لو على كل اللي انت قلته

تبقى مش انا بس بتضايق .. خالص

دي انا بس بتنقط

مـحـمـد مـفـيـد said...

يا حبيبي

ابتسم انت في مصر
بلد العجايب

ولا تزعل ولا تتضايق

SomeOne said...

ولا تضايق نفسك

سيبها على الله

وعيشششششششششششششششششششش

:)

Reemo said...

حمدلله على السلامه يا أودى
ولو إنك راجع مضايق
انت مضايق ليه بس
ايه الجديد هو ده الوضع الطبيعى يعنى
الواحد يضايق لو كان ده شئ جديد أول مره يحصل
وبعدين يا أودى فين عادى بقه
كل حاجه بقت عادى بقه ولا ايه؟؟
اتمنى تكون بخير
ومتغبش كده
خلى بالك من نفسك
تحياتى

-_- said...

و عليك ده مش لايق

عايزينك تفرفش و تنعنش

رينـــــــــــا said...

ههههههههههههههههههههههههه
حلوة

sara... said...

لا ابدا ما تتدايقش
عادى جدااااااااااا
ابتسم للحياه تبتسم لك

الكلام نوعان :كلام فارغ وكلام مليان كلام فارغ said...

ازيك يا اودي وعامل ايه
يا اودي مالك بس انت لو قعدت تضايق كده من كل حاجه مش هاتعرف تعيش
وعمرك ما هاتعمل حاجه
فعلا البلد وحشه والناس اللى فيها وحشين والنفوس بقيت ضعيفه
اسالنى انا لانى كنت بشتغل وسيبت الشغل بسبب الحكايه دي
وعادي خالص يا اودى
انت بس اعمل اللى عليك
ده انت شنطه شهادات متنقله يا راجل
طمنى عليك

reri said...

ما تضايقش نفسك
هي حاجات تفرس صحيح
بس ولا يهمك
وعلي رأيك عادي بقي
أدينا بنتفرج ونضايق وخلاص
تأقلم
زي ما الكل متأقلم

سلامااااااااااااااااات

sara... said...

انا جايه امسي
سلامات يا جميل
وفعلا اذا تعرف تخلى نفسك ما تتدايقش اعمل كده
اتمشي على الكورنيش...
او اقولك
ابقي اعمل الحجات اللى هنا دى
ممكن تبسطك
او تتاخد علقه على السريع كده
http://ody911.blogspot.com/2007/02/blog-post_17.html
hhhhhhhhh
bye

Rosa said...

انت لو فضلت تقول انا بس مضايق عشان هتفضل تقول من هنا لحد بكره و شريطك يكسر السوق من كتر الي فيه
جت على الجرح
:(
فعلا تلات اربع الوظايف عايزه ناس شغاله والي لسه ماخدوش خبره يروحوا فيـــــــــــن
بس ولا يهمك يعني
الدنيا بمبــــــــــــــي
وولا تضايف نفسك خالص
تحياتي

ody911 said...

أصدقائى الأعزاء شكرا

شكرا ليكوا كلكوا على إنكوا بتحاولوا تخففو عنى

شكرا بجد


وآسف إذا كنت مش بدخل عند حد كتير وأعلق

سعات بدخل ومش بعلق وسعات مش بدخل خالص


بس صدقونى دة من إللى جوايا

زهقان حبتين

وإن شاء الله ربنا هيفرجها


شكرا ليكوا كلكوا بجد

أمضاء
أودى
عادى بقة

Unknown said...

فعلا
لازم تتضايق الصراحه

maioya said...

والله ليك حق
وانا كمان بضايق لما بشوف ان الكلام ده
مش بياثر في اي حد لاوزير ولاسفير ولارئيس
محدش بيتحرك من مكانه كل المسئولين مرتاحين
وهايتعبوا ليه يعني هوا الشباب يهمهم
ماكل اللي تبعهم مرتاحين
يتحرق الشعب بقي
معلش يااودي هايجي يوم ويبقوا مكانك
ان شاء الله ربنا علي المفتري

Radwa said...

أما انا بس بضايق علشان بشوف
فى الجرنان وظايف للناس إللى شغالة
مش الناس إللى عاوزة تشتغل

انت فظيع بدل ما الوزراء يشوفوا الافلام يقروا المدونه بتاعتك

خمسة فضفضة said...

السلام عليكمورحمة الله وبركاته

ما تزعلش وتقعد تحقن وتشيل في نفسيتك كده
احنا عاوزينك

وزي ما انت دايما بتقول .....عادي بقه
خلاص اتعودنا

ويجعله عامر

elkamhawi said...

وانا كمان بضايق

smraa alnil said...

قول يا حواس قول

قول ونكد علي اللي جايبيني
ماهي ناقصاك
هو انا ناقصة يا اودي
انتي جيت علي دول بس الي بيضايقوا
يووووووووووه دول كتير

عشان خاطري ما تزعل مني
انا بجد مش متحملة ان اي حد يزعل مني خصصا انت يا اودي وانت عارف معزتك
وتعالي خدها بقي
:)
خلاص بقي
لو مسامح رن عليا
ولا انت فقير مش معاك رصيد

•«ρяoιd»•™ said...

ابتسم

انت في مصر المحروسه

هي دي مصر يا اودي

تحياتي

Unknown said...

زمان لمّا كنت في سنك
كنت باتضايق وباتغاظ وباتقهر كمان
دلوقتي لأ ... كله طظ
طظ فيهم كلهم ... وطظ في أي حاجة ممكن تضايقنا

محمود
عايزاك تتأكد إن الحياة صعبة على الكل
مش عليك لوحدك
وإن الناس اللي من كوكب تاني دول
صدقني ... مابيعرفوش يناموا بالليل
مش من تأنيب الضمير .. خااااالص
مابيعرفوش يناموا من الخوف

سندباد said...

عادي ايام وهتعدي وبكرة تتعود
لكن ان بطش ربك لشديد وكان حقا علي الله نصر المؤمنين
تحياتي

ابو العربى said...

رائعه الفكرة قوى
انا بس بضايق عشان سكتين على الكلام دة
تحياتى

bastokka طهقانة said...

ليك حق تضايق و تطهق و تنضم للمنظمة

طهقانين بلا حدود


اوروفوار

david santos said...

Alive the people of Palestine, against the fascism of Israel and the terrorism of the North America

Peace for Palestine

أخف دم said...

يا عم بلاش مضايقة نكدت علينا ..
بص برضه للحلو اللى فى الدنيايعنى .. انتوا مغمقينها قوى كده ليه يا جدعان ؟؟؟ هوه احنا أول ناس نبقى عاطلين أو مش لاقيين ناكل .. جدودنا برضه اتبهدلوا وكانوا رجالة .. فى سبعة وستين كانوا رجالة وتلاتة وسبعين كانوا رجالة .. مع الاعتذار لعم ابو سويلم

Unknown said...

و انا بس بتضايق لما بشوف التغييب الى احنا فيه و بتضايق لما بشوف الانسان الى بيتحول واحده واحده لحاجه من الاتنين يا اما لحيوان او لاله بتشتغل من غير ما تحس


تحياتى يا صديقى العزيز
و عادى بقه

sara... said...

انا كمان بدايق اما بدخل عندك والاقيك ما كتبتش بوست من وقت كتير
فك كده يا عم اودى
سلامات يا جميل

الكلام نوعان :كلام فارغ وكلام مليان كلام فارغ said...

عندي ليك تااااااااااااااااااج
يلا يا اودى

farfasha said...

انا عامله فكره جديده وعايزاك تشاركنى فيها
ياريت تقولى رايك في الفكره ويارب تكون اول استفتاحي

heba labeb said...

بوست جميل اوى يا اودى
بس مش هم دول الحاجات الى تضايق بس
لو دورنا هنلاقى كتيييييييييييير
بس كل الحاجات دى ومضايق
طب دى حاجة تشرح القلب خالص:d
تحياتى

Anonymous said...

ده بس اللى مضايقك ده حاجة بسيطة خالص امال لما اتكلمنا عن الالاف اللى ماتوا فى العبارة والقطار والطائرة وغيرهم واللى الا الان مخدوش تعويض ولا حاكموا المسئول عن اللى حصل
ولو اتكلمنا عن اللى بيعمله بتوع امن الدولة
ولو اتكلمنا عن ايراد قناة السويس اللى مش عارفة بنشحت فوقه معونات وفى الاخر مبنشفش حاجة
ولو اتكلمنا عن بيع اراضى سينا لليهود
اقول ايه ولا ايه انا جالى الضغط

Anonymous said...
This comment has been removed by the author.
Anonymous said...

والله وانا كمان بتضايق
جدا

سلاماتي

دينا فهمي said...

متفقة معاك جدا في اول نقطة
بجد حاجة تنقط

الناي الحزين said...

السلام عليكم


اودي
بجد بجد بجد

رائعة جدااااااااا

فينك يابني من زماااااااااااااان


فرفش بقي
ميرو

حقى اهرتل said...

كتب شاعر وكل الافاقين خافوا
وفاض الكيل باششعاركوا وبخلافه
و واو العطف لوهتزيد على بيتك
هقول شاعر مبوظ شعر اسلافه

شيماء الجيزى said...

اقولك ايه واعيدلك ايه

هه
كل الى قولته دار فى عقلى

بجد
ده مش بس يضايق
يخنق

ويلا
عادى بقى
مانت قولتها قبلى ولا ايه؟

.............

بجد
اول مره ازورك
بس مدونتك حلوة جدا
وكلامك احلى
تحياتى وهزورك تانى كتير

ody911 said...

رودى

صديقتى العزيزة


بزمتك أنا يعنى راضى زمتك

مش المفروض حتى نضايق

يعنى أى حاجة كدة

بدل القاعدة

مش تنظيم القاعدة ليفتكرونى أرهابى

لاء القاعدة هى أنى الواحد يقعد لا شغلة ولا مشغلة


ههههههههههههه

زيى كدا


وأنا الحمد لله أحسن

والدليل إنى برد على تعليقاتكوا اهوة


عادى بقة
أودى

ody911 said...

لمياء

هههههههههههههههههه

على رايك

أضايق أتنقط

بينى وبينك كلها محصله بعضها

طبعا أنا آسف جدا على عدم المرور بس يمكن تعزرينى

طبعا أنا يعنى الحمد لله فكيت شوية

وإن شاء الله هزورك لأنى بجد مدونتك من اجمل المدونات وشخصيتك كمان


وعاااااااااااادى بقة
أودى

ody911 said...

محمد مفيد


تصدق إنك بتقول شعر

هههههههههههه

على رأيك لا تزعل ولا تضايق

إنته فى بلد العجايب

منورنى

وعادى بقة
أودى

ody911 said...

شادى فايد


كلو على الله

بس يعنى الواحد سعات كدة بيتخنق فبيفضفض بكلمتين يعنى

معلش أستحملنى

عادى بقة

آه منورنى

أودى

ody911 said...

ريمو


شكرا على كلامك الجميل وسئالك عليا

أما بقة بخصوص إنى كل شئ عادى


فهوة فعلا كل شئ عادى

بس هوة فكرة المدونة عموما كشف الأشياء إللى فعلا تشل الواحد وللأسف بقت عادى أنها بتتكرر وهتفضل تتكرر على طوووول


وأقولك إيه بس

كلو بجد بقى عادى

بس زيارتك وكلامك مش عادى

تحياتى

وعادى بقة
أودى

ody911 said...

شارم

فعلا

هوة مش لايق

بس هنعمل إيه

أهو سعات الواحد بيفتكر حجات بيبقى عاوز يفضفض

معلش أستحملونى

وآسف على عدم المرور

مخنوق بقة

هههههههههه

وعادى بقة
أودى

ody911 said...

رينا

ههههههههههههه

عجبتك

هههههههههههههههههه



بجد تعليق جديد

هههههههههههه
لاء وضحكنى كمان

ماشى

منورانى يا رينا


وعادى بقة
اودى

ody911 said...

ساره صديقتى

ههههههههههههههههههه

تفتكرى يا سارة هى بس الأبتسامة


طيب تصدقى بإيه بقة أنا مش ببطل ضحك ولا أبتسامات كمان


بس مش راضية تبتسملى


تفتكرى هيه زهقانة من حاجة معينة

؟؟؟؟؟


مش عارف

بس اقولك إيه ؟

عادى بقة
أودى


آه منورانى طبعا طبعا طبعا
أخبار الأكتئاب إيه ؟؟

ههههههههههههه

ody911 said...

مها

صحبتى برضوا

وحشانى بجد يا مها

وواحشنى الكلام معاكى

أسف إنى مقصر معاكى ومش بدخل كتيير عندك على البلوج وكمان مش عارف أدخل على الماسنجر فى الوقت إللى ممكن تكونى فية

أما بقة إللى مضايقنى إنى شنطه شهادات ومش عارف أشتغل

ههههههههههههههههههه


صحيح إنتى سيبتى الشغل


طيب بتعملى إيه دلوقتى ؟؟

طمنينى عليكى


وعادى بقة
أودى

ody911 said...

ريرى


إنتى رأيك أتأقلم

على فكرة أنا بحاول أتأقلم

بس بحاول أطلع كل إللى جوايا علشان أبقى متأقلم من الصميم يعنى

ههههههههههه


أعمل إيه بس يا ريرى


بجد مضايق

بس سيبك إنتى منورانى النهاردة


وعادى بقة
أودى

منة الله said...

ody

ادعوك للمشاركة في استطلاع راي

عن اكثر عشرة مدونات تاثيرا في قرائها

عل مدونتك واحدة منهم

اليك الرابط

http://www.6ef.blogspot.com/

خليك فى البيت said...

ندعوكم لزيارة مدونة خليك فى البيت والمشاركة فى الحملة

Anonymous said...

7elwa el fekra

Ana keda said...

انابس بضايق عشان بشوف
اول حاجةسطلانى انى نسيت المدونة بتاعتى اودىبجد بجد والله انا اعتبرتك اخويا جدا من اول كومنت كتبت عندى بجد لسؤالك المتكرر لفرحتى الى ملهاش حل عشان التاج لحد ما كتبت اسمالمدونة الى اتكتب فيها بوستين بس فى يوم واتنست من صاحبتها وانت لا
بجدالف شكر يا اودىانا مقصرةمع اخويا جامددعوة انى راشقة عندك
ههههههه

~ Bato0ot ~ said...

odyyyy fkra gamila awy
i know eny mokhtfya ba2aly fatra w i think enta kman bayen mn tarekh akher tadwenatak :)fa c u soon ba2a

ody911 said...

سارة صحبتى

بجد وبدون مجاملات

تعليقاتك تطرح نوع من انواع الامل فى حياتى


شكرا لكى

أودى

ody911 said...

روزا


ههههههههههههههههه

أحب التفائل

قلتيلى سنك كام سنه ؟؟؟

ههههههههههههههههه

معلش عادى بقة

يعنى الواحد مش يعرف يفضفض معاكوا شوية

إن شاء الله إللى جاى احلى

وحلوة الدنيا

حلوة

حلوة بس

حلوة أوى

وعادى بقة
أودى


آه طبعا أحب أشكرك على المتابعة الدائمة لمدونتى

أدام الله الود

ody911 said...

إسراء منورانى كالعادة

بجد مش عارف أرفع وشى فيكى

دايما سبقانى كدة

يارب تكونى بخير

وحقيقى منورانى

أودى

ody911 said...

مى


الحبيبة

أحبارك إيه ؟؟

وأخبار محمود


يارب تكونوا بخير


أكيد طبعا فى يوم هييجوا مكانى

ههههههههههههههههه

(( مى صحبتى متفائلبة زيادة عن اللزوم))

عااااااااااااااادى بقة

منورانى طبعا

أودى

ody911 said...

سندريلا

ههههههههههههههههه


تفتكرى كدة

طيب همتكوا معانا بقة نعمل جريدة أسمها عادى بقة

ههههههههههههههههه


شكرا على الأطراء الجميل دة يا سندريلا


شكرا بجد على كلامك


ويارب تتعدل على الكل

شكلك مش شغالة زى حلاتى

ههههههههههههه

عادى بقة
أودى

ody911 said...

خمسة فضفضة

وعليكم السلام ورحمة الله وبركاته ومغفرته

ههههههههههه

هوة إنتى فكرك أنا رفيع من إيه ؟؟؟

مش قله أكل وغلاوتك

بس حقن بقة وكدة

هههههههههه

بس إن شاء الله ربنا هيفرجها

أملى كبير جدا

وشكرا على الزيارة المتكررة وآسف على عدم المرور

ظرووووف زهق بعيد عنك يا رب

وعااااااااادى بقة
أودى

ody911 said...

الكمهاوى


ههههههههههههه
كلنا وغلاوتك مضايقين وولا حياه لمن تنادى

ههههههههه

عادى بقة
أودى



منــــــــــــــــــورنى

ody911 said...

إنوجى


يا سمورتى

إنتى أكيد عارفة إنى مهما كنت زعلان منك فمقدرش برضوا أغيب عنك

دة إنتى الجنب الشمال كلو

ههههههههههههههه


وحشانى بجد يا إنجى

ويارب تكونى بخير


معلش مقصر معاكى

بس إنتى عارفة سعات ببقى مش قادر اكلم حد



أقولك إيه بقيتى مخطوبة رسمى

مش عارف أدلعك

عادى بقة
أودى

ody911 said...

برويد


ههههههههههه

وغلاوتك عارف


بس بحاول

يمكن

مين عارف


منورنى

وعادى بقة
أودى

ody911 said...

أميرة


شكرا

بجد مش لاقى كلمة معبرة عنها

تصف شعورى تجاهك

شكرا

ody911 said...

سندباد


ههههههههههه
أنا أكتر واحد بيحبك


يوووووووه

أنا اكتر واحد متعود


ومتعودة

دايما


ههههههههه

منورنى


وعادى بقة
أودى

ody911 said...

ضد الظلم


شكرا على الكلام الجميل


ومنورنى أكيد

متهيقلى دى أول زيارة ليك


تشرب شاى بقة بالمناسبة دى


وعادى بقة
أودى

ody911 said...

طهقانة

ههههههههههههه

تفتكرى ليه حق


طيب الحمد لله


مش لوحدى طهقان أهوة

معايا مأسسين المنظمة


يووووووووه


مبلاش كلمة منظمة دى

لحسن يفتكرونى إرهابى ولا حاجة


لاء يا ستى

أنا لا أتبع أى تنظيم


ههههههههه

خواف مووووت


وعادى بقة
أودى


يووووووووووه

منورانى أكيد

ody911 said...

دافيد سانتوس


سلام على القدس يا خويا وفلسطين ومصر والعراق وأنا وإنته


وعادى بقة
أودى

ody911 said...

أخف دم


هههههههههه

عم عباس الضو قال لاءءءءءءءءءء


منورنى بأول زيارة

معلش إذا كنت نكدت عليك

بس أنا متأكد إنك هتنزل ببوست ينسينى الهم دة شوية


منورنى

وعادى بقة
أودى

ody911 said...

لية أنا



ههههههههههه

على رأيي


ولا كدة عاجب ولا كدة عاجب

عادى بقة
أودى

ody911 said...

سارة


معلش


إنتى عارفة الحالة النفسية بتأثر أوى فى كتابة البوستات


متزعليش يا قمرى

وعادى بقة
أودى

ody911 said...

مها


تااااااااااااج


يالهوى

لية بس كدة

أنا عملت فيكى حاجة وحشة

دة أنا حته بعزيك


عاااااااااااااااااا


ماشى

ربنا يسهل بقة


طمنينى عليكى


وعادى بقة
أودى

ody911 said...

فرفشة


فكرتك جميلة جدا


وإن شاء الله أشارك


بس إدينى فترة كدة أدورلك على حاجة تنفع



منورانى


وعادى بقة
أودى

ody911 said...

هبه لبيب


ههههههههههه


شوفتى


متفائل قد إيه ؟؟


متقلقيش عليا


فاضلى ظلطة وأتجنن

إذا مكنتش أتجننت أصلا


منورانى

وعادى بقة
أودى

ody911 said...

هند


ههههههههههههههههههههههه





إنتى جالك الضغط


أنا الضغط جة ومشى من شوية

هههههههههههههههه


معلش


هوة إنتى مكملتيش البوست


مش أنا كاتب فى آخروا


إنى فى حجات تانى كتييييييييييييييير


بس مش ينفع أقولها كلها

أنا بوستى عموما علشان تعرفى


وليد لحظة

يعنى سريع جدا


منورانى

وعاوز اعرف إيه حكايتك معى يوجى


وعادى بقة
أودى

ody911 said...

مش قادرة


وأنا من كتر الضيق

مش قادر أنا كمان بجد



بس أقول إيه ؟؟


منورانى

وعادى بقة
أودى

ody911 said...

امرأه تقول الذى لا يقال


منورة جدا بأول زيارة

ولازم تشربى حاجة

تشربى إيه ؟؟ كولا ولا بيبسى


أما بالنسبة لإتفاقك معايا فى اول نقطة

فشكلك كدة زي حلاتى

عااااااااطل

ههههههههههه


معلش مسيرها تروق وتحلها

ولو محصلش

عادى بقة
أودى

ody911 said...

مروة


وعليكم السلام ورحمة الله


تعرفيش إنتى عزيزة على قلبى لية ؟؟

أقولك انا علشان أسمك مروة

وانا بحب الأسم دة اوى اوى اوى يعنى

أما بقة بخصوص الغيبة الطويلة إللى أنا عاملها

فمعلش أستحملونى

أنا من النوع لما أكون زهقان أوى أسكت

فمعلش

منورانى دايما واللهى


وعادى بقة
أودى

ody911 said...

حقى أهرتل


حقك واللهى يا خويا


بجد بجد كلامك لزيز اوى يعنى

إنما مقلتليش


تحب تشرب إيه ؟؟


منورنى

وعادى بقة
أودى

ody911 said...

شيماء الجيزى


منورانى بأول زيارة هنا


وطبعا كالعادة لازم تشربى واجب الضيافة


تشربى إيه بقة ؟؟؟


أشربك دلوقتى علشان لما أنزل بور سعيد تشربينى إنتى


ههههههه


تحياتى ليكى ولفكرتك


ويارب أعرف أجى


وعااااااادى بقة

أودى

ody911 said...

منه الله

حاضر

ody911 said...

خليك فى البيت


طيب

ody911 said...

دايزى


إنتى أحلى


لاء بجد فينك من بدرى ؟؟


وحشنى كلامك

وآسف على عدم الزيارة

آسف بجد


مشغول وحياتك مشغوا
( عبد الحليم )

وعادى بقة
أودى

ody911 said...

أنا كدة


على فكرة وانا كمان كدة


أحنا أخوات غصب عنك

دة طبعا يشرفنى


بس أنا متغيب الفترة دى


كنت زهقان شوية بس مع أصالة


بس إن شاء الله راجع

وصابر تانى أنا صابر لما يبان لها آخر
محمد فؤاد


ومنورانى دايما


وعادى بقة
أودى

ody911 said...

إنجى


على فكرة صح

أنتى وختفية وانا كمان مختفى


بس أنا كنت مخنوق ومضايق


ويارب متكونيش زيي يعنى

ويكون سبب عدم مرورك كدة

ويارب تكونى بخير


وأوعدك فى القريب العاجل بزيارة

تحبى أجيبلك معايا بط ووز ولا بط وحمام


هههههه


عادى بقة
أودى



منورانى وكمان وحشانى

-_- said...

بورسعيد تنور بيك يا اودي

Anonymous said...

جميل اوي يا اودي
انا بقى بضايق على الي يدخلوا الجامعة ويطلعو منها ولا كانهم دخلوها
انا بس بضايق لما نتخرج ومن لاقيش حاجة نعملها
انا بس بضايق على الاهالي الي بتدفع مصاريف طول السنة درلوس لولادها عندهم امل يعيني يطلعو حاجة بس طول مهما في مصر يفقدوا الامل في الحتة دي
انا بس بضايق ان في ناس كتير مدبعين في البلد دي مش لاقين اهتمام
وبنسلمهم للغرب بكل غباء يرعوهم
كان عندنا زويل البروفيسر العالم دلوقتي بفضل اعتراف امريكا بية لو كان فضل في مصر كان بقى ايه لوكان بقى حاجة بكتيرة اوي مدرس في الجامعة بس لما لاقى ناس مش مقدراه في بلدة راح لليقدروة برة
بس بقى عشان لو قولت على كل الي مضايقني هتكلم سنة ويمكن اكتر
خلينا ساكتين وراضين
thebestimes.blogspot.com

ody911 said...

شارم


منورة بأهلها طبعا يا شارب

بجد نفسى أكون معاكوا جدا

وربنا يمنع الموانع

وشكرا على مجاملتك الرقيقة

وعادى بقة
أودى

ody911 said...

لولا
على رأيك لو أتكلمنا هنتكلم كتيييييييير

فخلينا ساكتين أحسن


وإيه غير السكات يتقال


منورانى بجد

وعادى بقة
أودى

Anonymous said...

اية يا اودي انت نسيت مدونتي وولا اية
على فكرة انا لولا الي كتبت اخر تعليق بس كنت كل اما اكتب تعليق مش ينفع فعملتة بother

ody911 said...

لولا أفتكرت أكيد دلوقتى إنتى فين من بدرى أوى كدة

دخلت كتير عند لغاية مفقدت الأمل فى بوست جديد عندك


يارب تكونى بخير


بجد يا لولا أعذرينى أنا فعلا مش بدخل على مدونات بقالى كتير

تقدرى تقولى خنقة حتى من المدونات مع إنى بفك لما بقعد عليها

بس إنتظرينى قريبا


ومنوانى زيارتك وتأكيدك عليا

Unknown said...

هههههههههههههه

لا حلوة اوى

شعب مصرى كله بسسسسسس مضايق

وخد بالك من بس دى اوى

تحياتى
:)

Every breath you take And every move you make Every bond you break Every step you take I’ll be watching you Every single day And every word you say Every game you play Every night you stay I’ll be watching you Oh, can’t you see You belong to me Now my poor heart aches With every step you take Every move you make Every vow you break Every smile you fake Every claim you stake I’ll be watching you Since you’ve gone, I’ve been lost without a trace I dream at night, I can only see your face I look around but it’s you I can’t replace I feel so cold and I long for your embrace I keep crying baby, baby please Oh, can’t you see You belong to me Now my poor heart aches Every step you take Every move you make Every vow you break Every smile you fake Every claim you stake I’ll be watching you Every move you make Every step you take I’ll be watching you I’ll be watching you Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you) Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you)