Saturday, September 09, 2006

ردا على كلنا ليلى

طبعا أنا مش هقول كلنا حنفى ولا حاجة

ولازم اكتب الكلام إللى أنا رديت بيه عليكوا كلكوا هنا

علشان لو فى حد عندوا تعليق يكون فى مكانوا الصح

وطبعا مفيناش من زعل


الكلام كان كما يلى


أحب أقول كلمة بصراحة
ليلى إللى بتقولوا عليها ملهاش أى لازمة
أيوة أنا مش بكذب والدليل فى كل مكان حولينا
واحدة عاوزة تشتغل وماااااااالو تشتغل بس تحافظ على أساس تواجدها فى الحياه !!!
مش فاهمين طبعاالست( سورى )ليلى المفروض إنها تعمل إيه ؟؟
تربى العيال و تحضل الأكل و تغسل وتمسح وتكنس وتشيل عن حنفى مشاق الحياه
وبرضوا فى نفس الوقت تتحب وتتعاشر بالمعروف ويجيلها إللى تطلبوا وتساعد بالرأى فى المشاكل المتعرضه لها الأسرة
لكن وللأسف كل الليلات اللوات فاكرين نفسهم هيصنعوا الزرات مش بياخدوا لونجات !!!
طبعا مش فاهمين أفهمكوا
دلوقتى البنت زى الولد ماهش كمالة عدد ( ربنا يولع فيك ياللى فى بالى )
بيقولوا أحنا أحسن من ايتوها حنفى أحنا إللى بنصنع وحنفى بيهدمأحنا إللى بنعمر وحنفى بيدغدغوتبص فى الآخر تلاقى فى أى شغل وعلى يدى
البنت دايما معمولها مواعيد غير الولدمعلش يا أبنى إنته راجل تيجى باليل وتتأخر فى الشغل وتيجى اول يوم العيد وتشتغل فى كذا وتسيبلها كذا علشان كذا أسهل من كذا وعادى خالص ونطنش ونقول ياواد كببربس المشكلة إنى فى الآخر تيجى ليلى وتقول أنا وأنا وأنا
وإنته ملكش لازمة
أنا بعمل شغل البيت وبشتغل وإنته شغااااااااااال بسآه
ومين بقة قالك إنى عاوزك تنشتغلى من آساسواااااا
آه ما أنته عاوز تقعدنى فى البيت زى الطوبة ماليش لازمة
طبعا حاقد عليا
طيب يا ستى خلاص إشتغلى
مانا متبهدلة فى شغل البيت وفى الشغل ساعدنى
ياخى .....
بلاش نكون زبالة فى الكلام
الأدب حلوا برضواطيب نرضى ليلى إزاى
إذا قلتلها أقعدى فى البيت زعلتو
إذا قلتلها أشتغلى قالت إنها من المعزبين فى الأرضو
لا كدا عاجب ولا كدا عاجب
طيب نعمل إيه ؟؟؟
مش كفاية إنها واخدة مكان راجل ممكن ينتج اكتر منها ومقعداه على القهوة يشرب سجاير ويعاكس فى البنات والواد ساكت ياعينى نفسوا يتجوز ومش عارفعلشان مفيش شغلليه علشان البنات إللى شغااااااااااال
هوطبعا حضرتكوا عرفين السبب ؟؟؟؟
مش لأنهم أكثر من حنفى تعليم لاءغلطدة بس علشان أسمهم بناتلو حنفى لبس جيبة كان زمانوا أشتغل من زمااااااااااااان
آه بس لو كان عندوا زى إللى عندها
كان إشتغل إشى سكرتيرة
وطبعا عارفين إنها منظر مش أكتر من كدة
منظر الناس تتفرج عليه ؟؟؟
إستيل يعنى
ويرجعوا فى الآخر يقوا ليلى
قااااااااااال ليلى قال وسلملى على جوزك يا أسمعين بيه
أرجوا إطلاع الست العاقلة الراسيه ما تجيلها بلهارسيا ( كلنا ليلى )على هذا التعليق
وكونوا موضوعيين وبلاش تحيز مرة واحدة فى حياتكوا
وقولوا على حاجة
أنا واحد من الحنفى ممكن يقوم هوة بشغل البيت ويقعد فيه على الأقل هيرتاح من هم الشغل إللى بنشوفوا كل يوم فى المواصلات وغيرواطبعا ماتعرفوش حاجة عنوا علشان حنفى بيقوم لأى ليلى حلوة ويقعدها مكانوا
قال إيه معلش دى ليلى ومش تقدر تقف زى حنفى أمال حشرين مناخركوا لية ؟؟
لما مش قادرين تعملوا حاجة وفاكرين إنى شغل البيت دة حاجة جامدة قوى واللهى إنتوا مش عاجبكوا العجب ولا الصيام فى رجب
والرجالة تستاهل
أودى

13 comments:

LAMIA MAHMOUD said...

انا كنت داخلة اقولك ياريت تدخل البلوج الاخير لاني توقفت عن الكتابة في حالمة في زمن الزيف من كتير .. وصدمت لما لقيتك رادد وبتهاجم .. معتقدش ان في بوست انا قريته لحد من البنات او انان كتبته كان بيقول اننا عايزين مساواة من الاساس . احنا اتكلمنا في اسلوب تربية غلط .. منه مثلا ان البنت بتتربى في بيت بيصققفوا فيه للولد لما يغلط وبيقولولها هي انها ممنوعة من الغلط طيب بذمتك في الحالة دي البنت مش حيبقى عندها فضول من ناحية الغلط .. عايزة تعرف هما بيصقفوا له عليه اية .. وقبل ما تاخد كلامي على محمل غلط انا بقول ياريت نربي ال2 على عدم الغلط اظن مش عيب ولا كده قلنا ساوونا ببعض في حاجة حرام انا قلت بلاش نلخبط الناس الصح صح والغلط غلط .. وبالنسبة بقى للمواصلات وانكوا بتقفوا فانت ممكن تكون واحد من الناس يا سيدي اللي بتقف عشان البنات بس انا كمان واحدة من وسط مليون واحدة واكتر بتقف وبتتعرض لمضايقات ما اعتقدش ان اللي بيعملها ممكن يقبلها لاخته او لامه ودي نقطة اتكلمنا فيها انتشار المعاكسات البايخة في كل حتة وما قلناش عايزين نعاكس زيكم قلنا عايزين نوقف الظاهرة دي اللي بتحسس البنت انها عايزة تختفي وارجوك بلاش تقول لبس البنات هو السبب لان الظاهرة المنتشرة حاليا هي التدين والاسدال اللي انا شايفاه زي اسلامي اه بس غير عملي تماما ممكن احتشم ببساطة عن كده من خلال حجاب ولبس فضفاض يعني حجة لبس البنات وهي اللي بتجيبلهم الكلام قلت جدا وبقت قريبة من الانعدام .. واخر حاجة مش عيب ان الست او البنت تكون عايزة تثبت نفسها في مجال وتسعاله ويكون في بين ال2 تعاون ما هو لو عندها طموح وفي حاجة بتحبها ومنعتها عنها هتيجي كل يوم تقولك خرجني ومش عايزة اقعد في البيت وزهقت وانا بشوف معظم الستات اللي ناجحة في عملها ناجحة في حياتها الزوجية ايضا ومش مقصرة ويا سيدي بردة في ناس طموحها انها بس تبني عيلة مش عايزة تبني نفسها بعيدا عن العيلة دي .. ده موجود وده موجود بس تبقى رغبة وارادة مش اجبار
وفي الاخر احب اعيد واقولك محدش قال مساواة والله عارفين الفرق قلنا ابسط الحقوق
واتمنى منك زيارة للمدونة الاخرى وقراءة المواضيع اللي اتناقشت فيها وقولي رايك لو كنت غلط او كنت قلت عايزة اتساوى بحد
www.lamiaamahmoad4810.blogspot.com
اسفة اني طولت .. واسفة اكتر لو في كلامي اي شيء ممكن يثير حفيظتك

ody911 said...

شكرا لمياء على الرد أولا
أنا مقلتش إنى كل البنات وحشة
وفى نفس الوقت مش كل الولاد حلوة
طبعا لازم يكون فى كدة وكدة
أما بالنسبة إنى بقوم للبنات فى المواصلات فدة سعات بيحصل مش فى كل الأوقات ودة بس للستات الكبيرة فى السن وإللى فى نفس الوقت مش شغالة
أفهمك إزاى
طبعا سعات إنتى وممتك بتبقوا راحين تشتروا حاجة وبيحكم عليكم التعب والرهاق إنكوا تركبوا على طول أول عربية تقابلوها فى المترو فتكون ماما تعبانة جدا من الوقفة , هنا بس أنا ممكن أقوم
أما للبنات الصغيرة فلاء
مش بقوم
بجد ببقا زهقان
طيب ما يروحوا عربية السيدات
مليانه
بزمتكوا هتكون مليانه زى العربيات إللى بعد كدة
لاء
فى بنات تحب تتحشر
وفى بنات تحب تتعاكس
ودول إللى مبوظين صورة البنات فى مصر
وفى بنات ملتزمة ودول ممكن نقوم ونقعدهم
لسبب واحد , وهوة إنى مفيش حد هيكون واقف ويقولك ( شوف الواد وقف علشان البت لبسها أو شكلها عامل إيه ) طبعا أنا دى إستحالة أقوم وقعدها مع أنى فى شباب كتير يقوموا ويقعدوها وممكن يبوسو رجلها علشان تبص نحيتهم بس دى نوعيات معينة من الشباب والبنات
متهيقلى إنى المجموعة دى مش لازم تفسد العلاقة بين الجنسين وهى علاثقة إحترام بواجبات وإحتياجات كل طرف
متزعليش من الكلام إللى كتبتوا لانى كنت مدايق أوى وزى ما أكون إنفجرت كدة
وعادى بقة
أودى

tona said...

انت ليه ملفتش نظرك غير ان ليلي بتشتكي من آدم او حنفي دا
هي بتشتكي من القهر اللي ليه اسباب كتيره
عيزاه يسمعها ويحس بيها
عيزاه ميكونش سبب في المها
عايزه تشاركه الآمه ومعاناته
عيزاه يعترف بآدميتها


مش مجرد عداء لجنس آدم نفسه

ody911 said...

ريد جوست
واللهى كلام ناس عاقلين
ونورتى يا ريد
وإن شاء الله متكونش آخر مرة تزورينا
وعادى بقة
أودى

ody911 said...

تونا
واللهى بنحبكوا
ومنقدرش نعيش من غيركوا
ومستعدين نتحاور ونصحح الأخطاء
بس بالعقل
وصحيح شكرا على المرور وإلقاء رد
ويارب متكونش آخر مرة
ونورتى
وعادى بقة
أودى

مفلس افندى الرايق said...

يا كل ليلى اسمعوا

روحوا زاكروا وانفعوا

الحب عالم الحريه

ادخلوه واتمتعوا

الراجل بيحب السيت

والسيت بتحب الراجل

يبقى ليه تتدلعوا

وانتوا عمركم طلبتوا حاجه

واحنا سيبناكم تزعلوا

يلا بقى سمعونى احلى ضحكه

يا ام ليلى وام هانم

باعلى صوتكم زغرطوا

لولولولولىىىىىىىى

LAMIA MAHMOUD said...

مفيش زعل خاااااااااااالص .. اساس النقاش ان كل واد يحترم راي التاني وما يزعلش .. شكرا انك لبيت دعوتي

ody911 said...

مفلس أفندى
شكرا على الزيارة
والكلام الجميل للستات دة
ويارب متكونش أخر مرة تعدى فيها عليا هنا

ody911 said...

لمياء
لا شكر على واجب يا لمياء
أحنا كلنا أصحاب

مفلس افندى الرايق said...

انا عديت تانى اهو لان بجد يشرفنى المرور

انا نزلت بموضوع جديد تعالى وقولى رايك
سلام

ody911 said...

مفلس
شكرا يا كبير ويجعلوا عامر

3lool said...

كلام جميل وكلام معقول مقدلرش اقول حاجه عنه

بس المصيبه ان كل ليلي هياخدوا كلامك علي انه هجوم عليهم وخلاص ومش هيفكروا فيه ولا هيحاولوا يعرفوا الفكره اللي انت عاوز توصلها رغم اننا والله عاوزين نشيل ليلي علي راسنا من فوق
بس زي ما انت قلت
كل حاجه بالعقل

تحياتي لك

Unknown said...

انا جديده عليكو بس احب اقلك يا استاذ اودى انك تحاملت جدا على البنات وكلام لمياء صح بس هيه اتلكلمت معاك بمستوى ارقى من الى انت اتكلمت عليه على البنات انت المفروض قبل ما تحكم على ليلى تشوف حنفى بيعمل ايه فى ليلى فى كل حته بتروحها لدرجة ان البنات بقت مشيه فى الشارع وحاسه نفسها غريبه مش فى بلدها وزيى ميكون الشارع ده ملك للراجل والمواصلات ملكه الى حضرتك مبتقمش للبنات فيها لمجرد انها بنت صغيره مركبتش عربية السيدات ومحطتش فى اعتبارك انها ممكن تكون مستعجله جدا وملحقتش تروح على العربيه او ممكن تكون متعوره فى رجليها واول عربيه لقتها ركبتها مش زيى ما حضرتك بتقول انها عوزه تتعاكس او حد حيوان وتفكيره شهوانى عاوز يتحرش بيها حرام عليك بلاش التفكير الغلط ده فى البنات وكفاية بقى نقد فينا وفى لبسنا زيى ميكون الراجل ربنا خلقه بس عشان يقل ادبة على البنت ويقول راية فى لبسها وبعدين كل واحد حر فى لبسه زيى ما حضرتك وغيرك بتلبس الى نفسك فيه ومحدش بيتحرش بيك عشان لبسك وبعدين استنى اشمعنا يعنى المفروض علينا ان احنا نشوف مناظر لبس الشباب الزفت الى موقعين بناطلهم ومبينين بوكسارتهم المزفته الى بقلها سنين متغزلتش هوه انا مجبورة اشوف المناظر دى ومفتحش بوقي والبنت اول ما تركب عربية الرجاله يبقى ادبحها ومقفلهاش واحكم عليها انها عوزه تتعاكس وعوزه الرجاله تتحرش بيها وسوئت سمعة مصر اخر حاجه هقلها يا ريت كل واحد يبص على نفسه ويحكم على نفسه الاول قبل ما يحكم على غيره

Every breath you take And every move you make Every bond you break Every step you take I’ll be watching you Every single day And every word you say Every game you play Every night you stay I’ll be watching you Oh, can’t you see You belong to me Now my poor heart aches With every step you take Every move you make Every vow you break Every smile you fake Every claim you stake I’ll be watching you Since you’ve gone, I’ve been lost without a trace I dream at night, I can only see your face I look around but it’s you I can’t replace I feel so cold and I long for your embrace I keep crying baby, baby please Oh, can’t you see You belong to me Now my poor heart aches Every step you take Every move you make Every vow you break Every smile you fake Every claim you stake I’ll be watching you Every move you make Every step you take I’ll be watching you I’ll be watching you Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you) Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you)