Friday, December 15, 2006

الدنيا ما بتديش محتاج

أبكى على الدنيا عديمة الأحساس
أبكى على الزمن إللى ماشى وخلاص
أبكى على نفسى والمجتمع والناس
أبكى على الشباب والبنات
أبكى على إمبارح وإللى حصل فيه
أبكى على بكرة وإللى هيجرى ليه
أبكى
أبكى عليكى يا مصر
!!!أبكى يا ناس ولا مبكيش

51 comments:

We2am said...

مش لازم تبكي..المفروض انك اتعودت عل كده خلاص..ولا ايه يا عادي بقي باشا؟
:D

بين الأمل و اليأس said...

يابني اكيد ربنا رايد ليك الخير قارن اخوك اهه والحمد لله الدنيا جبته اقصى اليمين واقصى الشمال واهه مستحمل لانه منتظر فرج ربنا وااه الحمد لله فيه بشاير اهه وبعدين حتى البشاير دي
انا مش عايزها وانت عارف موقفي من السفر وعارف خنقتي منه لكن اهه محدش عارف الخير فين اصبر ونبي وبعدين ياخي انت نفسك قلتها عادي بقه
وربنا يسترهاوانتظرني بردو قريبا تاني
وربنا يسترها

مُزمُز said...

ابك كما تشاء
انتحب
ألطم
كل الأشياء لا تدعوا إلا لذلك

وحتى البكاء ما عاد مجديا
أظننا مرغمين على اختراع وسيلة أخرى للحزن تكون أكثر فاعلية وتعبيرا

إنه ليس حزنا
إنه السواد المطبق
ابك يا عزيزي

Radwa said...

احسن حاجه ما تبكيش لان البكاء مش هيغير حاجه

ody911 said...

وئام
بجد أنا فعلا إتعوت على الظلم دة
بس المشكلة إنى دايما بقوم وأحاول من جديد بس بقع تانى وأقوم وأقع

يااااااااااااااااااااااااااه
معاناه كل شاب
بس دة مغيرش فى كلمتى حاجة
وعادى بقة
أودى

ody911 said...

بين اليأس والأمل
حازم صحبى
شكرا ليك على الوقة الجامدة أوى دى
بس إنته تعرف شوية حجات من إللى حصلتلى فى حياتى ومتعرفش الباقى
يا أبنى أنا بعااااافر فى الدنيا دى
وكل ما أتخبط خبطة أقول عادى مش مشكلة
أكيد إللى جى أحلى
باعكس
أبسلوتلى
أنا إللى أصرت على الحادثة
الحادثة عملتلى دماغ
ودماغ عالية أوى
وعادى بقة
أودى

ody911 said...

مزمز
أولا شكرا على مرورك الكريم
ثانيا إنته عندك حق المفروض نخترع حاجة جديدة غير البكاء لإظهار الأسى والألم
بس هنعمل إيه مش موجود حتى الآن
وعادى بقة
أودى
تشرب شاى

ody911 said...

سندريلا
أولا برضوا شكرا على المرور الكريم دة
ثانيا تشربى إيه ؟؟
ثالثا
البكاء مش سهل
البكاء بدموع دة أصعب أنواع البكاء
ولكن أنا ببكى بكاء داخلى
ودة أقسى وأكبر آلم
لانه داخلى
وياريت أعرف أعيط بدموع كدة زى باقى الناس
كنت أتفكيت ومبقتش معقد كدة
وعادى بقة
أودى

بين الأمل و اليأس said...

يابني هو انا محتاج اعرف عنك الباقي مالجواب باين من عنوانه
على راي عبد الحليم باشا بتاعنا مش بتاع اول مره تحب و فاتت جنبنا ومش عارف ايه
منحوس منحوس ياااااا ولدي
ياد ياعبيط اصبر ما احب الله عبد الا وابتلاه لسه العمر طويل متقلليش خلص لسه ومش هاعد اقول كلام شعارات ومش عارف ايه
شوف نفسك انت مش بتتنفس
اه
يبقه خلاص محدش عارف الدقيقه الجايه فيه ايه
ابوس ايدك انت بتسكت تسكت وتقوم عككها عكه انما محترمه ياخي خلتني اعيط وانا معيطش من زمااااااااااااان
سيبلي شويه وانا مسافر اعيط بيهم
قوم صليلك ركعتين ربنا يهديك يابني
قوم ياحبيبي قوم وهاجيبلك شيكولاته
وربنا يسترها

ALiaa said...

علي فكرة البتاع مش عايز يبان عندي.... بشوف كلمة أبكي و بعدين يبقي أبيض ورد......

ody911 said...

حازم
ضحكتنى واللهى بكلامك دة
بس عادى يا أبنى أنا جتتى نحست زى ما بيقولو
يعنى مبقتش تفرق سيناء من سونيا
يومين وهترجع المية لمجاريها
أوعدك
وعادى بقة

ody911 said...

علياء
ههههههههههه
حلوه أوى بشوف أبكى وبعدين أبيض يا ورد
ياستى الكلام أهوة



أبكى على الدنيا عديمة الأحساس
أبكى على الزمن إللى ماشى وخلاص
أبكى على نفسى والمجتمع والناس
أبكى على الشباب والبنات
أبكى على إمبارح وإللى حصل فيه
أبكى على بكرة وإللى هيجرى ليه
أبكى
أبكى عليكى يا مصر
!!!أبكى يا ناس ولا مبكيش



ومستنى ردك علية بقة
وشكرا للزيارة
ويجعلوا عامر
أودى

ALiaa said...

ماتبكيش طبعا....
انت لسة ماحرمتش؟؟
ربنا خلقنا في الحقبة دي بالذات لحكمة معينة.... بس مش عشان نبكي.... عشان نكون احنا اللي نحاول نغير و نشتغل أكتر
.... و شكرا يا أودي
و عادي بقي كدة يعني
:)

أجدع واحد في الشارع said...

اوعى تبكى على اللى فات
عشان اللى فات خلاص مات
وبرضة اوى تبكى على بكرا
عشان بكرا فى علم الغيب
ومتبكيش على بلدك عشان دى احسن من غيرها
ولا تبكى على الزمن عشان ده مش فى ايدك ولا على الدنيا عشان الدنيا بتفوت بحلوها ومرها


يعنى من الاخر متبكيش غير على حالك بس

عشان احنا اللى بنعمل فى نفسنا كده ولا ايه


وعادى بقة
مش لازم نبكى
ولا لازم يكون فى جرح على طول عشان نبكى عايز تبكى
ابكى
بس مع نفسك
اوعى حد يشوف دموعك


وعادى بقا

Anonymous said...

ايه يا اودي ده

خف علينا جرعة النكد

متبكيش ع اللبن المسكوب

مـحـمـد مـفـيـد said...

الله الله الله علي الاحساس
والله وجعتني جدا
لاء لاء
لازم نبكي علي مصر لانها مبقتش مصر


كل عام وانت بخير بمناسبه عيد الاضحي المبارك

elkamhawi said...

لا اوعى تبكى؟؟؟؟

صوتـــــــــــــــــــــــــــــــــى

sara... said...

لا اعمل حاجه تانيه
وقولى نفس الكلام

ody911 said...

علياء
عارف واللهى إنى فى حكمة من وجودنا فى الحقبة دى بالزات
بس المشكلة إنى لما أحنا بنحاول نعمل حاجة بتقابلنا مشكلة الواسطة
وبترخم علينا
يعنى لا بيرحموا ولا بيسيبوا رحمة ربنا تنزل
بس عادى بقة
أنا بعد كل صدمة بهدى نفسة كدة شوية وبعدين أرجع أحاول من جديد
وعادى جدا يا علياء






أجدع واحد فى الشارع

أولا منور
ثانيا إنتى مش عاوزنى أبكى على إمبارح ولا بكرة ولا على البلد
أمال أبكى على أية ؟؟
ماهى دى مقومات الحياه
يعنى لو صحت مش هتبكى خلاص
وعادى يعنى لما نبكى شوية ونرجع تانى نعافر فى الدنيا وتعافر معانا




epi

أولا منور أو منورة
ودة علشان معرفتش أدخل على البروفايل علشان مش متشير
ثانيا
لازم نبكى علشان منشيلش فى نفسنا أكتر من كدة
وعلشان لما نيجى نحاول نحاول على نظافة
يعنى بدون زكرى وحشة
سواء لبن مسكوب أو لم يسكب بعد
وشكرا مرة تانية على الزيارة وياريت تتكرر
وعادى بقة





محمد مفيد

أولا شكرا على المرور الكريم
ثانيا شكرا على الكلام الجميل
ثالثا فعلا البلد حالها لا يسر عدوا ولا حبيب
بس هنعمل إيه
عادى بقة




elkamhawi

شكرا على المرور الكريم
وعندك حق المفروض منبكيش نصوت أحسن
وعلى فكرة أنا ولد
بش بنت
وعادى بقة
أودى




سارة

منورة يا سارة بعد غيبة طويلة
المهم أنا مش فاهم أعمل حاجة تانى وبعدين أقول نفس الكلام يعنى إيه ؟؟
تقصدى مفيش فايدة سواء عيطنا أو لاء
واللهى هوة برضوا ممكن يكون كدة فعلا
الدنيا مبتديش محتاج
بس عادى بقة
أودى

smraa alnil said...

لا يا اودي مش تبكي
لان من الاخر مش فيه فايدة
ههههههههههه
مش احباط
بس مش هجيب نتيجة
لا مصر هترجع مصر
ولا شئ هيتحل
كل اللي هينوبك انك هتتهد من كتر العياط وهتنام وتصحي في اللي انت بت فيه
بس كل اللي هقوله خلي عندك امل
اكيد بكرة احلي
والاحسن جاي ان شاء الله
علي فكرة كلمة عادي بقي دي بتاعتي
يعني دة شعاري في الحياة عادي بقي
يعني انا مش بقلدك
اوكي
هههههههههه
تيحاتي يا اودي

ody911 said...

سمراء النيل

منورة واللهى هنا
بجد المشكلة عويصة أوى
أكتر من أى حد كان متصور
بس هنعمل إيه ؟؟
أهى دنيا عايشين فيها وبس على رأى جورج
وعادى بقة
كلمة ليها معنى كبيير عندى
ومبتديتش أقولها إلا لما لقيت كل شيء عادى
على رأى أصالة
وتوارد أفكار بقة
وعادى بقة
أودى بقة

ody911 said...

إبيتاف
معلش إللى ما يعرفك يجهلك
منور يا جميل
سواء إبى أو إبتاف
وآسف مرة تانية على عدم المرور الفترة إللى فاتت
وعديهالى بقة
عادى بقة
أودى

الأميره أوسه said...

بلاش بكا و نواح
ده اللى راح يا أودى راح
حتى أسأل حنفى والست أنشراح
بلاش تاكل عنب وكل تفاح
ولو معكش فلوس
أبتسم وأضحك ونام مرتاح
وأحضن أحلامك وعشقك
و غنى مع فيروز ومنير
ساح يا بداح
ده اللى خلق أبواب وحيطان
خلق كمان مفتـــاح
=====================
هو أيه الموضوع يا أودى
جايز أكون فهمت الموضوع وجايز لأ
من فتره كده يا أودى
واحد قريبى مثقف جدآ
ومتعلم تعليم عادى أقصد عالى زينا
وكان شغال وكان مركزه كويس
وكان محوش مبلغ مش بطال
المهم ساب المكان اللى شغال فيه أو بالأحرى المكان مبقاش يدى رواتب فى ميعادها ولأنه متجوز وعنده أطفال فكر يعمل مشروع فى بلدنا الجميله وفى نفس الوقت يوفر فرصة عمل للشباب
المهم ضاع المشروع ومعاه تحويشة العمر
و حاليآ بيدور على شغل
المهم جاله فرصه يشتغل فى وزارة الزراعه وكمان السيد الوزير لازم يوقع بالموافقه وفى النهايه
أكتشف أن المرتب ستين جنيه
يعنى مواصلات أسبوع من البيت الى الشغل يدوب
طيب يعمل أيه
أشتد عليه المرض ونفسيته تعبت
لدرجة أنه لزم البيت لظروف مرضيه
و بينتظر مساعدات من أخوه
و للعلم عمره تسع وتلاتين سنه
عشان كده خليك دايمآ عادى
و متحملش أى حاجه على أعصابك
أنا طبعآ مش فاهمه أيه الموضوع
بس حبيت أدردش معاك
سلامتك يا باشا

Amany said...

كفاى دموع بقى غرقتنا
هو انت يعنى معاك حق
بس براحة شوية
وارب الباب ستجد بارقة امل صغيرة صحيح بس موجودة

ody911 said...

أوسا العسل
واللهى يا أوسة متعرفيش مدى فرحتى بالكلام دة
وهوة على فكرة نفس الموضوع تقريبا إللى مخلينى أزهق
إنى دايما بعافر فى الدنيا وبحاول
وكل ما أقول خلاص وصلت أرجع للبداية تانى
حاجة تخنق
بس عادى وأقل من العادى
أنا أتعوت على كدة خلاص
بس إنتى عارفة بعد كل صدمة الواحد بيكون تعبان جدا نفسيا وعصبيا
بس برجع تانى بعد فترة نقاهة كدة زى الأول وأكتر

وشكرا مرة تانى
وآسف إنى معدتش من فترة
بس إنتى عارفة الخنقة وحشة
مكنتش مخليانى أعمل حاجة خالص

وعادى بقة
أودى

ody911 said...

أمانى

أولا شكرا على الكلام الجميل دة
وعلى الزيارة الجميلة برضوا


المشكلة إنى دايما متفائل وبدور على
أى بصيص من الأمل
بس فجئة بتسود الدنيا
وبحاول أستجم لغاية ما أرجع زى الاول
وأقولك إيه
ياما دقت على الراس طبول
ودة إللى خلانى أخترع كلمة
عادى بقة
أودى

مُزمُز said...

إيه يا عزيزي إنت مش ناوي تكتب تاني خلاص وللا إيه؟

فينك محدش بيشوفك

الأميره أوسه said...

معاك فى موضوع الخنقه دى
لأن أى أنسان بعد مقابلة شغل عقيمه
أنترفيو يعنى بيكون أكثر يأس
وبيحصله أحباط وبعد الأحباط ما ينتهى
يبدأ بفتح جرنان الأهرام ويدور من جديد و بعد ما ياخد ميعاد ويلبس شيك
ويصور مستنداته ويروح المقابله
يتضح أنهم محتاجين مندوبين مبيعات أو عايزين ينصبوا على الشباب
أو أن المقابلات وهميه وكلها شركات
فاشله
اللى معندوش واسطه بيفضل يلف فى دايره مفرغه
و القطاع الخاص بيتخللى عن الموظفين بسهوله
بس برضك ربنا كريم بعباده
و مسيرها تحلى

ody911 said...

مزمز

أسف يا صاحبى أنا فعلا مقصر مع كل المدونين اليومين دول ودة لانى عقبال أمالتك كدة بشتى فى أسوان
وعلشان أدخل وأقلب فى المدونات باخد وقت وإنته عارف السايبر غالى حبتين هنا
بس جايلك متقلقش أنا لازم أعدى على المدونات الجميلة إللى زى مدونتك
وعديهالى بقة
أودى

ody911 said...

الأميرة أوسا

إيه الجمال دة
مرتين فى يومين دة أنا أسعد مدون هنا
شكرا على أهتمامك دة يا أوسا
وربنا يخليكى لأصدقائك المدونيين الزهقانين من الحياه

ومتقلقيش
أنا إن شاء الله هعدى من الخنقة دى
ياما دقت على الراس طبول
عادى يعنى
وصحيح البوست بتاعك جامد موووووووووووت موتنى من الضحك
عقبال الحكاية التانية بقة
وعادى بقة
أودى لن يستسلم

mariam said...

للأسف من حقك تبكى
لأن كل حاجة بقى يتبكى عليها
و لو ان دة مش هيغير حاجة
بس كويس ان لسه عندك مشاعر لأن دى بقت حاجة نادره

remaliza said...

ابكى لان البكا بيريح بس الزعل هايتجدد طول ماهو هو الحال بس لو بايدينا حاجه نعلملها نعيط وبعدين نعملها
بس على فكره هى الدنيا كللها تبكى مش مصر بس
بس لازم نتغلب على الحزن ونبدا كل يوم من جديد
ونضيف حاجه جديده

ody911 said...

مانو

أولا شكرا على الزيارة دى
ثانيا حقيقى الحاجة الوحيدة إللى متاحة لينا هيه البكاء
بس هنعمل إيه ؟؟
الدنيا مبتديش محتاج
وعادى بقة
أودى

ody911 said...

ريماليزا

أولا شكرا على الزيارة العزيزة دى

ثانيا
بجد كلنا نفسنا نبطل حزن وننظر للغد نظرة تفائل
بس المشكلة إنى طريقك مسدود مسدود يا ولدى

ههههههههه
وعادى بقة
أودى

كلبوزة لكن سمباتيك said...

و انت طيب يا اودي يا جميل


اوعى تبكي
شد السيفون اسهل


تحياتي

Racha Khoury said...

كلنا يراودنا هذا الشعور بالبكاء ولكننا احيانا من شدة الالم ومع السنين نفقد هذه النعمة ونفقد مشاعرنا

ما اسهل ان نبكي ونمسح دموعنا من بعد بكاء لنرى الدنيا اجمل ..ما بالك بحالنا يا عزيزي لقد فقدنا القدرة حتى على البكاء ان كان باستطاعتك البكاء فابكي فان البكاء دليل حياة

تحياتي وكل عام وعينك لا ترى سوى الجمال ودموع الفرح فقط

saso said...

اللة بقي..ماكنتش راضية اعمل كومينت في البوست دة مبزودش في الاكتئاب انا كفاية البوست اللي فات
امري للة هاقوللك كل سنة وانت طيب
:)
اول لما تغير الالوان قوللي

كل سنة وانت طيب وواخد اجازة مش نازل اول يوم العيد زيي
أنا هامشي قبل ما اعيط بقي

smraa alnil said...

كل سنة وانت طيب يا عم اودي
فينك كدة
اوعي تكون لسة بتبكي
دة احنا في عيد يا راجل

ody911 said...

كلبوزة

وإنتى طيبة وفى أحسن حال إن شاء الله
والحمد لله أنا دلوقتى أحسن كتيير

وسنة جديدة سعيدة علينا إن شاء الله

ody911 said...

رشا

أولا لازم تشربى حاجة
دة إنتى بقالك كتيير قوى بتقولى جاية
لولا الملامة كنت دبحتلك عجل
بس العين بصيرة والأيد قصيرة
وبصلت المحب خرووف
تشربى نسكافية

ثانيا

واللهى بينى وبينك البكاء مش سهل زى ما أنتى قلتى
أنا فعلا مش بعرف أبكى بالدموع
بس ببكى بكاء داخلى ودة صعب جدا وأكثر آلما
وهو يزيد الألم ولا ينقصة

بس أنا الحمد لله دلوقتى
عايش
وعادى بقة
أودى

ody911 said...

ساسو

ولا يهمك إنتى تعملى كومنت على أى حاجة
وبعدين إن شاء الله هغير اللون قريب قوى
لانى أتعدلت نفسيا شوية


أما بقة عن نزول أول يوم العيد الشغل
فكفاية العييد الصغير
وبعدين أنا سايب الشغل من ييجى شهر كدة
أتخنقت منوا
ومعلش أستحملى

ومنورة واللهى
وعادى بقة
أودى

ody911 said...

سمراء النيل

شكرا للزيارة يا سمراء

وأنا الحمد لله مش ببكى دلوقتى
حاسس ببصيص من الأمل

وعادى بقة
أودى

mariam said...

كل سنه و انت طيب
سنه سعيدة
و عيد سعيد

ody911 said...

مانو

وإنتى طيبة ويارب تكون سنة سعيدة علينا كلنا

وعادى برضوا لو مبقتش
أودى

ody911 said...

أيمن

كلنا محتاجين نبكى

بس يا خسارة البكاء مش سهل زى ما احنا متوقعين كدة

وشكرا لزيارتك

وعادى بقة
أودى

sherehan84 said...

كل سنه بقى وانت طيب

الكلام نوعان :كلام فارغ وكلام مليان كلام فارغ said...

هاى يا اودي ازيك وانت فينك من زماااان
على فكره انا عملت مدون تانى غير انتهى المشوار ياريت مدونتى تنور بزيارتك ليا
وعادي بقى

ody911 said...

شريهان

وإنتى طيبة بقة

وعادى بقة
أودى بقة

ody911 said...

الكلام نوعان

دة أنا إللى هتشرف

وعادى برضوا
أودى

محمد عبد الغفار said...

ابكى بدل الدموع دم ولن يفيد

ody911 said...

صح لن يفيييد

وعلشان كدة

عادى بقة
أودى

Every breath you take And every move you make Every bond you break Every step you take I’ll be watching you Every single day And every word you say Every game you play Every night you stay I’ll be watching you Oh, can’t you see You belong to me Now my poor heart aches With every step you take Every move you make Every vow you break Every smile you fake Every claim you stake I’ll be watching you Since you’ve gone, I’ve been lost without a trace I dream at night, I can only see your face I look around but it’s you I can’t replace I feel so cold and I long for your embrace I keep crying baby, baby please Oh, can’t you see You belong to me Now my poor heart aches Every step you take Every move you make Every vow you break Every smile you fake Every claim you stake I’ll be watching you Every move you make Every step you take I’ll be watching you I’ll be watching you Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you) Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you)