Wednesday, January 03, 2007

الحب

مساء الخيير

فى السنة الجديدة

وبعد تفكير عميق

كنت عاوز أكتب حاجة فى السنة الجديدة تدل على شعورى فى هذه السنة


بينى وبينكوا ملقتش حاجة أقولها غير إنى مشتاق وعندى لوعة

هههه

آه بجد

الحب دة شيء جميل فى زمن مفهوش حاجة حلوة

يعنى ومن الآخر

أنا مش عارف أعيش من غيير الحب فى حياتى
يمكن يكون الكلام مش منسق
بس هوة دة إللى جه على بالى


مش عارف أنا لية متنيل على عينى أوى كدة

وبحب على نفسى دايما

وجوايا حب كبيير
نفسى أطلعوا للوجود
علشان حد يستفيد منوا
بس للأسف لسة ملقتش إللى بدور عليها

والمفروض إنها كمان بدور عليا
أو على الأقل دة إللى أنا باملة

طبعا معظمكوا جرب الحب
وشاف إنوا شيء جميل
ومنكوا إنوا شاف إنوا مش جميل
علشان الأسى إللى بيلاقية فيه
يعنى لما حبيبوا يسيبوا
أو يحصل سوء تفاهم
بس بجد
أنا شايف إنى الحب أحلى شيء فى الوجود
وآساه من أحلى الأشياء أيضا
والواحد مننا مش يعرف يعيش من غيير حب

وعلشان كدة
أنا بقول لكل بنت حبيتها فى حياتى

صدقونى حبيتكوا بجد
وحبيت فى كل واحدة فيكوا حاجة مختلفة عن التانية
مع إنى الدنيا فرقت ما بنا
أو يمكن أحنا إللى عملنا كدة فى نفسنا
بس بجد بتمنالكوا كل خيير
وربنا يوفقوا

وعارف إنى فى ناس هتقول إنى الحب هوة الحب مرة واحدة فى العمر

بس أنا بقول إنى ممكن الواحد يحب أكتر من مرة
وبنفس الشدة
ويمكن أكتر
ويارب
يارب
ألاقى بنت أحبها
علشان معفنش من كتر الركنة

وعادى بقة
أودى

61 comments:

Amany said...

تصدق صعبت عليا بس احنا قولنا ايه عادى بقى
وبعدين لا تقلق مش هيجر حاجة من الركنة ده بالعكس البرفانات كل اما نعتقها بتكون رحتها احلى


اى خدعة سر البرفانات ده مش بقوله لاى حد

smraa alnil said...

ههههههههههههه تعفن من كتر الركنة ويبقي ليك لقب تاني بقي
مش لازم اقوله بس انت عرفتوا
بص بقي يا سيدي

الحب اللي انت بتتكلم عليه انت قلت الغرض منه وانت مش واخد بالك
ان انت حبيت في كل واحدة حاجة معينة
تقدر تقول انه افتقاد للحاجة دي
يعني واحدة يبقي دمها خفيف وواحدة رومانسية حالمة وواحدة روشة اي كان الاختلاف او النقطة اللي انت لقتها
لكن يبقي مسمي الحب واحد
انت بس نفسك تلاقي البنت اللي تخليك تشوف فيها كل بنات الارض

بس تاكد
انك لو حسيت بيها وقلبك نبض من مجرد التفكير ان انت تنطق اسمها
لما تغمض عينك كدة وتاخد نفس عميق بابتسامة علي شفايفك وعنيك بتفتح مجال
انها تفرح
تقوم تبل شايفك كدة وتلاقي ادامك صورة البنت اليل انت بتحبها
حتي بعد ما تفتح عينك
تلاقيك شايف كل الناس هي
الحب انك تعشقها حد الجنون
الحب انك تتالم ليها وقت الامها
الحب انك تحس انك لامسها منغير ما تشوفها
تحس بايدها علي وشك وهي بتمسح دمعتك وهي مش معاك
تحس بلمستها عليك وانت جسمك بيرتعش من غير لا شهوة ولا رغبه
انها تبقي ادامك عايز حضنها مش عشان حاجة
لا دة عشان عايز تحضنها وبس تحس بحنانها وقوتها
وشقاوتها
تعاملها كطفلة صغنتوتة
تحس بحزنها تشوفها ادامك بتعمل ايه وانت في مكان وهي في مكان
ان تفكيرك دايما يكون يها
ان احساسك بيها يملا الكون دة كله
تبقي عايزها معاك في كل حاجة
وانت نايم وبتاكل وبشترب
تبقي في ملامحك
تتحفر جوة قلبك
تشوف نفسك في عنيها
تتكلم بلسانك
وتفكر بعقلك من غير ما يكون في اعداد
مجرد التوحد
الخوف من فكرة الموت من غير حبيبتك
ازاي تبص في عنيها وتلاقي نفسك دايب
جسمك بيترعش ودمك هارب منك وقلبك بينبض بسرعه
وحاسس انه هيخترق ضلوعك
انك تحس انها معاك ومش عايز لحظة ينتهي فيها اللقاء
وانك تبكي بحرقة لمجرد التفكير انها مش ليك
او انك عاجز عن انك تعبر لها عن مشاعرك
اودي
دة يمكن يكون هو الحب
انا مش جربته بالطريقة اللي بتكلم عليها
لاني كنت صغيرة يوم ما دخلت في تجربة
بس صدقني وقت ما تحس بدة مع البنت الي مش هتشوف غيرها مهما كان حواليك
يبقي هي دي البنت وهو دة الحب
والكلامدة انا بهديهولك
هيص بقي يا عم
خليت سمرا تقول كلام جامد
يلا
عايزين حق الاستشارة

بين الأمل و اليأس said...

مش بقلك يابني
الابتسامه دي تحمل قلب كبيييييير
وتقلي مش حبيب قديم
دانت طلعت داهية
دانت طلعت
على راي منير
انا قلبي مساكن شعبية
معلش انا بهزر خلينا نتكلم جد شوية
بص ياسيدي انا مؤمن بان الحب لازم تكون نتيجته الارتباط ولما كنت في موضوعي وفكرت افاتحها كان هدفي الارتباط مش مجرد اعيش فتره عشان كدا موضوع انك حبيت اكتر من مره معلش ياريت بلاش تسميه حب سميه اعجاب
لان الحب معناه على راي سمرا التوحد وانا معاها في كدا لكن مش معاها انك لما تكون مفتقد شيء ولا قيته في حد تقوم تحبه لا لا لا
لازم تحب عشان الحب
طبعا انا عارف الكلام اللي انت كاتبه ومش هاجي اعرفك من كلمة كتبتها
لكن اكيد طالما انك محافظ على الحب اللي جواك ومطلعتهوش لسه يبقه اكيد هايجي اللي يستحقه وهاتقدر تخلي حلمك يبقه واقع
وعلا فكره الحب حلاوته في ناره يعني عمر ماكان الحب شيء ممكن نكرهه وانا حاسس بيك وباشتياقك للحب
وانا عندي عرايس ليك بس انت شد حيلك كدا وملكش دعوه بالباقي هايكونوا ملكات تختار منهم كل اللي انت عايزه وبجميع المواصفات والعرض محدود حتى نفاذ الكمية
وربك يسترها

بين الأمل و اليأس said...

معلش يا اودي

smraa alnil
بجد انا عجبني الكلام موووت اوي وعجبني الوصف النابع مش من التجربة لانك كنتي صغيره زي ماقلتي بس نابع عن الاشتياق
للحب
بس معلش
انا لسه بقول الحب مره واحده بس والباقي ده اعجاب
سوري على ردي يا اودي وتدخلي في تعليق الناس ليك بس انا معجبنيش ان سمرا بتقول انك حبيت كل شوية عشان صفه معينه هو مممكن يكون صح بس المبدأ لا محاله
بس كلام جميل ياسمرا في وصف الحب
وانا بهديك ياودي الوصف ده
اغنية تامر بتقلي اوصفهالك
وربنا يسترها

smraa alnil said...

اودي
وبين الامل واياس

انا مش بقول ان اللي بيعملوا اودي دة صح
او ان هو دة الحب
بس هو من وجهه نظر اودي انه حب
فعشان كدة انا اتكلمت من المنطلق دة عشان هو مش يزعل مني

بس طالما هنتكلم بصراحة بقي
فاسمحلي يا اودي اصدمك شوبة
اللي انت بتتكلم عليه فعلا لا يمت للحب بصلة
تقدر تقول فترة نزوة او اعجاب بصفة معينة
بيصدقها عقلك
وبتهرب بيها للواقع اللي انت عايش فيه فبتتوهم انه حب
يمكن بتدور علي شئ مفتقده في حياتك
او انك من كتر لهفتك وشوقك للحب بتتوهم بان هو دة الاحساس الحقيقي
لكن النسان اللي بيحب بجد
بيبقي هو دة الحب لمرة واحدة بعمره كله

ody911 said...

أمانى


شكرا على ردك السريع على المدونة بتاعتى أولا
أما بقة حتت البرفانات دى
جامدة جدا

وتقريبا
أنا كل يوم الحب بيزيد فى قلبى

وشكرا على السر دة
ومنورة دايما

ody911 said...

سمراء النيل وحازم صحبى

أنا عارف إنى لما أحب فى واحدة شيء معين بكون مفتقد دة وكمان بكون بتمناه فى إللى عاوزها تكون شريكت حياتى


بس أوقات كتيير ممكن الواحد يحب علشان نفسوا يحب
مش عشان مفتقد شيء معين فى الحياه

وبالطبع أنا حبيت علشان نفسى أحب

لأنى زى ما قلت فى البوست بتاعى

أنا بحب الحب نفسوا
أيوة بحب الحب أكتر من حبى للبنات

يعنى إللى بيخلينى أحب واحدة
إنى عاوز أعيش قصة حب

أنا عارف إنوا منظور مختلف للحب
بس هوة دة شعورى


وعلى رأى الحكمة إللى بتقول


رأيي صواب يحتمل الخطىء ورأي غيرى خطىء يحتمل الصواب

وعادى برضوا
أودى الهايم



آه صحيح أنا مش زعلان من ردودكوا دى لأنى كل واحد من حقوا أن يعبر عن رأيوا بصراحة

هيه دى الديموقراطية


أودى ديموقراطى

Lion king™ said...

كل سنه وانت طيب
:)
هتلاقي كل الي انت عاوز
بس الصبر مر لكن اخرته حلوة
تحياتي
:)

Epitaph said...

ايه يا اووودي

اديني طاقة الحب دي لمصر

هههههههههه

بص يا اوودي
مقدرش اقولك غير ان صدقك مع نفسك
و روحك الحلوة دي
ربنا ح يرزقك ببنت الحلال اللي تحبها بكل جوانحك - شايف العربي ههههه- و تستاهلك بجد

وعادي بقي
:)

ody911 said...

Lion King$reg

أولا شكرا على المرور الكريم دة يا باشا
آدام الله الود
وكل سنة وإنته طيب

وشكرا على الكلام الجميل
وإن شاء الله ربنا يكرمنا

وعادى بقة
أودى ولهان

ody911 said...

إبى

منورة يا عسل
وكل سنة وإنتى طيبة

إنما إيه الكلام الجميل دة
فين البنات تيجى تشوف إبى وكلامها الجميل

روحى حلوة
أهوة بشهادة إبى

شكرا يا جميل

وعلشان خاطرك

عادى بقة
أودى الهايم :)

mano said...

اولا احييك
لأن المشاعر الحلوه مبقتش موجودة
ان شاء الله تلاقى البنت اللى بتدور عليها
و متقلقش كل شىء هيتحقق ان شاء الله
و السنه دى تكون حلوه عليك

Rasha said...

الحب دا احساس جميل قوي بس لما يكون من غير قيود او اسماء

الحب انك تشوف الدنيا بعيون الي بتحبه فبتحب الكون معاه
الحب هو عطاء ومغفرة واحساس ان الحد ده منك وانك مش ممكن تأذي لانك حتأذي نفسك

الحب وان لم يكن لشخص معين
هو اجمل ما في البشر

يا رب بجد تلاقي الانسانه الي بدور عليها وانا متأكدة انها بتستناك في مكان

قريبا حتلاقيها ومتخفش من الركنة اطلعع اتمشى في الشارع

;)

مُزمُز said...

لا لا متقلقش
هما يعني البنات هيلاقوا زيك فين
ده حتى عددنا بقى أقل منهن فلازم يبقوا أخف من كده

بس بجد بقى دي حاجة في ظهر الغيب وأظنها مقدرة كما قدر عمرك ونهايته

كل سنة وانت طيب

tamer said...

الحب دة حياة ومحدش يقدر يعيش من غيرة ومها شوفنا لانستطيع نبعد عنة


كل سنة وانت طيب

ody911 said...

مانو

شكرا يا جميل على الكلمات الجميلة دى

ويارب يارب السنة دى تكون أحلى علينا كلنا

ويارب كل واحد يلاقى نصوا الثانى

وعادى برضوا
أودى لسة عايش

ody911 said...

رشا

شكرا على كلامك الجميل ومشاعرك الرقيقة

وعموما أنا متأكد إنى إن شاء الله هلاقيها
لو فى آخر الدنيا هلاقيها
وربنا يسهل يارب
علشان بجد محتاج الحب فى الفترة دى ضرورى

وعادى بقة
أودى خايف

ody911 said...

مزمز

شكرا يا باشا على الكلام الجميل دة
بس من جهه إنهم هيلاقوا زيي فهيلاقوا أحسن منى
بس زى ما انته قلت كلة مقدر ومكتوب
وربنا يقرب البعيد

وعادى برضوا
أودى مستنى

ody911 said...

تامر

أولا شكرا على المرور الكريم دة
ثانيا تشرب إيه ؟؟
أنا لازم أشربك حاجة مينفعش تيجى هنا أول مرة ومتشربش حاجة

وعلى فكرة إنته عندك حق
الحب دة حياه

وشكرا مرة تانى
وعادى بقة
أودى مش بخييل
ههههههه

إبـراهيم ... معـايــا said...

صدقني شيء رااائع إنك تبقى بتحب ... مش أحسن ما يبقى كلك غل وحقد على خلق الله !!


جميــــــل جدًا ، ، ومش عادي أبدًا بالمنـاسبة


تحياااتي

ody911 said...

إبراهيم

شكرا يا ريس

على الكلام الجميل وعلى الزيارة

وكالعادة تشرب إيه بمناسبة الزيارة الأولى

تشرب شاى

وعلى فكرة كل شيء عادى علشان دة شعارى فى الحياه

عادى بقة
أودى عادى بقة

elgharep said...

كل سنة وأنت طيب وربنا يديلك الحب اللى أنت عايزوه
الغريب

smraa alnil said...

أودى ديموقراطى
أودى ولهان
أودى الهايم
أودى لسة عايش
أودى خايف
أودى مستنى
أودى مش بخييل
أودى عادى بقة

حلو اوي التعليقات دي
حلو انك تكون ديموقراطي بانك تحب بالاسلوب دة وانك تكون عندك القدرة في انك تقنعهم انك فعلا حبيتهم

ودة بالتالي سيؤدي دوره الي انك تعيش ولهان في حبهم
وتحس بالتالي انك هايم في اجمل قصة حب عايشها
وعشان كدة بتحس بجد انك لسة عايش

بس من جواك خوف يمكن عشان عارف انه مش هو دة الحب اللي انت عايزه والي المطلوب انه هو يجتاحك

فبترجع تستني عشق جديد
ومش بتبخل عليه بمشاعرك لو جالك
ومش بتبقي علا بخيل باحساسك
بس برضه بترجع وتقول عادي بقي

ody911 said...

الغريب

وإنته طيب يا جميل

ويارب متكونش آخر زيارة

وبعدين كدة نستنى

تشرب إيه يا غالى

وعادى برضوا
أودى أهوة

ody911 said...

سمراء النيل

هههههههه
ضحكتينى حقيقى بالفرز دة

;)وعلى فكرة هوة صح


وعادى برضوا
أودى مبسوط من تعليق سمراء جدا
ولا أقول أنجى

remaliza said...

الحب جميل صح زى مانت بتقول وبحس كمان ان لانسان لازم يحب طول ماهو عايش
الحب باشكاله كلها لازم يكون موجود اما الحب للجنسين يعنى بحس انه فريد من نوعه وبيجى لوحده من غير ماتحس بيه بس سيبه ييجى لوحده
بس مش عارفه انا حاسسه فعلا
ان الحب ممكن ييجى اكتر من مر ه وكل مره بشكل مختلف واحساس مختلف بس المهم
يكون حب حقيقى
اوحش حاجه فى الحب بئه انه مالهوش دعوه باى حاجه العقل مش هايعرف يتحكم فيه ابدا طول ماهو عايش
كلامك جميل رغم انه تلقائى
بس احلى حاجه انه من قلبك
واحلى حاجه كلام القلب
وكل حب وانت طيب
وماتنساش الحاجه الساقعه
ههههههه

smraa alnil said...

يا سيدي قول اللي تقوله ان شالله حتي تناديني بست اخواتها ولا فتكات حتي
بس ايه رايك فرز درجة اولي وانت الصادق
اومال يابني احنا بنلعب
ربنا يسعدك ويبسطك كمان ا ودي يا ابن ام اودي
اااااااااااااااااااااااامين

بين الأمل و اليأس said...

ايه ياعم الغيبه دي كلها انت وقعت ولا ايه
اه ياندل طب مش كنت تقلي
دانت صحيح مابتستناش متقليش
بنت وكيل اول وزارة الصحه
ههههههههه
طمني عليك ياحبي
سلام والكلام لسه مانتهاش والحب لسه باقيله قطره ومتنساش تبعتلي ورقك ضروري
ولازم اشوفك قبل الفرح وقبل السفر
عشان فيه تعديلات في المواعيد
وربنا يسترها

tamer said...

انت فين ياريس فين الجديد

انا فضلت مستنى اهو ولا جانى شاى ولاحتة كوبية مياة

ههههههههه

ody911 said...

ريم

علشان ريميليزا دة صعب

منورة هنا واللهى

وشكرا يا جميل على الكلام الجميل دة

والحاجة الساقعة محفوظة يا جميل

بس لما أعرف نتيجة الأمتحانات بتاعتك إيه ؟؟؟؟؟؟؟؟

هههههه

شدى حيلك

وعادى بقة

أودى مبينساش حد

ody911 said...

إنجى

ياستى أنا هنديكى بأنجى بس

أصلوا بينى وبينك حلو

المهم البوست بتاع الحب بتاعك جامد جدا جدا جدا

أنا مش عارف أكتب تعليق عندك مش عارف السبب إيه ؟؟
بس هحاول

وعادى بقة
أودى

ody911 said...

واد يا حازم أنا بكتب من مصر النهاردة

كلمنى شكرا
هههههه


وعادى بقة
أودى

ody911 said...

تامر

منور يا باشا

ومعلش أنا مش بكتب كتيير

وبعدين هوة الشاى موصلش بجد
طيب أنا هزعل القهوجى بقة علشان خاطرك

وعادى بقة
أودى

Memo said...

لما تحب بجد تلاقي امبارح ويومك وبكره هوا حبيبك
يا سيدي الحب ده نصيب نصيبك مكتبلك و هيصيبك
بس الصبررررررررررررررررر
استمر...

ody911 said...

ميمو

أولا مساء الخيير
تشربى إيه بقة

شكلك عاوزة ساقع متتكسفيش مدوندى عادى بقة

يعندى اطلبى وإنتى قلبك حامد


ثانيا بقة

أنا عارف إنها مسألة نصيب

ولازم نصبر
بس تقدرى تقولى مش عارف أعيش من غيروووو
هههههههههه

وعادى بقة
وشكرا على الزيارة

أودى

sara said...

اودى
يا رب تحب

smraa alnil said...

طب تصدق بقي ان كدة عيب
عشان اي حد يجي يزورك تقوم عازموا علي اي حاجة يشربها
وانا كل مرة ترد عليا وتسيبني امشي من غير مطرود
ولا حتي تعزم عليا بحتة ملبسة
ماشي ياأودي بس خليك فاكرها
لن انسي لك هذا الموقف

انتهى المشوار said...

ياااااااااه بجد صحيت فيا حاجات كتيره اوى الواحد محتاجها انا كمان نفسي بجد انى الاقي الحب الحقيقي بس هوه الاقيش عندك واحد؟
ارجو منك المورو على مدونتى وقول رايك بصراحه

saso said...

يا سلااام..مش تقولي انك غيرت الالوان
تعرف كان غالبا هيكون الكومينت غير كده لولا اني موودي النهاردة حلو اوي اوي اوي
بلاش تفكر في اللي قبل كده لان يوم ما هتحب هتحس بكل حاجة كانك ولا حسيتها قبل كده
الجديد انك تملكين الجديد
وانا اعشق دهشة الجديد

ييجي ما ييجي الحب المهم تحتفظ بالموود دة وابعد عن جورج وسوف ربنا يخليك يا اودي

ody911 said...

سارة

أولا منورة كالعادة مع غنك سعات بتتأخرى بس منورة فى أى وقت

وشكرا يا جميل على الدعوة دى ويارب الناس كلها تلاقى حبها

وعادى بقة
أودى

ody911 said...

إنجى

يا نهار أبيض بقة بزمتك مشربتيش حاجة

لاء لاء ميصحش

دة إنتى يدبح عجل علشان خاطرك يا إنجى

هوة غنتى مش عارفة معزتك عندى

يااااااااااااه دة إنتى غالية عندى واللهى

وياستى بعد ما ناكل اللحمة بتاعت العجل إللى أنا لسة دابحوا حالا علشان خاطرك وعلى شرفك

نبقى نشرب إللى يعجبك وهسيبك تختارى المشروب على مزاجك

مبسوط كدة يا جميل

دة أنا لميش غيرك

ومتأخزنيش على النسوة دى
جل من لا يسهوا

وعادى بقة
أودى

ody911 said...

أنتهى المشوار

منور يا باشا

ولازم تشرب حاجة على شرف الزيارة دى
أنا عارف إنى الشباب بيحبوا الشاى مع السجاير

لو كنت بدخن خد السجارة دى مع فنجان الشاى دوت بقة


أما بقة بالنسبة للحب

فكل الناس محتاجاه بس المشكلة إنك بتفضل تدور علية كتيييييير قوى لغاية ما تلاقية

فيارب كلنا نرتاح ونلاقية بقة

وبالنسبة لدعوتك فأنا يسعدنى إنى أزور مدونتك وشرف ليا زيارتك دى

وعلى راى المثل

عادى بقة
أودى

ody911 said...

ساسو

منورة بعد غيبة
والحمد لله إنك فرحانة ويارب دايما

وصح الكلام دة فعلا لما بنحب بنحب بإحساسنا كلوا

وبيكون مختلف

ويارب كلنا نحب

وشكرا على المرور يا جميل

وعادى بقة
أودى

ody911 said...

إنتهى المشوار

آسف إنتى بنت وأنا كنت فاكرك راجل

وعادى بقة

تشربى سجاير
ههههههه

معلش خيرها فى غيرها

نغير العزومة بقة على حاجة ساقعة
وعلى فكرة مدونتك هايلة

ولازم أحط واصلة للمدونةن بتاعتك عندى
متزعليش يا آنسة

وعادى بقة
أودى

tamer afify said...

طبعا مفيش شيء أجمل من ةالرغبة في التوحد والتداخل
بس الأجمل إنه يكون تلقائي ومش مدروس
وده للأسف نادر جدا اليومين دول
ربنا يوفقك ويكرمك
تحياتي

ody911 said...

تامر عفيفى

منور يا ريس

ولازم تشرب حاجة علشان العادة بقة

تشرب شاى ؟؟
ولا حاجة ساقعة

أختار إنته بقة

وشكرا يا معلم على الكلام الجميل دة

وعادى بقة
أودى

Epitaph said...

يا اووووودي

انت حبيت و لا ايه و سيبتنا؟

هههههه

صباح الخيييييييير

فيها لاخفيها

ody911 said...

يا خرابى على النور إللى هل مرة واحدة على البلج
أبيتاف عندنا يا مرحبا يا مرحبا

وأنا عم بقول البلوج منور لية ؟؟

وبعدين يا جميل إيه فى أى مكان يعجبك

وبعدين لازم تشربى حاجة

تشربى إيه بقة ؟؟

معلش مقصر معاكوا كلكوا واللهى
بس الدنيا بقة

وعادى بقة
أودى

smraa alnil said...

اديني جيت اهو
ولا لقيت فتة ولا لحمة عجل ولا حاجة
دة انت حتي استخسرت فيا كوباية عصير قصب بربع جنيه
شاطر بس تقولي عازمك
فين اللحمة يا عمنا
انا لسة مش اتغديت

saso said...

هتفضل تحب كتير
سبت واتنين وجمعة والباقي تيجي البلوج هنا بقي

لو الموضوع جد اوعي تقوللها اني قلت كده..ماشي؟

sara said...

sara99--انا طبعا ما اقدرش اتأخر عليك ابدا
سورى اكيد
بس انت عارف الدنيا مشاغل والعيال..وابوهم ربنا ياخدو..والغسيل والنشير.....


على فكرة كل دا هجص
اوعه تزعل على التأخير
دا انت ليك معزة خاصه عندى..وممكن تبقي خروف كمان
وعادى بقه

ody911 said...

إنجى

ينفع كدة
لازم تشردى يعنى

هوة إنتى فاكرة إنى حد كل حاجة ولا شرب حاجة هنا

دى كلها عزومات مراكبية يعنى

وبعدين لو ليكى مزاك فى عزومة يبقى لما نتقابل بقة

مستنى على آحر من الجمر

وعادى بقة
أودى

ody911 said...

ساسو

واللهى يا بنتى أنا نفسى
بس الموضوع مش بجد
هيه عملية إجتهادات يعنى

تقدرى تقولى بحاول ومش لاقى لسة
بس وعد لما ألاقى هتكونوا أول ناس تعرف

وعادى بقة
أودى

ody911 said...

سارة

ولا يهمك يا جميل

منورة واللهى يا بنتى

بس بجد يعنى كلكوا بتوحشونى

وعادى بقة
أودى

الكلام نوعان :كلام فارغ وكلام مليان كلام فارغ said...

hi ody
iam entaha el mishwar but i made a new blog called kalamfaregh and i hope to see you there
i'd like to be friendsssssss
thanks

لولا said...

)متستعجلش عل الحب هيجي هيجي

ويارب تلاقي الي البنت الي بتمناها
ومتخفش شاعرك مش هتعفن ولا حاجه

الناي الحزين said...

اولا

كل سنة وانت طيب يااودي

ثانيا

كل بنت حبيتها


يعني انت علي كده حبيت كتييييييير
امال مستعجل ليه بقي


ههههههههه


ربنا يوفقك يارب

ody911 said...

الكلام نوعان


منورة برضوا سواء إنتهى المشوار أو الكلام نوعان


وأحنا خلاص بقينا أصحاب
وعادى بقة
أودى

ody911 said...

لولا


يارب يا لولا

بس بجد أنا مستعجل عارفة لية ؟؟
أصلى مخنوق اليومين دول ومتهيقلى الحب هوة الوحيد إللى يقدر يخرجنى من الحالة دى

وعادى بقة
أودى

ody911 said...

الناى الحزين


وإنتى طيبة

وأنا آه حبيت ناس كتيير

بس بجد حبيتهم مش كنت بتسلى ولا حاجة من الحجات دى

ومستعجل علشان مش عارف أعيش من غيير حب

ومنتظر الحب بفارغ الصبر

وعادى بقة
أودى

arabcooL said...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول

Every breath you take And every move you make Every bond you break Every step you take I’ll be watching you Every single day And every word you say Every game you play Every night you stay I’ll be watching you Oh, can’t you see You belong to me Now my poor heart aches With every step you take Every move you make Every vow you break Every smile you fake Every claim you stake I’ll be watching you Since you’ve gone, I’ve been lost without a trace I dream at night, I can only see your face I look around but it’s you I can’t replace I feel so cold and I long for your embrace I keep crying baby, baby please Oh, can’t you see You belong to me Now my poor heart aches Every step you take Every move you make Every vow you break Every smile you fake Every claim you stake I’ll be watching you Every move you make Every step you take I’ll be watching you I’ll be watching you Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you) Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you)