مساء الخيير
فى السنة الجديدة
وبعد تفكير عميق
كنت عاوز أكتب حاجة فى السنة الجديدة تدل على شعورى فى هذه السنة
بينى وبينكوا ملقتش حاجة أقولها غير إنى مشتاق وعندى لوعة
هههه
آه بجد
الحب دة شيء جميل فى زمن مفهوش حاجة حلوة
يعنى ومن الآخر
أنا مش عارف أعيش من غيير الحب فى حياتى
يمكن يكون الكلام مش منسق
بس هوة دة إللى جه على بالى
مش عارف أنا لية متنيل على عينى أوى كدة
وبحب على نفسى دايما
وجوايا حب كبيير
نفسى أطلعوا للوجود
علشان حد يستفيد منوا
بس للأسف لسة ملقتش إللى بدور عليها
والمفروض إنها كمان بدور عليا
أو على الأقل دة إللى أنا باملة
طبعا معظمكوا جرب الحب
وشاف إنوا شيء جميل
ومنكوا إنوا شاف إنوا مش جميل
علشان الأسى إللى بيلاقية فيه
يعنى لما حبيبوا يسيبوا
أو يحصل سوء تفاهم
بس بجد
أنا شايف إنى الحب أحلى شيء فى الوجود
وآساه من أحلى الأشياء أيضا
والواحد مننا مش يعرف يعيش من غيير حب
وعلشان كدة
أنا بقول لكل بنت حبيتها فى حياتى
صدقونى حبيتكوا بجد
وحبيت فى كل واحدة فيكوا حاجة مختلفة عن التانية
مع إنى الدنيا فرقت ما بنا
أو يمكن أحنا إللى عملنا كدة فى نفسنا
بس بجد بتمنالكوا كل خيير
وربنا يوفقوا
وعارف إنى فى ناس هتقول إنى الحب هوة الحب مرة واحدة فى العمر
بس أنا بقول إنى ممكن الواحد يحب أكتر من مرة
وبنفس الشدة
ويمكن أكتر
ويارب
يارب
ألاقى بنت أحبها
علشان معفنش من كتر الركنة
وعادى بقة
أودى
فى السنة الجديدة
وبعد تفكير عميق
كنت عاوز أكتب حاجة فى السنة الجديدة تدل على شعورى فى هذه السنة
بينى وبينكوا ملقتش حاجة أقولها غير إنى مشتاق وعندى لوعة
هههه
آه بجد
الحب دة شيء جميل فى زمن مفهوش حاجة حلوة
يعنى ومن الآخر
أنا مش عارف أعيش من غيير الحب فى حياتى
يمكن يكون الكلام مش منسق
بس هوة دة إللى جه على بالى
مش عارف أنا لية متنيل على عينى أوى كدة
وبحب على نفسى دايما
وجوايا حب كبيير
نفسى أطلعوا للوجود
علشان حد يستفيد منوا
بس للأسف لسة ملقتش إللى بدور عليها
والمفروض إنها كمان بدور عليا
أو على الأقل دة إللى أنا باملة
طبعا معظمكوا جرب الحب
وشاف إنوا شيء جميل
ومنكوا إنوا شاف إنوا مش جميل
علشان الأسى إللى بيلاقية فيه
يعنى لما حبيبوا يسيبوا
أو يحصل سوء تفاهم
بس بجد
أنا شايف إنى الحب أحلى شيء فى الوجود
وآساه من أحلى الأشياء أيضا
والواحد مننا مش يعرف يعيش من غيير حب
وعلشان كدة
أنا بقول لكل بنت حبيتها فى حياتى
صدقونى حبيتكوا بجد
وحبيت فى كل واحدة فيكوا حاجة مختلفة عن التانية
مع إنى الدنيا فرقت ما بنا
أو يمكن أحنا إللى عملنا كدة فى نفسنا
بس بجد بتمنالكوا كل خيير
وربنا يوفقوا
وعارف إنى فى ناس هتقول إنى الحب هوة الحب مرة واحدة فى العمر
بس أنا بقول إنى ممكن الواحد يحب أكتر من مرة
وبنفس الشدة
ويمكن أكتر
ويارب
يارب
ألاقى بنت أحبها
علشان معفنش من كتر الركنة
وعادى بقة
أودى
58 comments:
تصدق صعبت عليا بس احنا قولنا ايه عادى بقى
وبعدين لا تقلق مش هيجر حاجة من الركنة ده بالعكس البرفانات كل اما نعتقها بتكون رحتها احلى
اى خدعة سر البرفانات ده مش بقوله لاى حد
ههههههههههههه تعفن من كتر الركنة ويبقي ليك لقب تاني بقي
مش لازم اقوله بس انت عرفتوا
بص بقي يا سيدي
الحب اللي انت بتتكلم عليه انت قلت الغرض منه وانت مش واخد بالك
ان انت حبيت في كل واحدة حاجة معينة
تقدر تقول انه افتقاد للحاجة دي
يعني واحدة يبقي دمها خفيف وواحدة رومانسية حالمة وواحدة روشة اي كان الاختلاف او النقطة اللي انت لقتها
لكن يبقي مسمي الحب واحد
انت بس نفسك تلاقي البنت اللي تخليك تشوف فيها كل بنات الارض
بس تاكد
انك لو حسيت بيها وقلبك نبض من مجرد التفكير ان انت تنطق اسمها
لما تغمض عينك كدة وتاخد نفس عميق بابتسامة علي شفايفك وعنيك بتفتح مجال
انها تفرح
تقوم تبل شايفك كدة وتلاقي ادامك صورة البنت اليل انت بتحبها
حتي بعد ما تفتح عينك
تلاقيك شايف كل الناس هي
الحب انك تعشقها حد الجنون
الحب انك تتالم ليها وقت الامها
الحب انك تحس انك لامسها منغير ما تشوفها
تحس بايدها علي وشك وهي بتمسح دمعتك وهي مش معاك
تحس بلمستها عليك وانت جسمك بيرتعش من غير لا شهوة ولا رغبه
انها تبقي ادامك عايز حضنها مش عشان حاجة
لا دة عشان عايز تحضنها وبس تحس بحنانها وقوتها
وشقاوتها
تعاملها كطفلة صغنتوتة
تحس بحزنها تشوفها ادامك بتعمل ايه وانت في مكان وهي في مكان
ان تفكيرك دايما يكون يها
ان احساسك بيها يملا الكون دة كله
تبقي عايزها معاك في كل حاجة
وانت نايم وبتاكل وبشترب
تبقي في ملامحك
تتحفر جوة قلبك
تشوف نفسك في عنيها
تتكلم بلسانك
وتفكر بعقلك من غير ما يكون في اعداد
مجرد التوحد
الخوف من فكرة الموت من غير حبيبتك
ازاي تبص في عنيها وتلاقي نفسك دايب
جسمك بيترعش ودمك هارب منك وقلبك بينبض بسرعه
وحاسس انه هيخترق ضلوعك
انك تحس انها معاك ومش عايز لحظة ينتهي فيها اللقاء
وانك تبكي بحرقة لمجرد التفكير انها مش ليك
او انك عاجز عن انك تعبر لها عن مشاعرك
اودي
دة يمكن يكون هو الحب
انا مش جربته بالطريقة اللي بتكلم عليها
لاني كنت صغيرة يوم ما دخلت في تجربة
بس صدقني وقت ما تحس بدة مع البنت الي مش هتشوف غيرها مهما كان حواليك
يبقي هي دي البنت وهو دة الحب
والكلامدة انا بهديهولك
هيص بقي يا عم
خليت سمرا تقول كلام جامد
يلا
عايزين حق الاستشارة
مش بقلك يابني
الابتسامه دي تحمل قلب كبيييييير
وتقلي مش حبيب قديم
دانت طلعت داهية
دانت طلعت
على راي منير
انا قلبي مساكن شعبية
معلش انا بهزر خلينا نتكلم جد شوية
بص ياسيدي انا مؤمن بان الحب لازم تكون نتيجته الارتباط ولما كنت في موضوعي وفكرت افاتحها كان هدفي الارتباط مش مجرد اعيش فتره عشان كدا موضوع انك حبيت اكتر من مره معلش ياريت بلاش تسميه حب سميه اعجاب
لان الحب معناه على راي سمرا التوحد وانا معاها في كدا لكن مش معاها انك لما تكون مفتقد شيء ولا قيته في حد تقوم تحبه لا لا لا
لازم تحب عشان الحب
طبعا انا عارف الكلام اللي انت كاتبه ومش هاجي اعرفك من كلمة كتبتها
لكن اكيد طالما انك محافظ على الحب اللي جواك ومطلعتهوش لسه يبقه اكيد هايجي اللي يستحقه وهاتقدر تخلي حلمك يبقه واقع
وعلا فكره الحب حلاوته في ناره يعني عمر ماكان الحب شيء ممكن نكرهه وانا حاسس بيك وباشتياقك للحب
وانا عندي عرايس ليك بس انت شد حيلك كدا وملكش دعوه بالباقي هايكونوا ملكات تختار منهم كل اللي انت عايزه وبجميع المواصفات والعرض محدود حتى نفاذ الكمية
وربك يسترها
معلش يا اودي
smraa alnil
بجد انا عجبني الكلام موووت اوي وعجبني الوصف النابع مش من التجربة لانك كنتي صغيره زي ماقلتي بس نابع عن الاشتياق
للحب
بس معلش
انا لسه بقول الحب مره واحده بس والباقي ده اعجاب
سوري على ردي يا اودي وتدخلي في تعليق الناس ليك بس انا معجبنيش ان سمرا بتقول انك حبيت كل شوية عشان صفه معينه هو مممكن يكون صح بس المبدأ لا محاله
بس كلام جميل ياسمرا في وصف الحب
وانا بهديك ياودي الوصف ده
اغنية تامر بتقلي اوصفهالك
وربنا يسترها
اودي
وبين الامل واياس
انا مش بقول ان اللي بيعملوا اودي دة صح
او ان هو دة الحب
بس هو من وجهه نظر اودي انه حب
فعشان كدة انا اتكلمت من المنطلق دة عشان هو مش يزعل مني
بس طالما هنتكلم بصراحة بقي
فاسمحلي يا اودي اصدمك شوبة
اللي انت بتتكلم عليه فعلا لا يمت للحب بصلة
تقدر تقول فترة نزوة او اعجاب بصفة معينة
بيصدقها عقلك
وبتهرب بيها للواقع اللي انت عايش فيه فبتتوهم انه حب
يمكن بتدور علي شئ مفتقده في حياتك
او انك من كتر لهفتك وشوقك للحب بتتوهم بان هو دة الاحساس الحقيقي
لكن النسان اللي بيحب بجد
بيبقي هو دة الحب لمرة واحدة بعمره كله
أمانى
شكرا على ردك السريع على المدونة بتاعتى أولا
أما بقة حتت البرفانات دى
جامدة جدا
وتقريبا
أنا كل يوم الحب بيزيد فى قلبى
وشكرا على السر دة
ومنورة دايما
سمراء النيل وحازم صحبى
أنا عارف إنى لما أحب فى واحدة شيء معين بكون مفتقد دة وكمان بكون بتمناه فى إللى عاوزها تكون شريكت حياتى
بس أوقات كتيير ممكن الواحد يحب علشان نفسوا يحب
مش عشان مفتقد شيء معين فى الحياه
وبالطبع أنا حبيت علشان نفسى أحب
لأنى زى ما قلت فى البوست بتاعى
أنا بحب الحب نفسوا
أيوة بحب الحب أكتر من حبى للبنات
يعنى إللى بيخلينى أحب واحدة
إنى عاوز أعيش قصة حب
أنا عارف إنوا منظور مختلف للحب
بس هوة دة شعورى
وعلى رأى الحكمة إللى بتقول
رأيي صواب يحتمل الخطىء ورأي غيرى خطىء يحتمل الصواب
وعادى برضوا
أودى الهايم
آه صحيح أنا مش زعلان من ردودكوا دى لأنى كل واحد من حقوا أن يعبر عن رأيوا بصراحة
هيه دى الديموقراطية
أودى ديموقراطى
كل سنه وانت طيب
:)
هتلاقي كل الي انت عاوز
بس الصبر مر لكن اخرته حلوة
تحياتي
:)
Lion King$reg
أولا شكرا على المرور الكريم دة يا باشا
آدام الله الود
وكل سنة وإنته طيب
وشكرا على الكلام الجميل
وإن شاء الله ربنا يكرمنا
وعادى بقة
أودى ولهان
إبى
منورة يا عسل
وكل سنة وإنتى طيبة
إنما إيه الكلام الجميل دة
فين البنات تيجى تشوف إبى وكلامها الجميل
روحى حلوة
أهوة بشهادة إبى
شكرا يا جميل
وعلشان خاطرك
عادى بقة
أودى الهايم :)
اولا احييك
لأن المشاعر الحلوه مبقتش موجودة
ان شاء الله تلاقى البنت اللى بتدور عليها
و متقلقش كل شىء هيتحقق ان شاء الله
و السنه دى تكون حلوه عليك
الحب دا احساس جميل قوي بس لما يكون من غير قيود او اسماء
الحب انك تشوف الدنيا بعيون الي بتحبه فبتحب الكون معاه
الحب هو عطاء ومغفرة واحساس ان الحد ده منك وانك مش ممكن تأذي لانك حتأذي نفسك
الحب وان لم يكن لشخص معين
هو اجمل ما في البشر
يا رب بجد تلاقي الانسانه الي بدور عليها وانا متأكدة انها بتستناك في مكان
قريبا حتلاقيها ومتخفش من الركنة اطلعع اتمشى في الشارع
;)
لا لا متقلقش
هما يعني البنات هيلاقوا زيك فين
ده حتى عددنا بقى أقل منهن فلازم يبقوا أخف من كده
بس بجد بقى دي حاجة في ظهر الغيب وأظنها مقدرة كما قدر عمرك ونهايته
كل سنة وانت طيب
الحب دة حياة ومحدش يقدر يعيش من غيرة ومها شوفنا لانستطيع نبعد عنة
كل سنة وانت طيب
مانو
شكرا يا جميل على الكلمات الجميلة دى
ويارب يارب السنة دى تكون أحلى علينا كلنا
ويارب كل واحد يلاقى نصوا الثانى
وعادى برضوا
أودى لسة عايش
رشا
شكرا على كلامك الجميل ومشاعرك الرقيقة
وعموما أنا متأكد إنى إن شاء الله هلاقيها
لو فى آخر الدنيا هلاقيها
وربنا يسهل يارب
علشان بجد محتاج الحب فى الفترة دى ضرورى
وعادى بقة
أودى خايف
مزمز
شكرا يا باشا على الكلام الجميل دة
بس من جهه إنهم هيلاقوا زيي فهيلاقوا أحسن منى
بس زى ما انته قلت كلة مقدر ومكتوب
وربنا يقرب البعيد
وعادى برضوا
أودى مستنى
تامر
أولا شكرا على المرور الكريم دة
ثانيا تشرب إيه ؟؟
أنا لازم أشربك حاجة مينفعش تيجى هنا أول مرة ومتشربش حاجة
وعلى فكرة إنته عندك حق
الحب دة حياه
وشكرا مرة تانى
وعادى بقة
أودى مش بخييل
ههههههه
صدقني شيء رااائع إنك تبقى بتحب ... مش أحسن ما يبقى كلك غل وحقد على خلق الله !!
جميــــــل جدًا ، ، ومش عادي أبدًا بالمنـاسبة
تحياااتي
إبراهيم
شكرا يا ريس
على الكلام الجميل وعلى الزيارة
وكالعادة تشرب إيه بمناسبة الزيارة الأولى
تشرب شاى
وعلى فكرة كل شيء عادى علشان دة شعارى فى الحياه
عادى بقة
أودى عادى بقة
كل سنة وأنت طيب وربنا يديلك الحب اللى أنت عايزوه
الغريب
أودى ديموقراطى
أودى ولهان
أودى الهايم
أودى لسة عايش
أودى خايف
أودى مستنى
أودى مش بخييل
أودى عادى بقة
حلو اوي التعليقات دي
حلو انك تكون ديموقراطي بانك تحب بالاسلوب دة وانك تكون عندك القدرة في انك تقنعهم انك فعلا حبيتهم
ودة بالتالي سيؤدي دوره الي انك تعيش ولهان في حبهم
وتحس بالتالي انك هايم في اجمل قصة حب عايشها
وعشان كدة بتحس بجد انك لسة عايش
بس من جواك خوف يمكن عشان عارف انه مش هو دة الحب اللي انت عايزه والي المطلوب انه هو يجتاحك
فبترجع تستني عشق جديد
ومش بتبخل عليه بمشاعرك لو جالك
ومش بتبقي علا بخيل باحساسك
بس برضه بترجع وتقول عادي بقي
الغريب
وإنته طيب يا جميل
ويارب متكونش آخر زيارة
وبعدين كدة نستنى
تشرب إيه يا غالى
وعادى برضوا
أودى أهوة
سمراء النيل
هههههههه
ضحكتينى حقيقى بالفرز دة
;)وعلى فكرة هوة صح
وعادى برضوا
أودى مبسوط من تعليق سمراء جدا
ولا أقول أنجى
الحب جميل صح زى مانت بتقول وبحس كمان ان لانسان لازم يحب طول ماهو عايش
الحب باشكاله كلها لازم يكون موجود اما الحب للجنسين يعنى بحس انه فريد من نوعه وبيجى لوحده من غير ماتحس بيه بس سيبه ييجى لوحده
بس مش عارفه انا حاسسه فعلا
ان الحب ممكن ييجى اكتر من مر ه وكل مره بشكل مختلف واحساس مختلف بس المهم
يكون حب حقيقى
اوحش حاجه فى الحب بئه انه مالهوش دعوه باى حاجه العقل مش هايعرف يتحكم فيه ابدا طول ماهو عايش
كلامك جميل رغم انه تلقائى
بس احلى حاجه انه من قلبك
واحلى حاجه كلام القلب
وكل حب وانت طيب
وماتنساش الحاجه الساقعه
ههههههه
يا سيدي قول اللي تقوله ان شالله حتي تناديني بست اخواتها ولا فتكات حتي
بس ايه رايك فرز درجة اولي وانت الصادق
اومال يابني احنا بنلعب
ربنا يسعدك ويبسطك كمان ا ودي يا ابن ام اودي
اااااااااااااااااااااااامين
ايه ياعم الغيبه دي كلها انت وقعت ولا ايه
اه ياندل طب مش كنت تقلي
دانت صحيح مابتستناش متقليش
بنت وكيل اول وزارة الصحه
ههههههههه
طمني عليك ياحبي
سلام والكلام لسه مانتهاش والحب لسه باقيله قطره ومتنساش تبعتلي ورقك ضروري
ولازم اشوفك قبل الفرح وقبل السفر
عشان فيه تعديلات في المواعيد
وربنا يسترها
انت فين ياريس فين الجديد
انا فضلت مستنى اهو ولا جانى شاى ولاحتة كوبية مياة
ههههههههه
ريم
علشان ريميليزا دة صعب
منورة هنا واللهى
وشكرا يا جميل على الكلام الجميل دة
والحاجة الساقعة محفوظة يا جميل
بس لما أعرف نتيجة الأمتحانات بتاعتك إيه ؟؟؟؟؟؟؟؟
هههههه
شدى حيلك
وعادى بقة
أودى مبينساش حد
إنجى
ياستى أنا هنديكى بأنجى بس
أصلوا بينى وبينك حلو
المهم البوست بتاع الحب بتاعك جامد جدا جدا جدا
أنا مش عارف أكتب تعليق عندك مش عارف السبب إيه ؟؟
بس هحاول
وعادى بقة
أودى
واد يا حازم أنا بكتب من مصر النهاردة
كلمنى شكرا
هههههه
وعادى بقة
أودى
تامر
منور يا باشا
ومعلش أنا مش بكتب كتيير
وبعدين هوة الشاى موصلش بجد
طيب أنا هزعل القهوجى بقة علشان خاطرك
وعادى بقة
أودى
لما تحب بجد تلاقي امبارح ويومك وبكره هوا حبيبك
يا سيدي الحب ده نصيب نصيبك مكتبلك و هيصيبك
بس الصبررررررررررررررررر
استمر...
ميمو
أولا مساء الخيير
تشربى إيه بقة
شكلك عاوزة ساقع متتكسفيش مدوندى عادى بقة
يعندى اطلبى وإنتى قلبك حامد
ثانيا بقة
أنا عارف إنها مسألة نصيب
ولازم نصبر
بس تقدرى تقولى مش عارف أعيش من غيروووو
هههههههههه
وعادى بقة
وشكرا على الزيارة
أودى
اودى
يا رب تحب
طب تصدق بقي ان كدة عيب
عشان اي حد يجي يزورك تقوم عازموا علي اي حاجة يشربها
وانا كل مرة ترد عليا وتسيبني امشي من غير مطرود
ولا حتي تعزم عليا بحتة ملبسة
ماشي ياأودي بس خليك فاكرها
لن انسي لك هذا الموقف
ياااااااااه بجد صحيت فيا حاجات كتيره اوى الواحد محتاجها انا كمان نفسي بجد انى الاقي الحب الحقيقي بس هوه الاقيش عندك واحد؟
ارجو منك المورو على مدونتى وقول رايك بصراحه
يا سلااام..مش تقولي انك غيرت الالوان
تعرف كان غالبا هيكون الكومينت غير كده لولا اني موودي النهاردة حلو اوي اوي اوي
بلاش تفكر في اللي قبل كده لان يوم ما هتحب هتحس بكل حاجة كانك ولا حسيتها قبل كده
الجديد انك تملكين الجديد
وانا اعشق دهشة الجديد
ييجي ما ييجي الحب المهم تحتفظ بالموود دة وابعد عن جورج وسوف ربنا يخليك يا اودي
سارة
أولا منورة كالعادة مع غنك سعات بتتأخرى بس منورة فى أى وقت
وشكرا يا جميل على الدعوة دى ويارب الناس كلها تلاقى حبها
وعادى بقة
أودى
إنجى
يا نهار أبيض بقة بزمتك مشربتيش حاجة
لاء لاء ميصحش
دة إنتى يدبح عجل علشان خاطرك يا إنجى
هوة غنتى مش عارفة معزتك عندى
يااااااااااااه دة إنتى غالية عندى واللهى
وياستى بعد ما ناكل اللحمة بتاعت العجل إللى أنا لسة دابحوا حالا علشان خاطرك وعلى شرفك
نبقى نشرب إللى يعجبك وهسيبك تختارى المشروب على مزاجك
مبسوط كدة يا جميل
دة أنا لميش غيرك
ومتأخزنيش على النسوة دى
جل من لا يسهوا
وعادى بقة
أودى
أنتهى المشوار
منور يا باشا
ولازم تشرب حاجة على شرف الزيارة دى
أنا عارف إنى الشباب بيحبوا الشاى مع السجاير
لو كنت بدخن خد السجارة دى مع فنجان الشاى دوت بقة
أما بقة بالنسبة للحب
فكل الناس محتاجاه بس المشكلة إنك بتفضل تدور علية كتيييييير قوى لغاية ما تلاقية
فيارب كلنا نرتاح ونلاقية بقة
وبالنسبة لدعوتك فأنا يسعدنى إنى أزور مدونتك وشرف ليا زيارتك دى
وعلى راى المثل
عادى بقة
أودى
ساسو
منورة بعد غيبة
والحمد لله إنك فرحانة ويارب دايما
وصح الكلام دة فعلا لما بنحب بنحب بإحساسنا كلوا
وبيكون مختلف
ويارب كلنا نحب
وشكرا على المرور يا جميل
وعادى بقة
أودى
إنتهى المشوار
آسف إنتى بنت وأنا كنت فاكرك راجل
وعادى بقة
تشربى سجاير
ههههههه
معلش خيرها فى غيرها
نغير العزومة بقة على حاجة ساقعة
وعلى فكرة مدونتك هايلة
ولازم أحط واصلة للمدونةن بتاعتك عندى
متزعليش يا آنسة
وعادى بقة
أودى
طبعا مفيش شيء أجمل من ةالرغبة في التوحد والتداخل
بس الأجمل إنه يكون تلقائي ومش مدروس
وده للأسف نادر جدا اليومين دول
ربنا يوفقك ويكرمك
تحياتي
تامر عفيفى
منور يا ريس
ولازم تشرب حاجة علشان العادة بقة
تشرب شاى ؟؟
ولا حاجة ساقعة
أختار إنته بقة
وشكرا يا معلم على الكلام الجميل دة
وعادى بقة
أودى
يا خرابى على النور إللى هل مرة واحدة على البلج
أبيتاف عندنا يا مرحبا يا مرحبا
وأنا عم بقول البلوج منور لية ؟؟
وبعدين يا جميل إيه فى أى مكان يعجبك
وبعدين لازم تشربى حاجة
تشربى إيه بقة ؟؟
معلش مقصر معاكوا كلكوا واللهى
بس الدنيا بقة
وعادى بقة
أودى
اديني جيت اهو
ولا لقيت فتة ولا لحمة عجل ولا حاجة
دة انت حتي استخسرت فيا كوباية عصير قصب بربع جنيه
شاطر بس تقولي عازمك
فين اللحمة يا عمنا
انا لسة مش اتغديت
هتفضل تحب كتير
سبت واتنين وجمعة والباقي تيجي البلوج هنا بقي
لو الموضوع جد اوعي تقوللها اني قلت كده..ماشي؟
sara99--انا طبعا ما اقدرش اتأخر عليك ابدا
سورى اكيد
بس انت عارف الدنيا مشاغل والعيال..وابوهم ربنا ياخدو..والغسيل والنشير.....
على فكرة كل دا هجص
اوعه تزعل على التأخير
دا انت ليك معزة خاصه عندى..وممكن تبقي خروف كمان
وعادى بقه
إنجى
ينفع كدة
لازم تشردى يعنى
هوة إنتى فاكرة إنى حد كل حاجة ولا شرب حاجة هنا
دى كلها عزومات مراكبية يعنى
وبعدين لو ليكى مزاك فى عزومة يبقى لما نتقابل بقة
مستنى على آحر من الجمر
وعادى بقة
أودى
ساسو
واللهى يا بنتى أنا نفسى
بس الموضوع مش بجد
هيه عملية إجتهادات يعنى
تقدرى تقولى بحاول ومش لاقى لسة
بس وعد لما ألاقى هتكونوا أول ناس تعرف
وعادى بقة
أودى
سارة
ولا يهمك يا جميل
منورة واللهى يا بنتى
بس بجد يعنى كلكوا بتوحشونى
وعادى بقة
أودى
hi ody
iam entaha el mishwar but i made a new blog called kalamfaregh and i hope to see you there
i'd like to be friendsssssss
thanks
)متستعجلش عل الحب هيجي هيجي
ويارب تلاقي الي البنت الي بتمناها
ومتخفش شاعرك مش هتعفن ولا حاجه
اولا
كل سنة وانت طيب يااودي
ثانيا
كل بنت حبيتها
يعني انت علي كده حبيت كتييييييير
امال مستعجل ليه بقي
ههههههههه
ربنا يوفقك يارب
الكلام نوعان
منورة برضوا سواء إنتهى المشوار أو الكلام نوعان
وأحنا خلاص بقينا أصحاب
وعادى بقة
أودى
لولا
يارب يا لولا
بس بجد أنا مستعجل عارفة لية ؟؟
أصلى مخنوق اليومين دول ومتهيقلى الحب هوة الوحيد إللى يقدر يخرجنى من الحالة دى
وعادى بقة
أودى
الناى الحزين
وإنتى طيبة
وأنا آه حبيت ناس كتيير
بس بجد حبيتهم مش كنت بتسلى ولا حاجة من الحجات دى
ومستعجل علشان مش عارف أعيش من غيير حب
ومنتظر الحب بفارغ الصبر
وعادى بقة
أودى
Post a Comment