Saturday, February 24, 2007

قضية رقم 1 لسنه 2007

هنفتح باب الجلسة
محكمة
قوم أقف ياد إنته وهوة وهيه
بالنظر فى جدول الاعمال
بتاعنا إحنه المدونيين
وبما إننا بنفكر
وعاوزين نغير جزء من عادات وتقاليد الشباب والمجتمع ككل
وعلشان أحنه مش بنعلق فشلنا على شماعة
وكمان ملناش كاسر
هنتكلم ونقول وجهات نظرنا هنا
وبراحتنا
من غير ما حد يرخم علينا ولا يقول وجه نظر مش مفهوة أو مش منطقية يعنى
نتكلم عن إيه النهاردة
أقلكوا إقتراح
هنتكلم عن
الجواز العرفى
أنا عاوز كل واحد وواحدة يدخل ويعلق
يجاوب على السؤال دة بس حاليا
علشان طبعا الموضوع كبير وفيه أسئلة كتيرة أوى
هنزلهم تباعا
ورا بعض يا عم الجاهل زييى يعنى
ما هى أسباب وجودة من وجهة نظرك ؟
هل هو الحب !! هل هى الظروف ؟؟
أم المجتمع ,, هل هو الفقر أم الغنى ؟؟
مستنى إقتراحاتكم وردودكم
ورونا الهمة يا رجالة
ويا بنات علشان ميزعلوش
وجواز عتريس من فؤادة باطل ولا لاء ؟؟؟
وعادى بقة
أودى

80 comments:

يا قلبي يا غريب said...

السلام عليكم ..
اولا هذه طامه كبري وقع فيها من لا عقل و لا حياء و من اتبع هواه نسال الله العفو و العافيه اما عن الزواج العرفي ليس لنا رئي ..نرجع لكتاب الله و سنه رسوله..يقول الرسول الكريم صلي الله عليه و سلم..{أيما امرأة نكحت نفسها بغير إذن وليها فنكاحها باطل فنكاحها باطل فنكاحها باطل} أخرجه أبو داود والترمذي
وفي حديث أبي هريرة رضي الله عنه {لا تزوج المرأة المرأة ولا تزوج المرأة نفسها فإن الزانية هي التي تزوج نفسها} أخرجه ابن ماجه والدارقطني والبيهقي
هذا كلام النبي صلي الله عليه و سلم
نسال الله ان يعف اخواتنا و اخواننا و ان ييسر للجميع الزواج الصالح بما يرضي الله و رسوله صلي الله عليه و سلم

كلبوزة لكن سمباتيك said...

اولا انا لسة صاحية و حبيت اصبح
و لسة المرتبة لازقة فيا لما المرتبة تفك حاجي ادلو بجردلي
بس حبيت اثبت حضور
اروح بقى؟
:)

متغيرة شوية said...

هي الظروف ثم الظروف ثم الظروف
الاقتصادية والاجتماعية
بمعنى ، ان الظروف الاقتصادية للبلد كلها في الحضيض ، لكن بدال ما الناس تيسر في الزواج زي ما الدين قال ، وزي ما العقل كمان بيقول ، لكن الناس بتصعب وتصعب ، فالشاب العادي من الأسرة المتوسطة مش بيعرف يتجوز قبل اواخر العشرينات
ربنا لما خلقنا كان عارف احتياجاتنا الجسمانية ، علشان كده زمان كانوا بييسروا وبيتجوزا صغيرين
لكن مع متطلبات الحياة وخلافهوتأخر سن الزواج بدأت الحرية الجنسية في الغرب ..
لكن عندنا هنا ده طبعا شىء بيرفضه الدين تماما ،
احنا كده عاملين زي اللي رقصوا على السلم ، مينفعش يبقى في حرية زي الغرب طبعا ، ومش عارفين نيسر الزواج زي ما الدين بيقولنا
فالنتيجة بقى الجواز العرفي
في نقطة كمان بقى ، قلة الوعي وقلة العقل اللي عايش فيها الشباب هي السبب انهم بيندفعوا للطرق دي
فهما عايزين يستسهلوا وياخدوا المواضيع بسرعة مع ان الصبر طيب برضه

Anonymous said...

(law 7add mesh megamma3 2olooly ab2a akteb bel 3araby...)
awwalan, lazem na3taref enn 60% 3ala el 2a2all mel mogtama3 da 3ando kabt fazee3 besabab koll el 7agat elly betetddasselna fel mogtama3 3ashan nerakkez 3ala 3'ara2ezna aktar men a7lamna...
ya3ny el akl wel banat wel aflam w koll 7aga momken te7'alleena nata7'ayyal enn el 7ayah ahamm 7aga feeha 2erda2 el 3'ara2ez.... mesh 2erda2 el nafs...
tany 7aga, 2ellet el floos nesbeyyan (ma3 enn beye7sal enn yeb2a m3ah feloos laken 3awez wa7da yetsalla beeha masalan) , walad w bent 7abbo ba3d w ma3homsh floos w ahlohom mesh 7ayerdo yegawwezoohom men 3'eir tarteebat mabda2eyya... 3'aleban 3ashan beyfakkaro be masha3erhom bass zayy noss el mogtama3 da, 7ayetgawwezo 3orfy... illa iza el bent gatlaha gawaza tanya!!!!
ya3ny, law el nas betfakkar shwayya, w fakkaret fe karamet-ha, w rabbena, we el sa7 wel 3'alat, w kano bey7ebbo el 2eraya aktar mel aflam el sa7'eefa, w el monaqsha aktar men el nameema, kan zaman feeh 7agat keteer betfawwa2 damerhom fel wa2t el sa7

remaliza said...

بص يااودى انا رايى طبعا الظروف الشباب فعلا دلواتى ولا لاقيه شغل والا حاجه خالص بس ده مايبررش طبعا اللى بيعملوه
يعنى فى سبب تانى هو الانحلال الاخلاقى
يعنى بيحبو بعض ومابيفكروش ازاى يحبو بعض فى حدود الدين بعيد عن الشهوه والكلام ده
ربنا يهديهم يارب
شكرا يااودى على طرح الموضوع

~ Bato0ot ~ said...

el gawaz el 3orfy da bgd mosiba ..
ana lesa mn fatra shyfa barnameg esmo "sabaya" ta2reban 3ala el me7war .. w bgd msh msd2a kmyet el nas ely mtgwza 3orfy :S la2 w leha kaza taree2a .. fe toro2 mn gheer myktbo war2a khales!!
ya gam3a el mawdo3 asbabo kteer awy .. mafish wa3y 3nd el banat .. w mafish dameer 3nd kteer mn el welad
w el mawdo3 da tarbya .. w wa3y deny!
deghoot kteer mn kol n7ya!!
el e3lam b sefa 3ama !!
el ahl .. wel tarbya!
el fa2r ! el gahl ! "el 3enosaaaaaaaaaaaaaaaaaaaa"
w finally "ekhtefa2 el qodwa!"

ya gam3a bgd el mawdo3 3ayez 7elol mn kol el nawa7y bas abl kol 7aga 3ayez tarbya denya sa7 lel tarafeen .. ta7seen tam ded el deghot ely el mogtam3 by3mlha 3ala el nas!

ya gam3a asln el mawdo3 kbeer .. e7telal seqafy!! 3ayzen yghro seqafet el masryeen b sefa 3ama! fe kol 7aga! nezam yb2a 3ndna singles mothers b3d keda 3ady!!!!!
ana besr7a 3ndy kalam kteer fel mawdo3 da!
w law geh fe demaghy kalam tany hagyyyyy tany ..
thnx ody 3al mawdo3 el mohm awy da :)

كلبوزة لكن سمباتيك said...

ما هى أسباب وجودة من وجهة نظرك ؟
الهروب من التزامات الزواج الموثق

هل هو الحب !! هل هى الظروف ؟؟
في الغالب بتبقى نزوة من ورا الزوجة الاولى

أم المجتمع ,, هل هو الفقر أم الغنى ؟؟
اللي يتجوز عرفى لازم يبقى غني و مفتري و قادر

اي اسئلة تانية؟


تحياتي

Sou said...

Before we can jusge anyone we must just change or at least find the root cause for the probelm.. However your post is simply hitting the main wire.. Hoping someday for a change

sara... said...

والله ما اعرف
انا بس بقرا وبسمع عن الموضوع وفى الافلام
عمرى ما كان قدامى حد بيمر بتجربه زى دى
علشان كده معرفش الاسباب
انما هو حرام..ده اللى اعرفه
ايا كان السبب بقه وكل الاسباب المطروحه فوق واللى هتتقال لسه ممكن تبقي صح
لكن رايي ما فيش حاجه مستاهله ان الانسان يقضي على مستقبله وحياته بحاجه زى كده..
قله الوعى كمان ليها دور

-_- said...

متهيألي الجواز العرفي ده له سبب شخصي اكتر منه اجتماعي

الرجل : يتزوج عرفيا خوفا على سمعته او من زوجته او على شهرته في مجال عمله خصوصا ان كانت الزوجة ذات شكل غير مرغوب فيه في المجتمع مثل الراقصات او العاهرات مثلا

الشاب : يتزوج عرفيا اما للتسلية او للحب و عدم قدرته على خطبة البنت من اهلها او للموضة كما هو حادث في الجامعات

الشابة : تتزوج عرفيا لاجل الحب خوفا من رفض اهلها للشاب او للموضة

المرأة : تتزوج عرفيا لاجل المصاريف و خوفا على سمعه من تتزوجه


في النهاية .. نكاح السر باطل
و ليس هذا من الاسلام في شئ

Amira said...

اسباب وجوده

الاحتياج الجنسي مع قلة الامكانيات
2
انه التطور الطبيعي لإنفتاح العلاقات في عصرنا الحالي
3
غياب الواعز الديني و ضعف سلطة الاسره و تاثيرها مؤخرا
...........
ثانيا هو حرام قطعا


و غباء من المرأه التي شاهدت النساء
على مر السنوات السابقه لا يستطعن اخذ حقهن من الرجال رغم الزواج الرسمي
ومماطله الرجال و قضايا الاحوال الشخصيه و التي تعد بالآلاف
غباء من امرأه ان تتزوج عرفيا لتجلب لنفسها المزيد من المشاكل و عدم الالتزام

...........
الرجل الشرقي لا يرى من الصوره الصحيحه للعلاقه سوى صورة الزواج الرسمي

و مهما ادعى الرجل تحرر فكره و تقدمه و .. و.. و

الرجل الشرقي لا يتزوج عرفيا الا لأسباب كلها لصالحه
و في النهايه تلك التي يستمتع معها بعقد عرفي ما هي الا مومس بورقة

و حتى لو كانت زيجه ثانيه
فهي عرفيا لأجل أنانيته

و المرأه التي تقع في هذا الشرك
لا ألومها لأنها وحدها تتحمل نتيجة اختيارها
ولا شفقة لها عندي

moodysalihamidzic said...

قلة أدب

Unknown said...

اعتقد ان اهم اسبابه هى الظروف الاجتماعيه الرهيبه الى بيتمر بيها البلد و طبعاً الفـــــــــقر الى مخلى اليد قصصيره
ثالثاً اختلال المبادئ و القيم

رابعاً انا معجب جداً بفكره المحكمه دى


تحياتى

Memo said...

حسبي الله و نعم الوكيل
بهذه الجمله الخالده لنا كمصريين احب ان ابدا التعليق و استعنا علشقا بالله
الموضوع مقسم لثلاث اقسام
الاول : العيال اللي مش لاقيه تاكل وبتحب على نفسها و هتموت علي حياتها الطبيعيه منه لله اللي كان السبب


الثاني :الناس اللس اضطرتهم الظروف القذره بتاعت البلد بنت الزوات دي انها تكتم جوازها عشان المعاش او الجنسيه متتقطعش لا حكومه عيل صحيج

الثالت : الناس ولاد ستين هوهو اللي مش عايزين لزقه في الحلال و لا عايزين عشيقه و اهي حتت ورقه و سلملي على مطابع الامرييه

تحياتشييييي

mariam said...

المشكله هى الظروف الصعبه
اللى بتخلى اى حد عادى مش قادر يتجوز
و لا فى شغل و لا فلوس
و الوضع سىء جدا
و بالنسبه للبنات العنوسه و الخوف من عدم الزواج
بس انا عايزه اقول ان نادر جدا ان الجواز العرفى يستمر
و من الصعب ان يتحول لشرعى
تحياتى

واحد من الناس said...

السبب هو تردي الأخلاق و انعدام القيم لدى الشباب
بالأضافه الى انشغال العقل بالشهوه نظرا لفراغه الشديد لأي شيء اخر
كل هذا في ضوء ان جمله اكون نفسي انضمت الي العنقاء و الغول والخل الوفي

بس خلاص

مـحـمـد مـفـيـد said...

اولا انا باجي هنا كتير بس مش بعلق ليه مش عارف
المهم انت بتتكلم في موضوع جامد جدا
انا شايف انه السبب من وجهه نظري انه نقص الامكانيات مع انحدار في الاخلاق مع التساهل في كل شئ حتي المحرمات

جامد يا اودي

voice of love said...

أعتقد أن سبب المشكلة قلة الوعى الدينى عند الشباب
كما أن غياب دور الأسرة يعد عاملا رئيسيا
بس يا جماعة انتشار الزواج العرفى ده مصيبة وللأسف بنتعامل معها على انها موضة رغم انها سقطة دينية كبرى
تحياتى على الموضوع المهم يا أودى

Gbalawy said...

قلت اعدى وامسى لقيت ظابط بيسئل على اجابات اسئله فقلت ابعت اللينك كده
http://www.almasry-alyoum.com/article.aspx?ArticleID=49360&r=t
يمكن حد يتصدم معايا

baby me said...

y3ny elbnat y2olo r2yhm 3shan bs myz3alosh y3ny msh 3shan enta bt3trf b 7oryt elmr2a fe elt3ber
mashy ya ody 3ady b2a

bs brdo hn3br 3n r2yna:P
ana shyfa en elgwaz el3orfy by7dos l3dt asbab btkhtlf mn 7la ela okhra
elzrof elektsadya mmkn ykon sbab 3am w mo2asr b sheda

3dm t7amol elmas2olya w elesthtar sbab kbeer
w 3dm elnzra elmostkblya le nta2g hza elzwag aw y3ny eltfkeer 2bl elekdam 3la hazeh elkhtwa

elahl brdo lihom dor m3a eny shyfa brdo en rekabt elensan 3la nfso w damero ahm b kteer
w elkhof mn rbna tb3n

hazehe hya elasbab mn wghat nazry
w a3tzr 3n loghaty el3rbya alrakeka:)

بين الأمل و اليأس said...

والله العظيم انا اتخنقت يعني بقالي ساعه ونص عمال بكتب في الجريده ياراجل وفي الاخر النت يفصل ويضيع كل اللي انا كتبته
يعنيس يبقه هنا وهناك
والله العظيم حرام
بس لعيونك هاعد اكتب تاني وتالت وعاشر بس ماتخدش على كده
اصلي مش فاضي ورايا غسيل وتنضيف ولسه عايز اطبخ
يعني مقلكش الدنيا هنا ايه جميللللللللللااااااا
لدرجة تخنق النايم في حضن حبيبته
عادي متخدش في بالك نرجع بقه لمرجعنا
اسباب الزواج العرفي هو فساد وخوف من الدنيا ومشاكلها تقدر تقول هروب
وبعدين ممكن يكون الواحد من دول مستعر من الشخصيه اللي هايتجوزها وممكن يكون خايف من مراته الاولى وممكن يكون عنده نزوة وعايز يطلعها زوهاتعدي وتروح لحالها بس ممكن يكون اللي مروا بالتجربه عندهم راي تاني
المهم نيجي للسباب بتاعتك
حب مافتكرش لان الحب ده بيكون زي الطفل عايز نرعاه عشان يكبر ويشوف الدنيا مش نحبسه وموته
الظروف مافتكرش برضه لان اللي بيحب هايستحمل ايه ده هايعيشوا على عيش وملح بس يكونوا عايزين بعض
المجتمع مافتكرش لان اول ماحد بيضفضح بتلاقي سيرته في كل مكان ده حتى على لسان الطفل في بطن امه اه متستغربش في بطن امه
عادي بيتعلم القراية والكتابه
وبعدين تعالى هنا انا عندي استفسار ليه السؤال دايما او اللوم بيكون معظم الوقت موجه لللراجل
طب مالست متجوزة برغبتها
ايه بقه السبب اننا بنلوم الراجل ممكن ترد عليه
المهم بقلك ايه ياد
انا مخنوووووووق نفسي ارجع اعرف ادون مش عارف وحاسس بالخنقه موووت
ربنا يسترها

sherehan84 said...

أنا كتبت تعليق كبير جدا وضاااااااااااااع اهيء اهيء

saso said...

تصدق يا أودي ..انا ابتديت اكرة البلوجات وسنينها
مش عارفة اكتب عندي وقلت معلش بلاة شير اب خالص، مش عارفة اكتب عندك كمان بقالي يومين ده ايه الحظ ده
ماعلينا
انا كنت هاكتب عن ايه؟
اسباب وجود اللي انا مش فاكراة. يمكن الظروف الاجتماعية كانت موجودة من الاول المصريون دوما فقراء مش جديدة يعني بس في فرق بين جواز الفقراء عرفي(اللي هوا موثق بس مستخبي علشان المعاش ميتقطعش)وبين والعياذ بالله الجواز السري اللي فاقد اركانة يعني مش جواز اساسا
يعني احنا بنتكلم عن غلط مقنع اسمة تجاوزا جواز عرفي ..ماشي فكرة الاجتماعيات والماديات موجودة في كل الاحوال بس اللي زاد عليها انحدار الاخلاق واعلام عاوز يتقفل من ايام الابيض والاسود وفيلم عاشت للحب وهو بينتصر للبنت والولد اللي في الظروف دي ويطلعهم مظلومين او علي الاقل نهاية سعيدة مع اسم المخرج

بس سؤال يا اودي تفتكر في حد ممكن يقولك انه موافق علي النوع ده من الجواز ولا التعليقات كلها هتبقي في نفس الاطار؟

عبدالله said...

بوست جميل قوي وحلو جدا ان يكون اساسه النقاش مش عرف افكار
في الاول لازم نقول ان في فرق بين الجواز العرفي الصحيح الي هوا كل حاجه بس مفيش ورق رسمي و بين الجواز السري الي هوا هرتله شباب الجامعات اساسا وبعدها انتشر لباقي المجتمع
الاسباب الي انا شايفه انه مش مجرد اسباب اقتصاديه بس بدليل شباب الجامعه اصلا طلبه بيدرسوا لسه مش واجهوا الحياة و رغم كده منتشر

الي شايفه ان السبب الرئيسي ما يسمي بالثوره الجنسيه الي فتحتها علينا المديا هيا الي اضعفت الوازع الديني عندنا و هي الي حطيت افكار الجنس كمسبب رئيسي للتعرف علي البنات و الانطلاق في الحياة هي الي حطيت فكره انه زي المخدر مش هيحسسك بحاجه

حوار جميل جدا و اتمني اشوف اراء اكتر

تحياتي

sherehan84 said...

أولا يا أودي لازم نفرق بين أنواع كتيره من الجواز العرفي .. فيه الجواز العرفي اللي هو بيبقى علني بس مش متسجل وده ما علينا منه لأنه صحيح شرعا ..
فيه كمان لما راجل بيتجوز على مراته في السر وده أحقر من اني أتكلم عليه
فيه بقى جواز الشباب العرفي وأظن ان ده اللي انت تقصده
أنا شايفه ان ده السبب الرئيسي فيه هو الحاله الاقتصاديه الصعبه اللي الناس فيها .. الولاد مش عارفين يتجوزوا فبيأجلوا الجواز لحين ميسره بس للأسف الغرائز الي جوانا مش بسهوله بتتأجل ..مش بيقدر يتحكم فيها الا قله فليله .. وبالتالي غرايزهم بتلح عليهم و بيستسلموا لها وبيتجوزوا عرفي ارضاء للغرائز دي
فيه بقى شوية عوامل مساعده بتساعد في انتشاره .. عندنا أولا ازدواجية المجتمع اللي بتجبر الشباب انه ياخد مؤهل عالي مع انه عارف ان المؤهل العالي ده مش هيفيده في حاجه .. يضيع اربع خمس سنين من عمره على الفاضي مع انه كان ممكن يستغلهم ويبني نفسه فيهم علشان يعرف يتجوز ويتلم
تاني حاجه النظام التعليمي الفاشل ..في كل العالم الناس بتدرس وهي بتشتغل عندنا احنا مينفعش مش علشان في لوايح وقوانين بتمنع انما علشان محدش يقدر يجمع بين الاتنين لأن الدراسه عندنا بتتطلب عدد لا نهائي من الساعات علشان يلم المنهج تيجي تقولي يشتغل كمان
تالت حاجه هي الجهل بالدين .. الناس مش عارفه ايه هي شروط الزواج الصحيح اللي يبطل من غيرها ..تخيل مدى الجهل ..
رابعا مغالاة الأهالي في المهور والحاجات دي والتمسك بتقاليد قديمه ملهاش لازمه وكلها بتتطلب أموال غزيره من الشاب اللي هو أصلا معدم ..يعني لو الناس تقتنع ان شقه أوده وصاله تكفي لبداية الحياه ؟؟ لو يقللوا المهر والشبكه تبقى دبلتين ؟؟ بس هتقول لمين ؟
خامسا بقى الناس دي بتضحك على مين على ربنا ؟؟ ولا على نفسها ولا على مين بالظبط؟
التعليق ده لو راح أنا هنتحر

Unknown said...

بص ياسيدي هو فعلا مشكله, وانتشاره مشكله أكبر.
أنا أعتقد انه بالنسبه للبنت بتعمله عشانها بتحب, رغم ان ده غلط طبعا وأنا ضده, لكن الولد, ممكن يكون استسهال, أو ظروف مجتمع يعني بلاش نظلمهم كلهم, لكن أعتقد ان في صبيان كتير بياخدوه استسهال, يعني البنت بتحبني وهتوافق, يبقي ليه اتعب نفسي وأتجوزها رسمي؟

الناي الحزين said...

السلام عليكم

اودي

موضوع خطييييييييير وشائك

بس انا شايفه السبب هو لا الحب ولا الظروف
ولا المجتمع و
ولا حتي المستوي المادي

السبب هو البعد عن الدين
في كل ممارسات حياتنا
حتي في تربيه اولادنا

بعدنا عن الدين وتناسيناه حتي في قانونا وتشريعاتنا احللنا الحرام وحرمنا الحلال

بس ياسيدي هي دي القضية كله في وجهة نظري
تتلخص في كلمتين
"الدين هو الحل"

بس

شكرا علي هذا الطرح الجميل والاسلوب السلس

smraa alnil said...

اودي

انا احيانا بحاول ادور علي سبب للجواز العرفي او مبرر ليه بس بجد مش عارفة
فيها ايه لما يروحوا لمازون والمهمر والمؤخر ربع جنيه
ومش هيدفعوا حاجة
يوبقي رسمي وعلي سنة الله ورسوله
اصل العيلة دلوقتي تغلي في الطلبات ومبرررها لدة ان هما كدة بيغلوا البنت عشان يعرفوا غلاوتها عن العريس ايه
وهما مش عارفين كدة ان هي سلعه رخصية
بالنسبة للجواز العرفي مش موافقة عليه
بس الاحتياات الحياتية لكل شاب وفتاه بتحكم عليهم بكدة وبدل ما يبقي زنا وحرام وبيغلفوها بورقة بحجة ان هي جواز عرفي
يعني الوعي الشبابي وقلة الوازع الديني بيكونوا السبب في دة

وربنا يسترها علي راي حازم

nour said...

بص يا معلم
النيش هو السبب
لان زى ما انت عارف جواز من غير نيش ميمشيش
طب افرض البت و الواد بيحبوا بعض و الشباب ليه احتياجاته برضه
يبقى ايه
الجوازة تقف علشان النيش؟؟؟؟
انا بصفتى مهندسة ديكور هلغى تصميم النيش من كل اود السفرو و ياريت الامهات يبطلوا بقى الطليات الغريبة دى
انا على فكرة مش بهزر انا بتكلم جد
انت تعرف النيش بس بيتكلف اد ايه 30 الف جنية على حاجات محدش هيستخدمها متجابه بس علشان المنظرة قدام الستات و هما بيفرشوا الشقة
ده اسمه عوء
هو الشباب لاقية تاكل؟؟؟

Amany said...

السلام عليكم

انا رائى ان الجواز العرفى مشكلة كبيرة ليها عدة شقوق

الاول: غلطة الاهل فى تربية ابنائهم

-على عدم تحمل المسئولية واعطاء حريات بدون قيود البنات تلبس على مزاجها والاولاد يخرجوا مع بنات واهاليهم فرحانة.

- عدم تربيتهم دينيا يعنى كتر خير الواحد منهم لو بيعرف يصلى ويصوم وطبعا شهر رمضان وبس.

وبالتالى ما فيش حاجة تقدر تمنعهم من الغلط.

-الظروف الاقتصادية وده نمرة 3

-_- said...

اودي هو في مشكلة يمكن عندي

كل ما اكتب كومنت طويل يروح بعد ما يتنشر

انت مغير حاجة في اوبشن الكومنت ؟؟

Anonymous said...

ههههههههههههههه

مش باضحك ع الموضوع الخطير ده

انا باضحك علي تعليق نور بتاع النيش

والله يا عم
هي مسألة اخلاق
و دين
و الاقتصاد
و بعد الاهل
والتربية
و الدراسة

و مع ذلك
هما غير معذورين بالمرة

أجدع واحد في الشارع said...

عارف انت كاتب البوست بطرية جامدة جدا

وبتكلم فيها على موضوع جامد بردة

الاجابة

هى كل حاجة وحشة
بمعنى

الظروف
الفقر
بيخلى الانسان يعمل حاجات غلط

وفى الغنى اللى بيعمل كده

بس بيكون بيلعب
او بابى ومامى مش موفقين
نحتهم فى الامر الواقع
كلام فارغ

وعادى بقا

الكلام نوعان :كلام فارغ وكلام مليان كلام فارغ said...

شوف بق ياسيدي الجواز العرفي اسبابه كتيييير منها الحب ومنها قله التربيه ومنها الظروف المحيطه بالشباب ومنها العادات والتقاليد اللى ممكن تخنق اى واحد عايز يتجوز
له اسباب كتييييييير اوى يا اودى بس لو اى حد اتمسك بتعاليم الدين اكيد ربنا هايحفظه من اى حاجه غلط
نسأل الله انه يحفظنا جميعا

smraa alnil said...

انا يت اسلم عليك واقولك ليك وحشة
والله واحشني بجد
تعالي بقي وارجع تاني

دكتور مستكنيص said...

حلوة فكرة المحكمة دي ياأودي يارب تخليها دورية مرة أو مرتين في الشهر وكل مرة يبقي فيها موضوع حيوي
عارف؟ ساعتها هتبدأ تقري ادمغة الناس بشكل عملي وواقعي ونكون في الاخر طلعنا برأي كامل عن قضية مهمة
اما بالنسبة لموضوع الزواج العرفي فتعليقي بمنتهي البساطة انهم مساكين في ظل الطلبات والظروف المادية لكن برضه ايا كان السبب فده ميديناش الحق نعمل حاجة غلط زي دي بس بجد بجد ربنا في عون شباب البلد دي
ومتحرمش من زيارتك وتعليقك علي مدونتي ياجميل ويارب تنورني باستمرار

كلبوزة لكن سمباتيك said...

اخدنا كتير قوي في الجواز العرفي
نتكلم بقى عن الطلاق شوية
و لا اية؟

ody911 said...

أولا أحب أشكر كل إللى علق هنا وقال رأيوا


طبعا أنا مبسوط جدا بالردود دى كلها

وآسف فى الرد عليكوا علشان النت كان فاصل عندى

ody911 said...

قلبى يا غريب
وعليكم السلام

أولا قبل أى حاجة

تشرب إيه ؟؟
طبعا إنته منور مدونتى المتواضعة

ثانيا بقة

أنا عارف راى الدين فى الموضوع دة بالزات بس أنا كان سؤالى عن شيء تانى خالص

وهوة سبب وجود الزواج العرفى إيه ؟

أسبابوا فى مصر يعنى
من وجهة نظرك

وطبعا وجهة نظرك مفيدة فى جزئية حرمانية الجواز العرفى بالشكل المتعارف علية حاليا

وشكرا على أهتمامك وكلامك

وعادى بقة
أودى

ody911 said...

سمباتيك


صباح الفل يا باشا

صباحك زى العسل بإزن الله

تقدرى تروحى ماطرح ما إنتى عاوزة

براحتكيعنى يا جميل

بس تعالى تانى

ماشى

وعادى بقة
أودى

ody911 said...

متغيرة شوية

وجهة نظر جديرة بالأحترام
بجد واللهى

هيه فعلا الظروف عامل أساسى وفعال فى موضوع الجواز العرفى دة
وبرضوا الأهالى زى ما انتى قلتى مش واخدين بالهم من المصيبة دى

يزودوا يزودوا ويغالوا فى الطلبات

قال إيه علشان تبقى عزيزة

طيب ماهى عزيزة من غير ولا مليم

ولو الواحد عاوز يسيبها ممكن ولو هيتسجن بقيت عمروا

ولا إيه ؟؟؟

وعادى بقة
أودى

ody911 said...

دايزى

كدة صح !!


أنا مش مجمع ممكن بالعربى

هههههههههههههه

لاء حقيقى العربى إللى بالأنجليزى دة صعب عليا حبتين

بس علشان خاطرك هحاول فيه


تعقيب صغير كدة

أرضاء النفس ؟؟؟

عرفى إرضاء النفس

هو إرضاء الشهوات بمختلف أنواعها وأشكالها

فى مننا ناس عندها شهوة الكتابة , وناس عندها شهوة الضحك
وناس عندها شهوة القراءة وناس عندها شهوة الكذب

وناس وناس وناس

يعنى إرضاء النفس ممكن يكون بوسائل مختلفة حسب نوع الشهوة
ولأن النفس أمارة بالسوء
يبقى شيء أساسى إنى يكون الأرضاء الجنسى شيء مهم برضوا لا يمكن تجاهله


أنا معاكى إنى الناس بتتغير ومجتمعنا علية دسائس كبيرة وكتيرة
بس علشان نمحى تأثير بعض من هذه الدسائس لازم
وبكرر لازم نعرف بيدخلولنا من فين ؟؟؟

مش بس نقول الجواز العرفى دة مصيبة وخلاص وبنرفض ونندد
ههههههههههههه
لاء نحاول على قد ما نقدر نواجه المشكلة بتفكير فى أسبابها وكيفية حل هذه الأسباب علشان المشكلة تنتهى



أما ثانيا

موضوع قلة أو كثرة الأموال
الفلوس يعنى
أنا معاكى إنها سبب من ضمن الأسباب

بس ممكن التغلب علية
بكل بساطة الناس تقدر ظروف بعض
دة بالنسبة للقلة
أما الزيادة

فدول ناس تانية عايشين على أرض مصر بيستغلوا الظروف والفلوس
فى إرضاء شهواتهم

دووول بينى وبينك أنا لا أكترث بهم مطلقا

يعنى لو واحد غنى وأتجوز واحدة غنية عرفى
ميهمنيش

كدة كدة همه بايظين


بخصوص الحب بقة

فدة مشكلة كبيرة أوى بجد أدت لإنتشار الجواز العرفى
زى ما أنتى قلتى بالظبط

الأهالى مش عارفين المصايب إللى ممكن تحصل من الرفض دة
وبيقولوا إنهم بيحافظوا على بنتهم أو أبنهم

بس المشكلة إنهم بيضيعوهم


أما بقة
البعد عن الدين وتعاليمه
فدى المشكلة الشاملة للمشاكل كلها تقريبا
لازم الدين والأخلاق ترجع تانى

وعادى بقة
أودى

ody911 said...

ريم


الظروف

صح

الظروف بالنسبة للشباب

وكمان الأهالى مش بتقدر

ومفيش أخلاق ولا دين

يعنى العملية بايظة من كلوا

يبقى يتجوزوا بقة عرفى وخلاص
ومحدش يلوم عليهم

وعادى بقة
أودى

ody911 said...

بطوووط

مساء الخيير

من أولها تحيز كدة

مفيش وعى عند البنات ولا ضمير عن الولاد

ههههههههههه

أما حتت وعى دينى دة برضوا جزء من المشكلة كبير يعنى

والضغوط دى برضوا صح

والأعلام
والأهل
والتربية
والفقر
والغنى
وتأخير الزواج
وأنا وإنتى ورقصنيى يا جدع


أما إختفاء القدوة دى بقة مش عارف مجربتهاش

متهيقلى مش لازم يكون فى قدوة فى الموضوع دة يعنى
وبعدين مستنى ييجى فى دماغك كلام تانى

علشان إنتى فعلا بتقولى حقائق

وبعدين لا شكر على واجب يا بطوووط

أحنا أخوات

وعادى بقة
أودى

ody911 said...

سمباتيك

ما هى أسباب وجودة من وجهة نظرك ؟
الهروب من التزامات الزواج الموثق

ممكن فعلا يكون هروب من الألتزامات
بس هروب لأن الألتزامات دى ميقدرش عليها شاب مش لاقى شغل ولو لقى مش لاقى ياكل ولو لقى مش لاقى يجهز ولو لقى مش لاقى يخلف ولو لقى مش لاقى يربى وهكذا


يسرق يعنى علشان يتجوز !!!!




هل هو الحب !! هل هى الظروف ؟؟
في الغالب بتبقى نزوة من ورا الزوجة الاولى


قصدك خيانة يعنى !!

متهيقى إنى دول جزء صغير من المجتمع

إنما الجزء الأكبر فى الشباب

وسببها الحب والظروف



هل هو الفقر أم الغنى ؟؟
اللي يتجوز عرفى لازم يبقى غني و مفتري و قادر


ياه دة إنتى مبقوقة أوى
هههههههههه
ياستى مش لازم

فى ناس بتتجوز عرفى علشان مش عارفة تتجوز مش عرفى
من الآخر بتتحايل على الظروف والألتزامات زى ما قلتى فى الأول



مفيش أسئلة دلوقتى تانى

لما يكون فيه هبلغ سيادتك يا باشا

وعادى بقة
أودى

ody911 said...

سارة sarah

أولا تشربى إيه بمناسبت الزيارة السعيدة دى ؟؟؟

ثانيا الانجلش بتاعك حلو

هههههههه

انا آه ضعيف فية بس فهمت يعنى

إنتى بتمدحى فيا

ههههه
صح

عموما شكرا يا سارة
أحنا كلنا كمدونين بنحاول نوصل للب الموضوع علشان نقدر نحل المشكلة

مش زى باقى الناس طبعا

ولا داعى لذكر الناس دى يعنى علشان وجع الدماغ

مش جددوا الثقة فى حكومة نظيف

أصلوا لسة مخلصش نظافة

وعادى بقة
أودى

ody911 said...

سارة هانم


طبعا مشاركتك على عينى وعلى راسى ومبسوط منها

بس برضوا هربتى من المناقشة بسياسة الحكومة


ههههههه


ماشى يا سارة

وعادى بقة
أودى

ody911 said...

شارم


يعجبنى لمك للموضوع فى أربع جمل

كاملة متكاملة

تحياتى

وشكرا لمشاركتك هنا

ويارب متكونش آخر مرة

وعادى بقة
أودى

ody911 said...

فريدة هانم

بجد عجبانى أوى الأسباب المنتشرة دى

رأيكوا كلكوا صح
يزيد أو ينقص عن الحد المعروف

بس صح
سعيد جدا بمشاركتك وكلامك يا فريدة
بجد إنتى فريدة فى الوصف والتلخيص

شكرا

وعادى بقة
أودى

ody911 said...

moodysalihamidzic
أولا تشرب إيه يا ريس


ثانيا

أنا عندى إضافة

هيه رقاصة وبترقص

ههههههه

مش بتريق واللهى بس أول ما قريت الكومينت بتاعك دى إللى جت على بالى

ممكن توضح بجد قلة الأدب دى فى إيه بالظبط !!

أصلى أنا خايف تكون منى أنا ؟؟


وعادى بقة
أودى

ody911 said...

Whyme

نورتنى واللهى

وكالعادة لازم تشرب حاجة

أما بقة الأسباب

فزى ما أنته قلت

أهم الأسباب فعلا الظروف الأقتصادية
وقلة الوعى الدينى
أما فكرة المحكمة إنها عجباك

فأحمد ربنا إنى فى حد عجبتوا

وشكرا على زوقك

وعادى بقة
أودى

ody911 said...

ميمو هانم

إنتى لسة فوق الدولاب
هههههه

إنزلى بقة لتاخدى برد


حسبى الله ونعم الوكيل
بتحسبنى فى وشى كدة يا ميمو
ماشى

الموضع بقة منقسم لأية ؟؟

ثلاث أجزاء
الأول

طيب والعيال دى تعمل إيه من وجهه نظرك يا ميمو
بجد لازم الحياه الطبيعية للأنسان
بجد يعنى

ثانيا : لا تعليق علشان الشتيمة

أنا بخاااااااف


ثالثا

همة فعلا ولاد ستين هوهو :)

وعادى بقة
أودى

ody911 said...

مريم

واللهى يا مريم كلامك فى الصميم

بس متهيقلى إنوا ممكن سعات يدوم

مش عارف بس لما أجرب هقولك


وعادى بقة
أودى

ody911 said...

واحد من الناس

أجمل حاجة بجد موضوع أكوم نفسى دة
قصدى أكون نفسى

نفسى أكون نفسى بقة

نفسى أتجوز يا هووووووووووووووووووووه

وعادى بقة
أودى

ody911 said...

محمد مفيد

أنا من بختى بجد غنك علقت المرادى

ومنور واللهى

تشرب إيه بقة بمناسبة الزيارة السعيدة دى

شاى ؟؟؟

ولا حاجة ساقعة

عموما منور

هوة فعلا نقص الأمكانيات لدى الشباب وعدم التساهل من الآباء والامهات

دة سبب شديد جدا فى المشكلة بتاعتنا هنه

وشكرا يا سيدى أنا جامد
ربنا يخليك

وعادى بقة
أودى

ody911 said...

صوت الحب
Voice of love


داليا

منورة هنا

وفعلا هيه ساقطة دينية بكل المقاييس
ومشكلة مهمة فعلا

ولازملها علاج
أنا قلت لو عرفنا السبب ممكن نعرف نحل المشكلة

منورة ومنتظر مشاركتك دايما

وعادى بقة
أودى

ody911 said...

جبلاوى

Gbalawy

ههههههههههههههههه

معلش منده كتيير

ومنور
ولازم تشرب حاجة ؟؟
تشرب إيه ؟


وعادى بقة
أودى

ody911 said...

Lost

مفقودة

أولا منورة

ثانيا أنا فعلا بعانى من اللغة

ياريت عربى والنبى

ماشى يا جميل

عموما هحاول بقة أقرأ الموضوع:

أولها هجوم كدة

ياستى مؤمن بدور البنات فى حياتنا
ومؤمن إنهم بياخدوا الشغل مننا والكرسى إللى جنب السواق كمان
ومؤمن إنهم النص الحلو
ومن غيرهم منعرفش نعيش

وربنا يخليكوا لينا يارب
يارب
قولى آمين

صح الموضع بيختلف من شخص لآخر
وموضوع الحالة الأقتصادية صح مية فى المية

عدم تحمل المسئولية سبب مهم ( واللهى يعنى أنا مش معاكى فى الجزئية دى لآنى أنا شايف إنى الموضع دة بيبقى من الآخر تمرد على الوضع السائد )) يعنى بقة بلا مسئولية بلا وجع دماغ

دة المنظور فى الجزئية دى !

على ما أعتقد


آه الخوف من ربنا وكمان الأهل ليهم دوور
بس المفروض نعرف يعنى إن الأهل سبب واضح وصريح

يعنى لو انا جيت عندكوا البيت وأنا بحبك وإنتى بتحبينى وطلبت إيدك

يقوموا الأهل بقة يقولو هات وهات وهات
أنا بنتى لازم ولازم ولازم

ياجماعة خفوا إرحموا
الموضوع كبير كبير يعنى



والأعتزار مقبول
وعادى بقة
أودى

ody911 said...

حازم صاحبى

إزيبك ياد

أنا عارف إنك مخنووووووووووووووووووووووووووووووووووووووووووووووووووووووووق

كتير كدة يعنى

بس أحنا قولنا إيه ؟؟
عادى بقة :)


هوة فعلا نوع من أنواع الهروب

أكيد إللى مروا بالتجربة عندهم كلام تانى
بس أحنا بنحاول نحط نفسنا مكانهم يعنى يمكن نفهم

أختلف معاك فى جزئية إنى الحب مش سبب

لسبب واحد أوقات يا حازم بيكون الحل الوحيد إنك تكون مع إللى بتحبوا هوة غنك تتجوزوا عرفى
أو على الأقل تفضلوا مع بعض من غير ما حد يتجوز حد تانى !!!

موضوع معقد شوية

ماهى الظروف مش عيب
بس يكون فى تفاهم من أسرة البنت والولد للظروف دى
همة ياكلوا عيش وملح عيش بس مش مشكلة بس الأهل بترفض دة وبتجبرهم على الغلط


بقة بيتفضح فى بطنى أمة
قصدى الطفل إللى فى بطن امة بيعرف
وبيتعلم اقراية والكتابة كمان

مش بياخد كورسات لية ؟؟؟؟
هههههههههه

علشان يعرف يشتغل لما يخلص الكلية
أصلى القطاع الخاص عاوز واحد بقة مقولكش
كل حاجة فى أى حاجة
وعادى بقة
أودى



آه لية بقة بنلوم على الراجل

علشان الست عبيطة وبيضحك عليها

ومخدتش كل حريتها لسة وكلام بير قوى كدة بيتقال
زى ما نكون حابسنهم فى قمقم

محدش يقولى معنى قمقم دى إيه علشان معرفش


آه

أرجع ونفض للدنيا وخلاص

وعادى بقة
أودى

ody911 said...

شريهان


ههههههههه

معلش
وصل تعليقك يا جميل من غير ولا كلمة

وعادى بقة
أودى

ody911 said...

ساسو الجميلة

كلية التجارة وأدب كلية التجارة

أنا معاكى فعلا يا ساسو الجواز العرفى الموجود حاليا مش جواز عرفى خالص

بس

هههههههههه

أفلام الابيض والأسود دى مسخرة

هههههههه
واللهى يا ساسوا أنا كان نفسى حد يقول إنوا عارف إنهم ممكن يكونوا مظلومين

بس لغاية دلوقتى مجاش إللى يقول كدة

وعادى بقة
أودى

ody911 said...

عبد الله

منور هنا بجد

تشرب إيه بقة قبل الحوار الساخن دة

هههههه

أنا متفق معاك بجد كلامك فى الصميم

الميديا سبب رأيسى فى المشكلة بجد


وتحياتى ليك وكلامك

ويارب متكونش آخر مرة تزورنى

وعادى بقة
أودى

ody911 said...

شريهان


الحمد لله التعليق متمسحش

أولا عجبتنى فكرة التفريق بين أنواع الجواز العرفى دى مبدأيا كدة
ثانيا هوة فعلا أنا قصدى على الجواز العرفى بالنسبة للشباب

ثالثا بقة

إنتى بتقولى إن الحالة الاقتصادية السبب الرأيسى

انا معاكى إنها سبب بس مش أفتكر إنه الرأيسى لسبب واحد يعنى مثلا أنا لو رحت أخطب واحدة وانا مش معايا فلوس ولا شقة
ممكن الناس توافق من باب مساعدة الشباب

لو عملوا كدة يبقى الحالة الأقتصادية تم معالجتها معالجة مبدأية

ولا إيه ؟؟؟؟



آه واللهى يا شريهان

مؤهل عالى وغم ووجع دماغ على الفاضى

أحبك لما تولعى الدنيا كدة
نظام تعليمى فاشل
صح
هنتكلم علية بإستفاضه عن قريب

الجهل بالدين

صح


مغالات الأهل

ربنا يسمع منك ويخفوا بقة

بجد تعليقك جميل يا شيريهان وفى لب الوضوع

حلوة لب دى

هههههه
وعادى بقة
أودى

ody911 said...

إسراء

منورة أولا

ثانيا بلاش التحيز
البنت مظلومة والواد مفترى

بلاش اللون دة

الاثنين متحملين المسأولية


وصبيان بياخدون إستسهال
ياجماعة الشباب بتنحت فى الصخر الأيام دى

ومش مكفيين

مش متفق معاكى بتاتا

علشان التحيز إللى واضح فى كلامك
وانا مش بحب التحيز


مس برضوا منورة

وعادى بقة
أودى

ody911 said...

مروة
الناى الحزين

وعليكم السلام



متفق معاكى إنى التدين هوة السبب الرأيسى فى الموضوع


الدين هوة الحل

مش عارف لية بتفكرنى بالأخوان المسلمين
ههههههههه

أوعى تكونى منهم

بهزر

وعادى بقة
أودى

ody911 said...

أنوجى

صح الصح

بريزيدون

على رأى الأعلان

وعادى بقة
على رأى أودى


آه أتأخرتى فى الرد لية ؟
متزعليش يا أنجى

صدقينى هتروق وتحلى عن قريب
ولو مراقتش
مش مهم

وعادى بقة
أودى

ody911 said...

Nour

ههههههههههههه
الضحكة دى علشان التعليق بتاعك جامد

واللهى يا نور عندك حق
أنا كمان متضامن معاكى فى حكاية النيش دة

ياريت يتلغى

وساعدينا بقة فى موضوع الديكور دة

وربنا يسمع منك


مش عاوزها تبقى آخر زيارة

ماشى يا باشا

يمكن نحتاجك فى تصميم الشقة بقة


وعادى بقة
أودى

ody911 said...

أمانى


كلامك أنجز معظم المشكلة فى إيجاز شديد

ممكن نرغى شوية يعنى

عموما تتعوض الموضوع الجاى

هيبقى أسخن من كدة

وعادى بقة

آه منورة يا أمانى

أودى

ody911 said...

شارم

أولا منور يا باشا

أنا طبعا مش عامل حاجة فى الأوبشن

بس ممكن يكون عيب من النت نفسوا

ضعيف شوية

بس حاول مرة أخرى

ومنور يا باشا

وعادى بقة
أودى

ody911 said...

أبيتاف هانم


منور يا جميل المنطقة

وطبعا لازم تضحكى على تعليق نور

أنا ضحكت جدا علية

لزيز بجد

أما بقة إنك أجملتى كل الأسباب فى ترتيب وتناسق

فدة مش جديد عليكى

بس كنت أتمنة آخد من وقتك أكتر من كدة

عموما تتعوض البوست الجاى

قصدى الجلسة الجاية

وعادى بقة

آه صحيح شكرا إنك بتقولى إنك ميتلمش عليهم

أودى

ody911 said...

أجدع واحد فى الشارع

منورنى بجد يا صاحبى

فينك من بدى

هوة صحيح أنا مقصر معاك بس سامحنى

على فكرة أنا مبسوط بكلامك جدا

وشكرا يا باشا

وربنا يديم المعروف

وعادى بقة
أودى

ody911 said...

مها

كلام جميل وكلام معقول مقدرش أقول حاجة عنوا

لكن

لكن المفروض إنى أول حد يتمسك بالدين همة الأهل

ويفتكروا حديث النبى صلى الله عليه وسلم

فيما معناه

لو جالكوا واحد ترضوا دينوا وخلقوا فجوزوة

ولو معملتوش هتكون فتنه فى الأرض

هيه دى الفتنة
الجواز العرفى


ومنورة يا مها

وعادى بقة
أودى

ody911 said...

مزمز باشا

واللهى يا مزمز

المشكلة مش فى إنى أوقع علشان فلان ولا فلان

أنا يهمنى إننا نبنى مش نهدم

مهما كان الشخص إللى بيبنى

يارب كلنا نحاول نبين العيوب من غير شتيمة وكمان نطرح حلول مش نقول يخرب بيت وكدة يعنى

دى وجهة نظرى

ومنور يا باشا

وعادى بقة
أودى

ody911 said...

أنوجى

مقدرش أرفضلك طلب ما انتى عارفة

أحنا فى الهوا سوا ياجميل

النت وصل وأهوة راجع تانى

وسلاموا عليكوا

وعادى بقة
أودى

ody911 said...

دكتور مستكنيس

أولا منور هنا

ولازم تشرب حاجة
تشرب إيه ؟؟؟

بما إنك دتكور مش هقولك تشرب شاى علشان طبعا بيكسر الحديد

تشرب سحلب

شغال
أى حاجة بقة تعجبك

ثانيا بقة يا ريس
شكرا على الزيارة الكريمة دى والرأى الطبعا بكنلوا كل الأحترام

وربنا يستر على الشباب بجد

وعادى بقة
أودى

ody911 said...

سمباتيك

نمشيها سارة

صح أحنا أخدنا كتير بس مش بمزاجى واللهى دة علشان النت كان فاصل عندى ولسة جاى أهوة

عندى موضوع أجمد من الطلاق حاليا

هطرحوا خلال أيمام

منور يا سارة

وعادى بقة
أودى

Anonymous said...

السلام عليكم

فكرتينى بالذي مضي
كنت عامة تحقيق عن الموضوع ده زماااان

واقترحت فيه سؤال
حتعمل ايه لو بنتك جتلك وبتقولك ماما او بابا انا اتجوزت عرفي


وااااااااااو
علي ردود الفعل المختلفة
بس فاكرة انى كنت حتضرب من واحد بصلي شذرا وقالي بنتى لايمكن تعمل كده ابدا ابدا

بوست جميل
واسلوب رائع

كراكيب عادل said...

الجواز العرفي حاجة مسخرة

ody911 said...

مش قادرة

وعليكم السلام

أولا وقبل كل شئ تشربى إيه ؟؟

شكل الموضوع بتاعك كان جامد

بس هوة أنا فكرتى مختلفة شوية

أنا حبيت أعرف سبب الجواز العرفى

يعنى ممكن حد يفهم من الاسباب دى حاجة

يمكن يعرفوا إنوا مش عيب بس المتجوزين

بس هوة عيب مشترك

ومنورة هنا ويارب متكونش آخر زيارة

القضاية الجاية أجمد

وعادى بقة
أودى

ody911 said...

عادل

منور يا باشا بكراكيبك

هههه

لاء بجد منور

تشرب إيه يا ريس ؟؟

إنما إيه حكاية المسخرة إللى فى الجواز العرفى دى ؟؟

أنا عاوز أعرف أسبابة إيه من وجهة نظرك ؟؟


وعادى بقة
أودى

Every breath you take And every move you make Every bond you break Every step you take I’ll be watching you Every single day And every word you say Every game you play Every night you stay I’ll be watching you Oh, can’t you see You belong to me Now my poor heart aches With every step you take Every move you make Every vow you break Every smile you fake Every claim you stake I’ll be watching you Since you’ve gone, I’ve been lost without a trace I dream at night, I can only see your face I look around but it’s you I can’t replace I feel so cold and I long for your embrace I keep crying baby, baby please Oh, can’t you see You belong to me Now my poor heart aches Every step you take Every move you make Every vow you break Every smile you fake Every claim you stake I’ll be watching you Every move you make Every step you take I’ll be watching you I’ll be watching you Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you) Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you)