Saturday, February 17, 2007

مجنون

واللهى يا جماعة أنا قلت أكتب حاجة بقة مضيقانى بقالى كتيير قوى كدة يعنى
الموضوع بتاعى النهاردة لسة فى نطاق التعريف بالشخصية يعنى
موضوعى هيتكلم عن أجن حجات نفسى أعملها
أو
نفسى تحصل

نبدأ بإيه بقة
بداية سريعة على طوول من غير ما حد ياخد باله كدة
أنا نفسى أطلع على كوبرى قصر النيل والكورنيش ومعايا شوية ورد كدة
ودة طبعا علشان نفسى أقابل كل أثنين بيحبوا بعض وماشيين مع بعض أروح أديلهم وردة هدية بتعبر عن حبى للحب إللى همة بيحبوه لبعض
يعنى حاجة كدة رخمة شوية
أديهم الوردة وأمشى من غير ما أقول حاجة
على فكرة مش هوقف واحد آخر الكوبرى ياخد منهم فلوس طبعا
لحسن تفهمونى غلط
طيب نقول دى عادى يعنى مش مشكلة ممكن تحصل
بس مش عارف لسة مجتليش الشجاعة يمكن أو خايف الناس دى تفهمنى غلط
طيب ثانى حاجة إيه يا معلم
أقولكوا
كلكوا سعات كدة وإنتوا ماشيين أو راكبين أو بتشربوا شاى مثلا
ممكن فجأتا أو على سهوة كدة
تشوفوا بنت حلوة جدا
أنا عارف إنى معظمنا بيتفرج وهوة ساكت ( دة المأدب )
والباقى بيعاكس وفى ناس بتقول لصحابها يبصوا ويشوفوا وناس بتتمنى إنها تكون على علاقة بالبت دى من قريب أو من بعيد
أنا نفسى فى حاجة تانية خالص
نفسى لما أشوف بنت حلوة فى الشارع أوقفها وأقولها
آنسة إنتى حلوة جدا
بس
بس المشكلة بقة إنى فى ناس هتفتكر إنى دة نوع من المعاكسة الوقحة
بس أنا شايف إنوا نوع من الأطراء الواجب
مش عارف لية نفسى أعمل الحركة دى
والناس متفهمنيش غلط
هوة كل الحكاية إنها حلوة وأنا عاوز أقولها إنها حلوة بس
يعنى مش عاوز أتعرف عليها ولا أخد رقم تليفونها ولا أروح أخطبها مثلا
أنا عاوز أوضح وجهة نظرى
بالطبع وجهة نظرى فى البنت اللى مش جميلة الشكل مش هقولها ودة علشان مجرحاش
بس من حقى إنى أقول للبنت الحلوة إنها حلوة
طيب عرفنا ثانيا
نعرف ثالثا
إنى أقف وسط المطر مع البنت إللى أخترتها تكون حبيبتى وأبوسها تحت المطر بس هاه مش عاوزين حد بقة يقول وإيه كمان ؟
رابعا بقة
إنى أمسك منصب كبير يخلينى أمشى الحرمية على العجين ميلخبطوهوش
أما خامسا
إنى الناس تراعى مشاعر الآخرين
مطالبى ممكن تكون عادية لدرجة أستحالة تحقيقها
وممكن تكون صعبة بإحتمالية حدوثها
بس أهوه
مجنون
وعادى بقة
أودى

45 comments:

~ Bato0ot ~ said...

bos ba2a :D ana lama 2areet galy ezbehlal :D
ana kman nefsy awy a3mel 7araket el warda de :D bas msh m3 ay 7ad 3al kornish
sa3at bab2a mashya w bashoof etnen b7s fehom bel 7ob ely bgd w bab2a nfsy agblohom warda aw a2olohom enhom bgd lay2een awy 3ala ba3d :D


w fe 7aga kman :D 7ekeyet el matar de :D w mn gheeer tafasel :D w isa yb2a gozy :D

w ama 7ekyet enak law fe wa7da shaklha 7elw t3bar 3n ra2yak :D ana shayfa en de 7aga law mawgoda f mogtm3na tb2a 7elwa.. bas ely by7sal now f masr ykhlini law shoft wa7ed byrab nawy yklmni :D ya hatla3 agry ya hatla3 el self defence :D enta w 7azak :P

bas bgd kalam gamil.. w im honoured eny awel wa7da to comment ;)

الكلام نوعان :كلام فارغ وكلام مليان كلام فارغ said...

كان نفسي اول واحده تعلق بس يلا بقى معلش
المهم ان البوست جمييييييييييييل جدا ويا سلام لو اتحقق اللى فيه هاتبقى العيشه كده بمبي بمبي
ولو على الورد ما شوفتش منك هود كرفس حتى
ماسي يا عم هاعديهالك المره دي انما المره الجايه مش هاتعدي ابدا

We2am said...

يخربيييتك..وعامللي فيها عاقل وراسي؟
اهو..عايز قف بورد عالكورنيش و تعاكس المزز كمان!
:P :D

Anonymous said...

this is sooo pure :D
u need a utopia

sara... said...

هههههههه
على فكرة انت لازم تعمل اللي انت قولت عليه ده..كله....يخريب بيتك يا اودى
بس والله حاجه حلوة جدا ان واحد يوقفنى فى الشارع ويقولى بمنتهى الجديه
انسه ..حضرتك حلوة ..
والمهم انى احس بالمصداقيه والاحترام
هههههههه
بس على الله ما يكونش البت ماشى وراها باباها ولا حاجه نزورك فى المستشفي ساعتها
هههههههههه
باى

baby me said...

enta bgd romansy gdn
a7lamk gmila awy
w gwak msha3r 7lwa yarab tla2y elly y2drha
romnsya awy 7kayt elwrd d bs lw 3mltha eb2a edeha lelwld w hya ydeha llbnt 3shan elmwdo3 myt7wlsh mn romantic le film action:)
w 7kayt en wa7d yw2f bnt w y2olha enty 7lwa d bt7sl f3ln bs elbnt btkhaf mn ay 7d mn elwa7d byshofo w m7dsh hyfhm nytk
very romantic interesting blog
good luck

smraa alnil said...

اودي

مشس عارفة اوقلك ايه بجد
بس انت قلت نس احامي يا اودي
انا كمان نفسي ادي لكل الناس ورد
بس هيقولوا الله يسهلك يا شاطرة

ونفسي بقي اوقف اي حد سواؤ بنت او ولد واقولهم انتو جمال
بس ساعتها هيفتكروني هبلة او حاجة تانية
انت رائع يا واد

Ma 3lina said...

looooool

ur not that crazy , most of theses things r do-able , but it needs some courage , i thought enak tetle3 3la kobry kasr el nile nd jumb loool


about telling every girl she is pretty belive me after ur second attempt u will be arrested or kicked by the girl herself

smraa alnil said...

ههههههههههههههههههههههههههههههههه

هههههههههههههههههههههههههههه

هههههههههههههههههههههههههههه

طبعا هتسالني انا بضحك ليه
ههههههههههههههههههههه

اصلي قريت تعليق ما علينا ومتخيلة رد فعلك دلوقتي
هههههههههههههههههههههههههه

انجليزي دة يا مرسي
عامة مش تقلق
الترجمة المرة الجاية
ههههههههههههههههههههههههههههه

متغيرة شوية said...

الحاجات اللي بتقولها دي كلها جميلة ، لكن المجتمع اللي السيء فيه أكتر من الكويس خلى أي حد يعمل الحاجات نية كويسة هيتفهم غلط ، لأن أغلب الناس نيتها كويسة
بالتأكيد انت لو قلتلي انت حلوة يا انسة - رغم ان عمرك ما هتقولها يعني - بس بفرض ، هبصلك من فوق لتحت وأقولك وانت مالك ، بعدين امشي وانا بشتم فيك.
رابعا وخامسا ممكن يتحققوا ، خامسا في ناس بطبها والله من دلوقتي ، اينعم هما مش كتير لكن موجودين.

Waleed Fareed said...

السلام عليكم
ازيك بقي يا أودي
بص يا سيدي
انا هاقولك علي عدد من الاحتمالات لما تحاول تعمل اي حاجة
الاول لو وقفت اتنين
لو الواد خاطب البت يبقي هيبصلك من فوق لتحت بما معناه انه انت اهبل يابني
الثاني لو عيال لا مؤاخذة صايعة يبقي الواد هيقول ده اهبل ولا ايه مطلعني قدام البت خرنش

وزي ما متغيرة شوية قالت
لو محترمة برضه هتبصلك بصة استغراب وتسيبك وتمشي
وواحدة تانية هتبصلك من فوق لتحت وتقولك وانت مالك
واللي لا مؤاخذة هتقولك انت مال اهلك
وممكن واحدة تقولك وماله لو هيا دماغها مصدعة من الشغل وقرفانة او الواد مفرقعها

ody911 said...

ههههههههههههههه

دى لأنوجى

وهيه عارفة السبب برضوا

وهنبتدى نرد بقة على الناس إللى نورتنا هنا

ody911 said...

بطوووط

بعد ما شربتى السحلب كدة وإتظبطى يعنى

نبتدى الحوار الدامى

بالنسبة لحالة الأسبهلال إللى حصلتلك من البوست والموضوع بتاع الورد دة

على فكرة أنا كمان بتحصلى الحالة دى لما بشوف بوست معين بيحكى حاجة فيا انا أو بيتكلم عن وجهة نظرى فى شئ معين

دة بقة بيسموه توارد أفكار

;)ودة صحيى يعنى


وبعدين يا ستى بدام إنتى عاوزة تعملى نفس الحركة خلاص نعملها سوا على أساس محدش يقول الواد دة مجنون أو البت دى إتجننت



أما بقة حكاية المطر فخليها لظروفها يمكن مين عارف تتحقق فى يوم ويبقى جوزك يا ستى علشان منقعش فى مشاكل



أما حكاية إنك حلوة دى بقة

فأنا عن نفسى ممكن أفضل إنك تجرى بدل السيلف ديفنس دة

مع إنى مش عارف يعنى إيه يعنى بس إللى نعرفوا أحسن من إللى منعرفوش

ههههههههههه

وعادى بقة
أودى



آه صحيح منورة

ody911 said...

مها


منور يا جميل إنته

أما بقة بخصوص إنك نفسك تكونى أول واحدة تعلق

فسهلة يا ستى البوست الجاى مش هكتبوا إلا لما أقولك الاول هيتكتب الساعة كام بالظبط وتعلقى علية

هوة يعنى أنا أقدر أرفضلك طلب يا جميل

وبعدين يا جميل أحى وردة لأحلى بنت فى بور سعيد كلها ومدن القناه كمان

وووو

وعادى بقة
أودى

ody911 said...

وئام هانم الجميلة

كدة برضوا يا وئام تظنى فيا الظن السوء دة

هوة أنا صحيح نفسى أعاكس البنات

بس يعنى كنت مدارى الموقف

تقومى كدة تفضحينى

هاااااااااااااااااااع

يقولو عليا إيه دلوقتى ؟؟

دارى على شمعتك تقيد

ووحشانى واللهى يا وئام

إبقى عدى يا بنتى

يالله باى بقة دلوقتى

وعاااااااااااااادى بقة
أودى

ody911 said...

"*~Daisy~*"
this is sooo pure :D
u need a utopia


واللهى يا أسمك إيه ؟؟؟؟؟؟

علشان مش عارف أقرأة بقة

متأخزينيش يعنى

أصلى ضعيف فى الأنجلش



وخت طبعا وقت علشان أعرف5 إنتى قصدك إيه من التعليق ؟؟

والحمد لله بعد الأستعانه بسمراء النيل

أنوجى يعنى

تم فك تلاصم الجملة بتاعتك وعرفت معناها والحمد لله

وهيه إنك نقى جدا

وإنك محتاج المدينة الفاضلة يوتوبيا



ربنا يخليكى حقيقى يعنى

كلامك حلو بجد أول مرة حد يقولى كدة يعنى

فتلاقينى دلوقتى طاير كدة من الفرح

fly يعنى

ههههههه

المهم نستينى أشربك حاجة

طبعا فى عادة عندى هنا فى البلوج

إللى بيعلق عندى أول مرة لازم يشرب حاجة

فتشربى إيه بقة ؟؟؟

ومنورة مرة تانى

ويارب متكونش آخر مرة

وعادى بقة
أودى

ody911 said...

ساره الفنانة

وأنا عمال أقول البلوج منور كدة لية

أتريكى منورة عندى هنا



إزيك يا سارة أخبارك إيه ؟؟


يارب تكونى بخير يا رب

أما بقة بخصوص نصحتك إنى أعلم كل إللى قلت علية

فمن الواضح دة إنك عاوزة تخلصى منى
صح
ههههههههههه


طيب دى إقل حاجة لو أبوها بس إللى إتكلم

ولا رسيت على المستشفى

يابنتى ممكن ميعرفوش يلمونى من على الرصيف

ههههههههههه

وعلشان كدة أنا مش هعملها لوحدى

هحتاج متبرع معايا

أهو نقسم الضرب على أثنين

ههههههه

وعادى بقة
أودى

ody911 said...

lost

تايهة هانم
صايع أنا صح هاه ! عرفت الترجمه لوحدى

أولا منورة جدا جدا جدا

ثلاثه جدا

ثانيا لازم تشربى حاجة الأول


تحبى تشربى إيه ؟؟؟


ثالثا ودة الأهم

كلامك جميل حقيقى وفعلا أنا كنت ناوى أعمل كدة أدى الوردة للواد مش للبت

وطبعا دة علشان أتجنب فلم الأكشن إللى بتقولى علية

لغاية كدة كويس أوى


أما بقة المشكلة كلها تكمن فى منطقة معينة من التعليق

وهيه

very romantic interesting blog

دى معناها إيه بقة

بعديها حظ سعيد طبعا

المهم ياريت يا جماعة تراعوا شعورى وتكتبولى عربى يعنى

أصلى مش بزاكر إنجليزى اليومين دوول


ومنورة مرة تانى

وعادى بقة
أودى

ody911 said...

أنوجى

واللهى يا أنجى شكلنا كلنا كدة بنحب على نفسنا
فممكن نبقى نجمع بعض وننزل نوزع ورد بقة على كل إللى ماشى على الكورنيش أو كوبرى قصر النيل من الحبيبة يعنى

إشطة


وبعدين هيه حكايت المطر دى مش بتفكرك بحاجة ؟؟؟؟


بوستك بتاع الرقص تحت المطر جميل بجد

أما بقة جزئية إنك عاوز تقفى أى حد سواء ولد أو بنت فى خللى بالك منها

فى ناس ممكن تفهم الموضوع دة غلط

يعنى لو أنا وقفت واد وقلتلوا إنته حلو

دى بقة مصيبة من مصايب الزمن

شخدالى بالك إنى

يكون من إياهم ولا حاجة تبقى مصيبة

هههههههههههه


خلينا فى البنات احسن

وطبعا مش هقولك منورة

علشان إنتى منورة على طوووووووووووووول

وعادى بقة
أودى

ody911 said...

متغيرة شوية

أولا أنا سعيد بلزيارة الجميلة دى ويارب متكونش أول وآخر مرة

ثانيا تشربى إيه ؟؟؟


ثالثا

أنا معاكى إنى مجتمعنا المشكلة فيه مش فينا أحنا

بس يمكن فى يوم يتغير ويحصل دة ويكون عادى

أما بقة إنى مش هقولك إنك حلوة

فبالتأكيد إنتى حلوة ولازم أقولهالك

الحلاوة مش بس حلاوة المنظر

فى حلاوة الرشيدى الميزان والرشيدى البغبغااااان كمان



وبجد أنا مبسوط إنى البوست عجبكوا كلكوا

ومبسوط إنى فى ناس كتير لأول مرة تدخل هنا

وعادى بقة
أودى

ody911 said...

ما علينا هانم


ممكن الترجمة

علشان إنجى متضحكش عليا تانى

بس من الواضح إنك ليكى راى

ورأى منفصل يعنى

ومنورة واللهى العظيم

بس أنا برضوا لسة زعلان منك إنتى وإنجى

طبعا السبب مكتوب عندك فى تعليق على آخر بوست


وإن شاء الله لما أجيب القاموس هبقى أعلق على كلامك مرة تانى

أو ممكن حد يقدملى المساعدة يعنى !!

وعادى بقة
أودى

ody911 said...

إنوجى

إلحقينى بالترجمة وإحيات ابوكى يا شيخة

منظرى بقة مش عاتفى خالص

وقوليلها متزعلش بقة

ماشى

أشوفك على الماسنجر بقة


وعادى بقة
أودى

ody911 said...

نهيل باشا

ياااااااااااااااااه ولا زمان يا راجل

أنا عارف إنى التقصير متبادل

وشكرا يا معلم على الدخول هنا وإبداء رأيك

وطبعا رأيك عين العقل

وأنا فعلا خايف أعمل الموضوع دة علشان النتائج بتاعتوا

نتائج عكسية بعيد عنك وعنى

والعملية مش ناقصة طبعا


ومنورة مرة تانى يا ريس

وآسف على عدم المرور الفترة إللى فاتت

بس واللهى سعات بنسى كدة وبتشغل

معلش سامحنى

وعادى بقة
أودى

Reema said...

على فكرة انا فكرت في كل الي قلته ده ولاقيته فعلا مفيش فيه جنون او حاجة تقول ان الانسان ده مش طبيعي

المشكلة في ان دايما بنفترض سوء النية للشخص اللي اودامنا وده من اللي بقينا نشوفوه الايام دي... مش سهلة تقول لبنت انتي جميلة اوي لان لو هي سكتت ومشيت اللي في الشارع حايقوموا بالواجب
ولو اديت اتنين بيحبوا بعض ورد حايقولوا انت حاطط فيه حاجة تدوخ مثلا يعني

سلاماتي..

ody911 said...

ريما

أولا منورة هنا
ثانيا تشربى إيه ؟؟

ثالثا ودة الأهم

أنا عارف إنى الكلام دة ممكن ميكونش كلام واحد مجنون

بس المشكلة زى ما أنتى قلتى كدة سوء النية

سعات كتير بيبقى البياع بيقنعك تشترى حاجة معينة وهيه فعلا الأحسن

بس بتفرضى سوء النية فيه لأنى معظم البياعين بحاولو يبيعوا الشيء الوحش مش الحلو

ومجتمعنا كدة

نعمل إيه بقة

فلما يكون واحد بيفكر يعنى بشكل طبيعى من وجهة نظروا

يبقى مجنون


ومنورة واللهى

وعادى بقة
أودى

mariam said...

ايه يا ابنى ده

اوعى تعمل كده
ليفتكروك مجنون بجد
و يمسكوك
انا حذرتك و عملت اللى عليا

ody911 said...

مريم

لية كدة يا جميل

دة أنا نفسى

نفسى يقولو عليا مجنون علشان أخلص بقة

ولا أدور على شغل
ولا على حب
ولا على حاجة


ههههههههه

ياه أحنا فى وقت الجنون فيه نعمة

عادى بقة
أودى


آه منورة برضوا يا مريم

بحب الأسم واللهى

Amira said...

ههههههههههههه
عادي بقى انك تدخل مدونة اودي
و تلاقي احلام اليقظه الجميله دي

لا و ايه
منوعه

يعني و رد و معاكسه و بوس و منصب كبير و اصلاح للبلد

عادي بقى

انا بحب امشي تحت المطر و كنت بعملها لغاية قبل ما احب
و كنت بغرق فعلا و لا يهمني

البوس بقى
مجربتوش تحت المطر
ههههههههه

لو قلت لبنت انتي حلوه تبقى بتعاكس يا خفيف
ولا ايه

احلم براحتك يا اودي ماهو عادي بقى

smraa alnil said...

ههههههههههههههه

الترجمة

لتعليق ما علينا
بالتفصيل بس مش ترجمة حرفيه يعني

ههههههههه

انت مش مجنون بالدرجة اللي انت متخيلها
معظم احلامك ممكن تتحقق بس هي محتاجة بس شوية شجاعه منك اعتقد انك ممكن تطلع كوبري قصر النيل وتنط من فوقيه ههههه

بخصوص انك تروح تقول للببنت انها حلوة فصدقني بمجرد المحاولة التانية هيتقبض عليك او هتتضرب من البنت نفسها

اي خدمة يا اودي

ترجمة مراكز سمراء عبيد

ody911 said...

فريدة هانم

منورة يا فريدة هنا


وعلى رايك عادى بقة إنى حلم شوية
يعنى هيبقى ولا حلم ولا حقيقة

على فكرة أنا كمان مجربتش ولا حاجة من الكلام دة

بس أوعدك لما أجرب هقولك الأحساس

ههههه

أما بقة
لو قلت لبنت حلوة إنها حلوة دى مش معاكسة
دى لآنها فعلا حلوة


وعادى برضوا لو كانت معاكسة هيه تطوووول

ههههههههه

وعادى بقة
أودى

ody911 said...

أنوجى الجميلة

إضحكى إضحكى

ماشى ماهو دة جزات إللى ميزاكرش وهوة صغير

ههههه

وشكرا على الترجمة يا أنوجى


عموما أنا حساسس إنك متغيرة شوية

ومش هتكلم معاكى إلا لما تتكلمى إنتى الأول

علشان عزة نفسى تمنعنى

وعادى بقة
أودى

ody911 said...

ما علينا

بعد ترجمة الكلام بتاعك من قبل أنوجى مساعد الترجمة فى المدونة

ربنا يخليكى يارب بقة أنا مش مجنون

طيب قولى لصحابى بقة إنى مش مجنون علشان بيقولوا أودى لسع

أما بخصوص إنى أنط من فوق كوبرى قصر النيل

طيب بقة تصدقى إنى نفسى أعملها برضوا

أما بقة حكاية الضرب والقبض دى

فدة أنا متأكد منو علشان كدة مش عارف أعملها

وقلت أشوف رأيكم

لقيته يؤيد الضرب

خلاص هصرف نظر بقة

وعادى برضوا
أودى

~ Bato0ot ~ said...

:D hy2olo el etnen dol darbeeeen :D:D lo0ol
:D el self defence da :D bytrash 3ala ay 7ad y3meh :D fe by3my sawany w fe by3my forever w ana bfdal el sanf el modamer mnhom :D:D:D

ody911 said...

بطوط

لية كدة بس الأزية ؟

خليكى كويسة علشان الناس تحبك

وبعدين يقولو علينا مجانين وإيه يعنى

ما أحنه مجانيين كدة كدة

وعادى بقة
أودى

smraa alnil said...

اودي
انا عارفة انك مخنوق بس هستناك
اوكي

~ Bato0ot ~ said...

ana mz3lsh en el nas te2ol 3lya magnona .. bel3ks ana btbeset moot :D
ba7es eny 3aysha sa7 ... asl ely by3eesh sa7 these days by2olo 3aleh magnooon

ody911 said...

إنجى

واللهى يا أنجى الموضوع كبير كبير يعنى

أنا كنت فى رمسيس النهاردة الساعة 6:30
وكنت بفكر آجى

بس مكنتش عارف قهوة البورصة دى فين بالظبط

دة أولا

وثانيا كنت مخنوق وقلت لو رحت كنت هقعد ساكت خالص

فكانت الناس هتتخنق منى

فقلت بلاش أحسن

بس بجد لو كنت شفت الكومنت دة قبل ما أمشى كنت أكيد هاجى

بس معلش تتعوض إن شاء الله

وعادى بقة
أودى

ody911 said...

بطوط

طيب أمال إيه بقة ؟؟

يعنى لما أحب أتجنن شوية تيجى معايا

أقولك على حاجة

المجنون فى الزمان دة بيتحسد

وصلنا للوقت إللى المجنون فية ملك

وعادى بقة
أودى

LAMIA MAHMOUD said...

حلو حوار قصر النيل ده اعمله .. وحبقى اقف هناك انا واحمد

عملت موضوع الوقوف تحت المطر ده بس من غير مشهد البوسة


ابقى قول للبنت انها حلوة بس اجري بعدها


حوار المنصب مش حتكلم فيه يعني ربنا يوفقك


بص بقى ده مش جنون
انت زي الفل لسة

ody911 said...

لمياء


هههههههههههههه


واللهى ضحكت

ماشى يا ستى وردتين لأجمل أثنين وأغلبى حبيبين


على فكرة مشهد المطر دة مينفعش من غير البوس

إسألينى أنا

شوفتوا فى كام فلم كدة إنما إيه ؟؟



وحكاية أقول للبنت وأجى دى بقة ممكن

أصلى كنت واخد مركز فى الجرى على مستوى الجمهورية يعنى سريع



أما المنصب

فيارب


ومنورة يا لمياء

وعادى بقة
أودى

-_- said...

والله لا مجنون ولا حاجة

بس هو المجتمع اللى ما بقاش بيحب الورد و لا كلمات الحب

ody911 said...

شارم


عندك حق

ومنور هنا بجد

وياريت متكونش آخر زيارة

وعادى بقة
أودى

الأباصيرى said...

أأأأة دأنت لاسع بقى

بالنسبة لموضوع الكوبرى ممكن تنفذة.. بس بلاش تعملة مع واحد عضلات

انا أتمنيت حاجات كتير زى دى
بس بحتفظ بأحلامى لنفسى

ody911 said...

الاباصيرى


طبعا لاسع

هوة أنا لو مش لاسع كنت كتبت دوول


وعادى بقة
أودى

yousef said...

أنا عملت واحد وأتنين بجد
لكن الباقى تلاته ده منننننننننننننننننوع
واربع وخمسه مستحييييييييل
ابقا شرفنى فى مدونتى
regards

Every breath you take And every move you make Every bond you break Every step you take I’ll be watching you Every single day And every word you say Every game you play Every night you stay I’ll be watching you Oh, can’t you see You belong to me Now my poor heart aches With every step you take Every move you make Every vow you break Every smile you fake Every claim you stake I’ll be watching you Since you’ve gone, I’ve been lost without a trace I dream at night, I can only see your face I look around but it’s you I can’t replace I feel so cold and I long for your embrace I keep crying baby, baby please Oh, can’t you see You belong to me Now my poor heart aches Every step you take Every move you make Every vow you break Every smile you fake Every claim you stake I’ll be watching you Every move you make Every step you take I’ll be watching you I’ll be watching you Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you) Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you)