Wednesday, October 15, 2008

مش عارف لية

مش عارف لية فى قلبى حزن
مع إنى المفروض أكون فى قمة السعادة
شغل وأشتغلت
حب وبتحب
راحة فى الشغل وأظن مفيش أكتر من كدة راحة
بتصحى من النوم براحتك
بتشتغل تقريبا ساعتين فى اليوم
قاعد معظم الوقت فى فنادق 5 نجوم
فى شارم فى أسكندرية فى الغردقة فى العين السخنة فى مرسى علم
طيب عاوز إيه قولى ؟؟
إيه يفرحك ويشيل الحزن من قلبك ؟؟
عاوز أعيط كتير بس
تعيط
ههههههههه
للأسف إنته مش بتعرف تعيط
.
.
.
.
وتستمر المهزلة
عادى بقة
أودى

20 comments:

Unknown said...

يؤسفني أقولك ان كده مش عادي و لا حاجه

كده .. انت عاوز تغوص جوه الراجل اللي بتشوفه ف المرايه

عاوز تزعقله شويه و لما يبكي قدامك تطبطب عليه

و لما تطبطب عليه .. إديله علي دماغه تاني

لحد ما يعيط تاني و تالت و رابع

هيرتاح .. و انت كمان هترتاح .. هتعرف ساعتها ان السعاده كمان مش ف الراحه الشكليه قد ما هي لازم تكون من جوه .. و يمكن ده السبب ف إن صاحب صورة علي الناصيه علي مدونتي نوته و قلم يكون مرتاح .. بالرغم انه مبيعيشش زي اللي انت بتتكلم عليه في البوست خليه يعمل اللي بقولك عليه

و يعدي عليا كمان تلات ايام استشاره .. هههههههه

و ان شاء الله هيبقي كويس

بالشفا :)

عادي بقي

سلام
ياسمين

انا حره said...

طبيعه البنى ادمين

ميملاش عين ابن ادم الا التراب

zahra said...

يمكن محتاج لحاجة اكبر من كل ده
و اهم من الفلوس و الحب و الفنادق و الحياة السهله
محتاج حاجة تدخل القلب و تطمنه
محتاج تصلى ركعتين و تدعى فيهم ربنا
محتاج تقرا قرآن و تبكى و انت حاسس بكل كلمة بتقراها
حاول و قولى هتحس بإيه

ody911 said...

عاقلة فى زمن الجنون



المشكلة كلها إنو مش بيعرف يعيط


شكرا على المرور والروشته

بس صدقينى بحاول معاه على آخرى


شكرا مرة تانى

وأحنا أتعودنا على إيه ؟؟؟


على إنى كل شئ عادى

عادى بقة
أودى

ody911 said...

أنا حرة


إنتى حرة تفسريها على إنها ميملاش عين إبن آدم

بس أنا تفسيرى ليها إنى الراحة النفسية أهم بكتير أوى من أى راحة تانى


ربنا ينعم علينا بيها إن شاء الله


نورتينى

وإنتى حرة

وأنا عادى بقة
أودى

ody911 said...

زهرة الياسمين


حقيقى إللى بتقولى علية بيريح بجد
بس المشكلة مش فى كدة المشكلة إنى عاوز أعيط على حاجة معينة

حصلت من 4 سنين تقريبا

ولسة مش عارف أديها حقها فى العياط

عادى بقة
أودى

مرسى بجد على النصيحة الغالية

شكرا

خمسة فضفضة said...

السلام عليكم ورحمة الله وبركاته

تاني بوست انهارده للبحث عن السعاده

صالح نفسك وارضي بما قسمه لك الله هاتلاقيها علي طول

سلام

ody911 said...

خمسة فضفضة

وعليكم السلام ورحمة الله وبركاته


الحمد لله

بس الدموع مخنوقة جوايا

وهيه إللى تعبانى

منورانى دايما

وآسف مشغول بجد فى الشغل

وعادى بقة
أودى

media said...

اخيرا ظهرت حمد لله على السلامه
بقي يوم ماترجع تكتب تكتب انك حزين

ربنا يشيل الحزن من قلبك يارب

Epitaph1987 said...

هممم
ليه طيب كدة؟!

ody911 said...

تائهة بين الخيال والواقع



يارب وإنتى كمان


آسف إنى كتبت كدة

بس إنتى عارفة هوة بيبقى أحساس

وبنخرجو علشان يمكن يخفف عننا شوية العزاب


مرسى بجد على الزيارة وعلى الدعوة

ومسيرها تفرج

ربنا كريم


عادى بقة
أودى

ody911 said...

إبى الجميلة


بجد وحشانى أوى

وحمدلله على السلامة هوة آه مش البلوج بتاعك بس هنعمل إيه فى ولاد ال


بس بقولك حاولى تانى وتالت ورابع

متيأسيش

منورانى بجد بزيارتك دى

وألف سلامة عليكى المود بتاعك تعبانه

يارب يكون شوية برد صغيرين ويعدو على خير


شكرا يا أبى بجد

وعلى فكرة عن علشان مش بعرف فعلا أعيط

ودى مشكلة كبيرة جدا

الدموع بتغسل الهموم

صدقينى نعمة


ربنا يصبرنا

وعادى متعودة

أودى

Anonymous said...

انتى عبرتى عن احاسسيسنا كلها بجد كلماتك معبره قوووووووووووى

الفقيرة إلى الله أم البنات said...

الحزن سببه انك مش مستمتع
لان روحك مش مستمتعه
وسبب ان روحك مش مستمتعه انك مش بتغذيها
ابحث عن غذاء روحك تستمتع ولو كنت مطحون فى كل ما سبق ذكره

maioya said...

ظاهريا المفروض تتحسد:D
ربنا يكون في عونك
من جوه وتعرف تعيط شويه
حتي الدموع راحه
انا قولت اسلم بقي :))

Rosa said...

ممممممم يمكن شوية رضا صغيرين تكون محتاجهم
عامة دي طبيعه بشريه
لما بنحقق كل الي عايزينه و مايتبقلناش حاجه عايزين نعملها بنفقد اهتمامنا بكل حاجه
و تجلنا الحاله دي
عامة يا اودي حاول ماتستسلمش و كله هيكون تمام ان شاء الله :)

Yasmine Madkour said...

فينك ؟

ody911 said...

موجود وهرجع أكتب تانى إن شاء الله


ماهى عادى بقة


وكل شئ عادى

وبما إنى أنا عادى

فيبقى عادى بقة
أودى

!! a7mad sala7 !! said...

اديك قلت

عاااااااادى

وبتحصل فى احسن البلوجات

:)

احمد على المصرى said...

معلش مش عادى لان النعم الكثيرة تجلب الشقاء والسعادة مع معرفة قيمة النعمة وليست النعمة والشكر لها راجعى نفسك

Every breath you take And every move you make Every bond you break Every step you take I’ll be watching you Every single day And every word you say Every game you play Every night you stay I’ll be watching you Oh, can’t you see You belong to me Now my poor heart aches With every step you take Every move you make Every vow you break Every smile you fake Every claim you stake I’ll be watching you Since you’ve gone, I’ve been lost without a trace I dream at night, I can only see your face I look around but it’s you I can’t replace I feel so cold and I long for your embrace I keep crying baby, baby please Oh, can’t you see You belong to me Now my poor heart aches Every step you take Every move you make Every vow you break Every smile you fake Every claim you stake I’ll be watching you Every move you make Every step you take I’ll be watching you I’ll be watching you Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you) Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you)