مش عارف لية فى قلبى حزن
مع إنى المفروض أكون فى قمة السعادة
شغل وأشتغلت
حب وبتحب
راحة فى الشغل وأظن مفيش أكتر من كدة راحة
بتصحى من النوم براحتك
بتشتغل تقريبا ساعتين فى اليوم
قاعد معظم الوقت فى فنادق 5 نجوم
فى شارم فى أسكندرية فى الغردقة فى العين السخنة فى مرسى علم
طيب عاوز إيه قولى ؟؟
إيه يفرحك ويشيل الحزن من قلبك ؟؟
عاوز أعيط كتير بس
تعيط
ههههههههه
للأسف إنته مش بتعرف تعيط
.
.
.
.
وتستمر المهزلة
عادى بقة
أودى
20 comments:
يؤسفني أقولك ان كده مش عادي و لا حاجه
كده .. انت عاوز تغوص جوه الراجل اللي بتشوفه ف المرايه
عاوز تزعقله شويه و لما يبكي قدامك تطبطب عليه
و لما تطبطب عليه .. إديله علي دماغه تاني
لحد ما يعيط تاني و تالت و رابع
هيرتاح .. و انت كمان هترتاح .. هتعرف ساعتها ان السعاده كمان مش ف الراحه الشكليه قد ما هي لازم تكون من جوه .. و يمكن ده السبب ف إن صاحب صورة علي الناصيه علي مدونتي نوته و قلم يكون مرتاح .. بالرغم انه مبيعيشش زي اللي انت بتتكلم عليه في البوست خليه يعمل اللي بقولك عليه
و يعدي عليا كمان تلات ايام استشاره .. هههههههه
و ان شاء الله هيبقي كويس
بالشفا :)
عادي بقي
سلام
ياسمين
طبيعه البنى ادمين
ميملاش عين ابن ادم الا التراب
يمكن محتاج لحاجة اكبر من كل ده
و اهم من الفلوس و الحب و الفنادق و الحياة السهله
محتاج حاجة تدخل القلب و تطمنه
محتاج تصلى ركعتين و تدعى فيهم ربنا
محتاج تقرا قرآن و تبكى و انت حاسس بكل كلمة بتقراها
حاول و قولى هتحس بإيه
عاقلة فى زمن الجنون
المشكلة كلها إنو مش بيعرف يعيط
شكرا على المرور والروشته
بس صدقينى بحاول معاه على آخرى
شكرا مرة تانى
وأحنا أتعودنا على إيه ؟؟؟
على إنى كل شئ عادى
عادى بقة
أودى
أنا حرة
إنتى حرة تفسريها على إنها ميملاش عين إبن آدم
بس أنا تفسيرى ليها إنى الراحة النفسية أهم بكتير أوى من أى راحة تانى
ربنا ينعم علينا بيها إن شاء الله
نورتينى
وإنتى حرة
وأنا عادى بقة
أودى
زهرة الياسمين
حقيقى إللى بتقولى علية بيريح بجد
بس المشكلة مش فى كدة المشكلة إنى عاوز أعيط على حاجة معينة
حصلت من 4 سنين تقريبا
ولسة مش عارف أديها حقها فى العياط
عادى بقة
أودى
مرسى بجد على النصيحة الغالية
شكرا
السلام عليكم ورحمة الله وبركاته
تاني بوست انهارده للبحث عن السعاده
صالح نفسك وارضي بما قسمه لك الله هاتلاقيها علي طول
سلام
خمسة فضفضة
وعليكم السلام ورحمة الله وبركاته
الحمد لله
بس الدموع مخنوقة جوايا
وهيه إللى تعبانى
منورانى دايما
وآسف مشغول بجد فى الشغل
وعادى بقة
أودى
اخيرا ظهرت حمد لله على السلامه
بقي يوم ماترجع تكتب تكتب انك حزين
ربنا يشيل الحزن من قلبك يارب
هممم
ليه طيب كدة؟!
تائهة بين الخيال والواقع
يارب وإنتى كمان
آسف إنى كتبت كدة
بس إنتى عارفة هوة بيبقى أحساس
وبنخرجو علشان يمكن يخفف عننا شوية العزاب
مرسى بجد على الزيارة وعلى الدعوة
ومسيرها تفرج
ربنا كريم
عادى بقة
أودى
إبى الجميلة
بجد وحشانى أوى
وحمدلله على السلامة هوة آه مش البلوج بتاعك بس هنعمل إيه فى ولاد ال
بس بقولك حاولى تانى وتالت ورابع
متيأسيش
منورانى بجد بزيارتك دى
وألف سلامة عليكى المود بتاعك تعبانه
يارب يكون شوية برد صغيرين ويعدو على خير
شكرا يا أبى بجد
وعلى فكرة عن علشان مش بعرف فعلا أعيط
ودى مشكلة كبيرة جدا
الدموع بتغسل الهموم
صدقينى نعمة
ربنا يصبرنا
وعادى متعودة
أودى
انتى عبرتى عن احاسسيسنا كلها بجد كلماتك معبره قوووووووووووى
الحزن سببه انك مش مستمتع
لان روحك مش مستمتعه
وسبب ان روحك مش مستمتعه انك مش بتغذيها
ابحث عن غذاء روحك تستمتع ولو كنت مطحون فى كل ما سبق ذكره
ظاهريا المفروض تتحسد:D
ربنا يكون في عونك
من جوه وتعرف تعيط شويه
حتي الدموع راحه
انا قولت اسلم بقي :))
ممممممم يمكن شوية رضا صغيرين تكون محتاجهم
عامة دي طبيعه بشريه
لما بنحقق كل الي عايزينه و مايتبقلناش حاجه عايزين نعملها بنفقد اهتمامنا بكل حاجه
و تجلنا الحاله دي
عامة يا اودي حاول ماتستسلمش و كله هيكون تمام ان شاء الله :)
فينك ؟
موجود وهرجع أكتب تانى إن شاء الله
ماهى عادى بقة
وكل شئ عادى
وبما إنى أنا عادى
فيبقى عادى بقة
أودى
اديك قلت
عاااااااادى
وبتحصل فى احسن البلوجات
:)
معلش مش عادى لان النعم الكثيرة تجلب الشقاء والسعادة مع معرفة قيمة النعمة وليست النعمة والشكر لها راجعى نفسك
Post a Comment