Monday, January 22, 2007

عادى بقة

أيوة الموضوع إسموا عادى بقة
أقلكوا لية ؟؟
كنت عاوز أكتب موضوع
فقلت هكتب إنى أنا مخنوق شوية
وبعدين إتضح إنى مخنوق بقالى كتييييييييييييييييييييييييييير قوى
فلقيت إنى الموضوع عادى
فقلت طيب خلاص أكتب إنى مشتت
وبعدين لقيت إنى سبب الخنقة إنى مشتت وانا قلت إنى الخنقة عادى يبقى التشتت دة عادى برضوا
قلت أكتب عن الحاجة إللى حاسس إنى مفتقدها
الحب
بس رجعت قلت ياواد إنته هتحب وإنته مخنوق ومشتت كدة
مش هينفع وبعدين ما الموضوع إللى فات كان عن الحب
كفاية كدة متتكلمش عن الحب
فكرت لحظة كدة
لقيت إنى ظهرى بيوجعنى جدا جدا
آه واللهى
قلت أكتب وأقول إنى تعبان جدا ومع ذلك بحاول أكتب
طيب وبعدين إنتوا إستفتوا إيه من كدة ؟؟
أنا عارف إنى مفيش أستفادة
وبعدين أفتكرت إنى المفروض أسافر أسوان تانى
علشان ماما مش عوزانى أقعد لوحدى فى البيت
بس دة فكرنى بحاجة تانية خالص
إنى عاوز أعيش لوحدى
أيوة
من غير ما أكلم حد
ولا أصاحب حد
ولا أشكى لحد
أحساس غبى
أيوة غبى
إنك تكون عاوز تعيش لوحدك
وتعيد تفكيرك
يعنى تعمل
low disk format
أيوة
على رأى الأغنية إللى بتقول
رفضك يا زمانى يا مكانى يا أوانى أنا عاوز أعيش فى كوكب تانى
طبعا أنا قاعد دلوقتى مرة على جنبى اليمين ومرة على جنبى الشمال
بس قررت خلاص
أنا هقوم أنام
لانى أنا بعتبر النوم دة أحسن وسيلة لهزيمة عقلى
على فكرة لو أتجننت محدش يزعل
وعادى بقة
أودى إتجنن

48 comments:

الكلام نوعان :كلام فارغ وكلام مليان كلام فارغ said...

ياااااه ...احلى حاجه انى اول واحده تعلق
يا اودي ماتستعجلش على رزقك هاتحب هاتحب بس عايزاك بقى اول ما تقوم من النوم يبقى عندك امل انك هاتلاقيها بالصدفه في اى حته ولعلمك انا حاسه بيك جداااا لانى فعلا نفسي احب انا كمان والاقي اللى يستاهل
ثانيا ماتعيش لوحدك وماتعزلش نفسك عن العالملانه غلط ده انت بالعكس امتزج مع الناس يمكن تلاقي اللى انت بتحبها
وعادي بقى

Memo said...

ايه الكابه المسيطره على الموضوع من اولو يا ابني انا كدا خلاص هروح اموت مش هنام
يا ريت تخرج من المود الرائع ده
و تفوق كدا
تحياتشي

mariam said...

ياه اخيرا بوست جديد
يا ريت تسافر حتى تغير جو
و يمكن تطلع من المود ده
تحياتى ليك

ody911 said...

الكلام نوعان

أنا عارف إنى إن شاء الله هلاقيها

بس يعنى مستعجل شوية

بينى وبينك خايف على نفسى من الخنقة

أصلى سعات كدة بتخنق لدرجة غنى مش عاوز اعمل حاجة خالص
ولا حتى أحب

فبحاول الحق نفسى وأنا فى المود دة

أما بقة إنى أنام وأصحى عندى أمل

فدى صعبة اليومين دول شوية

بقولك مخنووووووووووووووووووووووووووووووووووق

صدقينى

وبعدين إنتى نفسك تحبى خلاص إتحلت
هههههههه

وعادى بقة
أودى

ody911 said...

ميمو

منور يا أم حظ زى حظى

معلش يا بنتى كلنا لها بقة

انا كل ما أحب أضحك أروح أقرأ البوست بتاعك

هههههههههه

بجد جامد


أما بقة المووود إللى أنا فية دة

فدة محتاج أعجوبة

أو على راى المثل

لمونى إللى غاروا منى
جالولى وإش عجبك فيها

جاوبت إللى جهلوا فنى

خدوا عينى شوفوا بيها

وعاتشى بقة

أودى

ody911 said...

مانو


معلش يا مانو أصلى حاله الأكتئاب زايدة قوى عليا اليومين دول بالزااااااااااااااات

بس ربنا يسهلها كدة وتتفك العقدة

ألا قوليلى متعرفيش مستشفى الخنقة يروحولها إزاى

وعادى بقة
أودى

sara... said...

هييييييييييييييييه
اودى اتجنن
ما تدايقش نفسك يا اودى
عادى بقه ولا ايه

LAMIA MAHMOUD said...

بص الاول عشان نتفق ما ترميش بلاويك على الخنقة وتقول جننتك:)

بس الف سلامة عليك ويارب يارب اشوفك عريس كده وخد بالك من نفسك عشان ده برده في العضم فاتدفا كويس

وبعدين كوكو اية اللي عايز تروحه اللي ماسكيين الكوكو مش موافقين وانا لو منك ادورلي على حد في الكوكب ده الاول عشان نطلع سوا الكوكو التاني يعني نفلح في اللي نعرفه الاول
الف سلامة عليك من الخنقة ومن الوجع ومن الزهق ومن الجنان كمان

مُزمُز said...

يا عم حب إيه اللي انت جاي تقول عليه

على فكرة يعني الحياة بتستمر من غير حب طبيعي جدا
أي نعم هو عنصر مهم في حياتنا بس عادي يعني ما احنا عايشين مبسوطي من غير حاجات كتير مهمة
إنما الحاجة الوحيدة اللي أتحداك إك تقدر تستغنى عنها هي الناس والأصدقاء لأن الوحدة دي شئ قاسي جدا جدا جدا فوق ما تتخيل واسألني أنا أصل أنا عامل ماجيستير في الوحدة
ههههه

عموما ألف سلامة على ضهرك يا جميل

ody911 said...

سارة

إنتى فرحانة فيا

ماشى

ماشى
ليك يوم يا ظالم



نردهالك فى الأفراح ومهما تبعد وتروح

برضوا فى بلدنا

عادى بقة
أودى

ody911 said...

لمياء

أولا منورة

ثانيا منورة

ثالثا منورة


رابعا وخامسا وسادسا وسابعا وثامنا وتاسعا وعاشرا

بس خلاص

وعادى بقة
أودى

مجنون مجنون يعنى

ody911 said...

لمياء

تانى

أنا بس عيشتكوا معايا لمدة 5 دقائق فقط

أمال لو كملتوا معايا اليوم إيه إللى هيحصل بقة !و

عادى بقة
أودى

ody911 said...

مزمز

يامعلم كلوا ماشى

سواء ببنات او من غيرهم

الحياه لازم تستمر

بس سعات كدة بتحس إنك محتاج حضن أو حته بوسة

يعنى حاجة تمشى العملية شوية

ولا إيه رأيك ؟؟

عموما

عادى بقة
أودى

smraa alnil said...

يا لهووووووووووووووووووووي يا اودي

لالالالالالالالالالالالالالالالالالا

بص بقي

انا مخنوقة من ساعه ما اتولدت فعادي برضه

اكيد بكرة احلي والحياة هتستمر

والتشتت دة بسبب ان فيه مليوووووووون فكرة وفكرة بتيجي في دماغك وانت بتهرب من التفكير فيها ومش عايز تركز

فاقعد بس رتب حياتك وافكارك وشوف انت عايز ايه والتشتت دة هينتهي
بالنسبة للحب
فدة تاعبنا كلنا يا ابني
مش انت لوحدك
بس برضه عادي
دة قدر ربك كاتبه علينا ووقت ما هنلاقيه هنشوفه

حتي انت ضهرك بيوعجك

دة انا ضهري بيموتني بقي
بس علي الاقل استفدت اني عرفت انت جواك ايه وشاركتك باللي جواك
وكلمة الف سلامة عليك وان شالله الي يكرهك بجد
بتريح اوي لو حسيت انها من جوة ناس دافية
بالنسبة للعيش لوحدك
فدة برضه احلامنا كلها
بس مش في حد بيقدر
انا كمان نفسي اعيش لوحدي عشان عارفة اني هعرف ارسم حياتي لوحدي
بس لو مش عرفت فعلي الاقل استمتع
وتعايش
وطنش واعمل عبيط
طنش تعش تنتعش
وبعد الشر عليك يا قمر من الجنان
طب دة انا كنت اتجننت وراك هههههههه
انا حسيت من تعليقك عندي انك مش مبسوط قلت اجي اشوف في ايه

smraa alnil said...

انا جاية تاني بس بابا ورايا بقي
ها

Ma 3lina said...

بتفكرنى بواحدة كده
يالا عادى بقه

اهو انت طلعت كل اللى فى معاميقك و فضفضت

خش نام و الصباح رباح

بين الأمل و اليأس said...

الله يخرب بيتك ايه اللي حصلك دنا كنت سايبك على كوبري "الامل بكره احسن" ايه اللي جابك عندي هنا
دانت طلعت حالة ميؤوس منها ايه يابني انت مرحتش الشغل ولا سافرت اسوان
ياد اعقل
حب ايه يابني
حب نفسك وحب بيتك وحب اهلك وحب اصحابك وحب على نفسك
يمكن تلاقي اللي تحبها
وبعدين ياخي حد عايز يحب في زمن يبقه ليه بلوج خاص كدا والناس دي كلها بتجيله وعايز يطلع لعالم الواقع
ياشيخ روح
طب تصدق انت لو عرفت انا فيه ايه دلوقت لهتيجي في السريع
فاكر مين وداك المستشفى
انا عندي نفس الموقف بس من لحظه معايا وفجأه سابني وراح لغيري
القادر على كل شيء
مفهمتش حاجه
بس اهه مش مشكله
انا وانت طايرين طايرين
على سكة النايمين نايمين
اه ونغني ياليل
ونغني ياعين
دا الخنقة
ونغني نغني على سكة العاطلييييين
يالله روح كمل نومك وبكره كلمني انا الحكومة جاية بكرة وهابدأ الطحن صح وهاتبقه كل حاجه خنقة في خنقة
وربنا يسترها

ody911 said...

إنجى

من الآخر كدة إنتى حسستينى بحنان الأب
هههههههههههه


ماشى يا ستى

بكرة أحلى

وعادى برضوا لو مكانش أحلى

ody911 said...

ما علينا

ههههههههه

مين بقة إللى بفكرك بيها دى

كدة كنتى هتنسينى

تشربى إيه ؟؟

طبعا دة واجب الضيافة

دى إنتى أول مرة تشرفينى فى المدونة المتواضعة بتاعتى دى

يارب متكونش آخر مرة


علشان نعرف مين صحبتك دى إللى تشبهنى

وعلى فكرة أنا مش عرفت أنام خالص

حاجة تخنق

حتى النوم مش عارفين نعملوا

بلا نيلة

وعادى برضوا

صابر عللى بيجرالى

وإنتى لا ليكى عزيز ولا غالى

صابر عللى بيجرالى


أودى

ody911 said...

حازم

أوعى تكون بتقصد...... و

لو إللى فى بالى

يبقى البقاء لله وحدة

ولو فهمت غلط قلى

وكلمنى فى البيت ياد

إشطة

وعادى يا أبنى

صدقنى عادى
وأقل من العادى


دول 5 دقائق من إللى بيدور ساعات فى زهنى

وعادى بقة
أودى

الكلام نوعان :كلام فارغ وكلام مليان كلام فارغ said...

هاى يا اودي انا كنت عايزه اطلب منك خدمه ياريت ماتكسفنيش
ممكن تقولى انت عملت احبك جدا دي ازاى وممكن كمان تقولى احط ملف فيديو او اغنيه ازاى برضه .....شكرا جدا
وعادي بقى

Unknown said...

عادى بقه انك تفضل مشتت و مخنوق كلنا مرينا بده لكن الى مش عادى انك تستمر فى كده فتره طويله

اوجه لك نداء
الى عادى بقه القاطن بمصر المحروسه لا تشرب من دواء النوم و الاستسلام
و حاول تخليى فى حياتك شئ مش عادى

تحياتى
واحد بيحاول يكون مش عادى

remaliza said...

ههههههههه
بص انا حسيت انى عايزه اضحك مش عارفه ليه
بس انت لو مدايق ومشتت لازم تاخد فتره استجمام مع نفسك شويه وبعدين تفضفض لحد
وطبعا انت فضفضتلنا
هى الكلمه طلعت طويله مش عارفه ليه
بس على العموم يمكن تعرف تقرااها
هههههههه
بس سافر غير جو او اعد مع اصحاك ماتعدش لوحدك عشان هاتحس بملل فعلا
بس اعتقد النوم مش حل ابدا لانه بحال او باخر الهروب مش وسيله لحل مشاكلك
لانك هاتصحى تلاقيها تانى
لازم تواجه
هاتستريح كتير
وعادى بئه يااودى باشا

Unknown said...

ايه ده ياراجل,كله كده عادي
علي فكره انا مش بحب كلمة عادي دي, لأن ماينفعش ان كل حاجه تبقي عادي كده عشان الملل, حاول انك تعمل حاجه جديده, حاول انك تتغير
وان كان علي الحب, هيجي هيجي ان شاء الله, هو يعني هيروح فين؟ بس ماينفعش لما يجي يلاقيك عادي كده ومكتئب
وبعد الشر عليك من الجنان (:

ody911 said...

الكلام نوعان


يسلام ياسلام

عنيا ليكى

إنتى بس تأمرى


بصى يا ستى


أنا حاولت أكتبهم فى الرد هنا بس منفعش


عموما أنا موجود الميل بتاعى على البلوج
والأيميل بتاعى اهوة


mahmoud_hegab@yahoo.com

ضيفينى عندك

وهديكى الأكواد من على الماسنجر أحسن

ماشى
وأى خدمة

وإلى عاوز ياخد الأكواد دى يضيفنى عندوا وأنا هديهالوا

ماشى الكلام

كلام جميل
ههههههههه


وعادى بقة
أودى

ody911 said...

why me

ما أنا بقول كدة برضوا

أنا كارف إنى كل سكان مصر مروا بفترة التشتت دى

والخنقة كمان

بس إنك تقعد كدة أكتر من 10 سنين

فدة مش عادى


ومع ذلك أنا خليتوا عادى

وأقل من العادى

ننجرح عادى
نتنسى عادى
الالم عادى
والندم عادى
والعزاب عادى
أى حاجة كل حاجة
مش غيرية
وعادى


تصدق بقة إنك نستنى


تشرب إيه بقة يا باشا ؟؟

ومنور بجد هنا

ويارب متكونش آخر مرة تزورنا

وعادى بقة
أودى

ody911 said...

ريم


قبل ما أرد عليكى

رحت شوفت آخر بوست ليكى

هههههههههههه

كلنا فى الهوا سوا يا جميل


ومنورة واللهى هنا


وعملتى إيه فى الأمتحانات

إن شالله خير

متنسيش شيكولاته النجاح

ماشى

وعادى بقة

أودى

ody911 said...

إسراء


بصى بقة إنتى مواضيعك حكاية تانى خالص

فهقرأها الأول وبعدين هرد عليكى

أنا بس بقولك إنى مش ناسى الرد بتاعك

بس هياخد شوية وقت معايا كدة

وعادى بقة

صحيح تشربى إيه بمناسبة الزيارة العزيزة دى بقة ؟؟

عقبال ما تشربى الشاى كدة أكون رديت عليكى

وعادى برضوا
أودى

remaliza said...

ههههههه مبسوط يااودى اننا فى الهوا سوا
عموما مش هاتلاقى حد مش عنده مشاكل
هى الدنيا كده ياصاحبى
بس لازم نعيشها اكن مافيش حاجه عشان نقدر نعيش
وبعدين انت الشيكولاته بتاعتك فى التلاجه مكتوبه عليها اودى طبعا مش
هانساك
بس هى تطلع الاول وادعيلى بئه

ody911 said...

إسراء

دلوقتى بس أنا فهمت إنتى لية بتكرهى عادى

زى ما قلتلك إنتى بتتحدى الظروف

وبتتحدى نفسك

أوقات كتير الواحد بيحاول يتحدى نفسة

والظروف كمان

يمكن علشان ينسى حاجة

أو فشل

أو حتى نجاح


بس صدقينى عادى دى على حجات تانية خالص

على مجتمعنا

على مصر بلدنا

على حكومتنا

على الشباب إللى نفسهم يعملوا حاجة ومش عارفين



على التغيير


يعنى موضوع عادى دة موضوع كبير شوية


يمكن علشان سنك الصغير من وجهه نظرى

لسة عنك أمل كبير

أنا مش بحبط عزمتك

لاء

أنا بحكيلك على بكرة

بكرة

محتاج تخططى كويس أوى

ومتغلطيش ولو غلطة صغيرة أوى

يمكن أكون فى حالة يأس مؤقت


بس بالتأكيد أنا مش بيأس لفترة طويلة

أنا دايما متفائل

بجد واللهى

مش بحب التشائم

وعندى يقين بالله كبيير أوى

أقوى من كل الظروووف مهما كانت صعبة

وأعرج وأقول

عادى برضوا

إللى فيه الخيير يقدموا ربنا

أودى

ody911 said...

ريم


بتاكلينى يا ريم

كدة

ماكنش العشم

بس أقولك

كلينى

أهوة أتاكل من واحدة جميلة زيك ولا أتركن فى التلاجة

ههههههههه


وعلى رايك

مسيرها تروق وتحلى

وعادى برضوا
أودى

ody911 said...

إنجى

إنتى مجتيش لية

هوة بابا لسة واقف وراكى

يا شيخة تعالى

أنا بنبسط لما بلاقى تعليقك عندى

بجد واللهى

علشان نتكلم فى موضوع الصانية دة

هههههههههههه


أنا كل ما أفتكروا أقعد أضحك

وقول عليكى فقرية اوى

وربنا يفك ضيقتك يا رب

وبابا يبعد شوية
ههههههه


وعادى بقة
أودى

smraa alnil said...

انت اكيد قلت جزر
عشان لقتني اتشديت وجيت هنا علي طول

انت تامر يا اودي

الراجل دة مش عارفة اعمل فيه ايه

بص بقي

لو كنت جتلي انبارح وقلت جزر دي
كان زماني جيت وقعدت ارغي معاك للصبح
بس انا بقي مودي زي الزفت النهاردة

عامة هو كل اللي عجبك في الموضوع موضوع الصينية
يا ابني احنا لينا ذكريات مهببة
هههههههه
بس بجد بجد يعني انا مش حابة انك توصل لمرحلة الحزن دي والزهقان دي

حتي لو بكرة مش احلي
اكيد الي جاي اهون بكتير من الي فات

عارف بجد يا اودي احنا مشكلتنا في ايه
ان الحتة الشمال دي ترتاح
ساعتها بس مش هتحس بمشاكل الدنيا والقرف اللي حواليك
هتلاقي هدف بتجري وراه وبتنسي بيه حزنك

احساس حلو صح

بس الاحساس الابشع انك مش لاقيه

احيانا بسال نفسي

اوافق علي عريس بكرة دة واريح نفسي ويبقي ليا بيت واولاد واقلب الحياه
ولا استني اني احب

عشان احس اني لسة عايشة
دبرني يا وزير

خايفة عمري يعدي ومش الاقي اللي عايزاه

بس انا مشاعري اقوي اني اسلمها لحياة روتينية

ولواحد هيبقي مجبر علي تعامله معايا
عشان هو جاي اصلا عشان يتجوز
مش هيتجوز عشان هو بيحب
فاهمني يا اودي

بس عارف احيانا بقول الحل في ايه

صدقني بجد الحل في لبن الام والبطاطس

ody911 said...

ههههههههههه

ماشى يا أنجى أشربى لبن وكلى بطاطس

بس متستسلميش


علشان دى هتكون القاضية

فاهمه طبعا

يعنى الوزير بيقول نصبر إن الله مع الصابرين

متستعجليش لو عنستى هتجوزك وخلاص

وأهو يبقى زيتنا فى دقيقنا

وعادى بقة
أودى

smraa alnil said...

ههههههه
شكلك هتبيعني يا اودي
مش عارفة يا وزير اعمل ايه
بجد الموضوع دة خانقني اوي
عارف لما تلاقي نفسك ف لحظة هتبيع عمرك كله واحلامك كلها
وبعدين دول في البيت خلاص سموني عانس
25 سنة
هتروحي فين بعد كدة
وكلام من دة
بص
استناني هنا شوية انا هروح انتحر واجيلك
مانا خايفة اصبر صبري يطوووووووووووووووووووول
بس ادعيلي انت بس

media said...

ياااااااااااااااااااه دا انت حالتك صعبه اوي يظهر يااودي ان الحالة الي انت فيها عدوى منتشره في الجو وان كل الناس بقت كئيبه وحزينه ومخنوقه بس يارب الحالة متدهورش وتوصل للجنون

ody911 said...

إنجى

واللهى يا بنتى الأحساس دة مسيطر عليا

بس بتجاهل هذه المخاطرة

لاء بجد مش عارف بقة

صلى صلات إستخارة وخلاص

يمكن يكون فية خير

وبعدين ممكن تجربى يمكن يعجبك وتحبيه

آه ممكن

محدش يعرف الخير فين ؟


فرأيي النهائى إنك تخوضى التجربة دى

ومتسألنيش تانى تعملى إيه فى الموضوع دة علشان لو سألتينى هغير رأيي على طوووول

مشتت بقة

وأحتمال كبير أكون أتجننت

وعادى بقة
أودى

Tamer Nabil Moussa said...

اودى مالك يا ابنى كل دة جواك وساكت لا لازم تقول وتحكى

عارف الواحد لما يكون مضايق ومحنوق ومش شايف حاجة ادامة حلوة ومش عارف يعمل اية بكبر وينام

او يمسك ورقة وقلم ويقعد يكتب عن كل حاجة يعرفها او عمرة ما شافها
الطريقة دى متجربة

وعادى بقى

تحياتى

ody911 said...

لولا

شكلها إطورت بجد

أنا يوم كدة وبقيت الشهر كدة

ههههههههه

طبعا فاهمة

عموما إن شاء الله فرجوا قريب

من اى إتجاه بقة

وبينى وبينك مبقتش تفرق

سينا من سونيا

وعادى برضوا
أودى

ody911 said...

تامر

شكرا يا باشا على الكلام والنصايح دى

بينى وبينك أنا مجرب الموضوعين

همه فعلا بيريحوا

بس النوم بيريح أكتر

على الأقل مش بيخلينى أفكر فى حاجة خالص


ومنوريى يا باشا

وإن شاء الله مرحلة وتعدى

مع إنى أشك فى دة

وعادى بقة
أودى

الناي الحزين said...

السلام عليكم



هرد من الاخر للاول

اولا

النوم ده مش وسيله لهزيمة عقلك بل وسيله للهروب من المشاكل والازمات اللي بيفكر فيها عقلك


ثانيا كتيييير مننا بتمر عليه ساعات بيبقي مش طايق حد ولا حتي نفسه فبيتمني انه يبقي لوحده بس اول مايبقي لوحده بيشتاق للناس لصديق يسال عليه لحد يطبطب عليه لحد يفضفض لعه ويشكي له همه لحد يفرفش معاه

ثالثا انت مستعجل اوي ع الحب قال يعني هو اللي هيخرجك من الخنقه اللي انت فيها مش ممكن يدخلك في خنقه اكبر

اكييييد ربنا كده كاتب لك الخير واكيد اللي بيحصل لك هو الاحسن من اللي مابيحصلكش
خليك مؤمن بكده ان ربنا دايما بيختار لنا الاحسن


رابعا لا مش عادي بقي انت كده افورت بقيت اوفر يعني لما تبقي بقالك 10 سنين مخنوق يبقي انت اللي مش بتحاول تخرج نفسك من اللي انت فيه دور علي صديق
وصدقني مش هتلاقي احسن من ربنا وكلامه يخرجك من اللي انت فيه


خامسا الف سلامه عليك وعلي ضهرك

صادسا والاخيره لاني عارفه اني طولت عليك لازم تسافر لوالدتك فاكيد هي مشغوله عليك وهي ليها حقوق عليك


وعادي بقه

السلام ختام

ody911 said...

الناى الحزين

وعليكم السلام ورحمة الله وبركاته

هرد عليكى ى كل جزئية على حدة

أولا

النوم وسيلة للهروب

مين قال إنى مش فاصدى كدة
أنا عارف إنى النوم وسيلة للهروب
وأنا فعلا بهرب

بهرب بكل قوة

تعرفى يعنى إيه مخك يفضل شغال 24 ساعة متواصل

تعرفى يعنى إيه محتاجة تخططى لكل خطوة وتحسبيها صح أوى

تعرفى يعنى إيه الغلطة تفرق كتيير أوى فى حياه الانساء

طبعا هتقوليلى
رزقك مكتوب
سعيد أم شقى مكتوب
زوجتك مكتوبة
مستقبلك مكتوب


أنا عارف

بس مؤمن بحاجة تانية

وهى
إن الأنسان مسير

بس بإرادته الحرة

يعنى مثلا مروحش أشرب وأعمل معاصى وأقول طيبب ما ربنا كاتب عليا كدة

لاء

أنا فعلا مكتوب إنى هعمل كدة

بس لو بطلت كتابة دلوقتى ومكملتش كتابتى ليكى هتكون دى إرادة نابعة منى فى الحالة دى

وهيه برضوا مكتوبة


يعنى من الآخر

إنتى إللى بتعملى مستقبلك
وإذا كنتى سعيدة أم شقية
وبتجتهدى

وأنا من كتر ما بحاول الأجتهاد

صدعت
تعبت
مليت


قدامك ألف طريق وطريق
لازم تختارى واحد بس
صعب مش سهل صدقينى




نيجى بقة لثانيا

أنا برضوا معاكى إنى مش هقدر أعيش حياتى لوحدى

بس أنا فكرتى كلها إنى أقعد مع نفسى شوية

يعنى مش أكلم حد

وأحاول جاهد إنى أرسم خطة جديدة للمستقبل
بدون تدخل حد

ولا حتى صديقى مع إنى بحبو


على الأقل تتأكدى من قدراتك

ثقة بالنفس يعنى



ثالثا بقة

صح
ممكن الحب يدخلنى فى مشاكل تانية كتير وممكن يحل المشاكل كلها

بس سعات بتبقى محتاجة تملى الفراغ العاطفى مش مهم بقة هيزيد ولا هيقلل مشاكلك

إنتى طبعا بتتمنى يقلل مشاكلك
بس بتحاولى فى إتجاه تانى



رابعا

إنتى عارفة لولا إيمانى بالله

كان زمانى ........

بس فرجوا قريب
والله المستعان


خامسا
الله يسلمك من كل شر


سادسا

أنا فعلا مسافر كمان 18 ساعة تقريبا


وبرضوا عادى
أودى

مصر هى أمى said...

بس يا اودى انا هاقولك على نصيحة كويس اوى اشرب كباية مية وروح اقف على كوبرى قصر النيل وعاكس اى بنت حلوة معديه وسيبك من حكاية الجواز ديه علشان ديه اللى هتجننك اكتر

الناي الحزين said...

السلام عليكم


طبعا شكرا ع الاهتمام والرد المفصل

بس نصيحه مني سيبها علي الله طبعا لازم تجد وتجتهد بس ماتموتش نفسك من التفكير ربنا ماقالش كده

خليها ع الله نكسب وترتاح

ody911 said...

مصر هيه أمى

منور هنا يا باشا

تشرب شاى ولا قهوة ؟؟

ومبروك إنك بقيت من المدونين

ومنتظرين المزيد من أفكارك

عجبتنى مدونتك وإن شاء الله هرد عليك فى موضوع رسالة إلى الوالى دى

ونصيحتك حلوة برضوا

بس المشكلة إنى حاليا فى أسوان

فممكن نعدل فيها شوية وأقف على الكورنيش وأعاكس الأجانب

يمكن شرطة السياحة تعتقلنى ولا حاجة

وهو يبقى تغيير

وعادى بقة
أودى

ody911 said...

الناى الحزين

وعليكم السلام

ربنا يقدم إللى فيه الخيير

عموما أنا بستجم اليومين دول

يمكن حاجة جديدة تحصل

وعادى برضوا لو محصلش حاجة

أودى

smraa alnil said...

يعني البيه هنا في القاهرة
طب انا عذرتك عشان عرفت انك في اسوان
ماشي يا اودي
ادبا ليك بقي
ليك تاج عندي في مدونتي غصبا عنك هتجاوب عليه

We2am said...

يخربيت اللي يزعلك :S

Every breath you take And every move you make Every bond you break Every step you take I’ll be watching you Every single day And every word you say Every game you play Every night you stay I’ll be watching you Oh, can’t you see You belong to me Now my poor heart aches With every step you take Every move you make Every vow you break Every smile you fake Every claim you stake I’ll be watching you Since you’ve gone, I’ve been lost without a trace I dream at night, I can only see your face I look around but it’s you I can’t replace I feel so cold and I long for your embrace I keep crying baby, baby please Oh, can’t you see You belong to me Now my poor heart aches Every step you take Every move you make Every vow you break Every smile you fake Every claim you stake I’ll be watching you Every move you make Every step you take I’ll be watching you I’ll be watching you Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you) Every breath you take Every move you make Every bond you break Every step you take (I’ll be watching you) Every single day Every word you say Every game you play Every night you stay (I’ll be watching you) Every move you make Every vow you break Every smile you fake Every claim you stake (I’ll be watching you) Every single day Every word you say Every game you play Every night you stay (I’ll be watching you)