مجنون

واللهى يا جماعة أنا قلت أكتب حاجة بقة مضيقانى بقالى كتيير قوى كدة يعنى

الموضوع بتاعى النهاردة لسة فى نطاق التعريف بالشخصية يعنى

موضوعى هيتكلم عن أجن حجات نفسى أعملها

أو

نفسى تحصل

نبدأ بإيه بقة

بداية سريعة على طوول من غير ما حد ياخد باله كدة

أنا نفسى أطلع على كوبرى قصر النيل والكورنيش ومعايا شوية ورد كدة

ودة طبعا علشان نفسى أقابل كل أثنين بيحبوا بعض وماشيين مع بعض أروح أديلهم وردة هدية بتعبر عن حبى للحب إللى همة بيحبوه لبعض

يعنى حاجة كدة رخمة شوية

أديهم الوردة وأمشى من غير ما أقول حاجة

على فكرة مش هوقف واحد آخر الكوبرى ياخد منهم فلوس طبعا

لحسن تفهمونى غلط

طيب نقول دى عادى يعنى مش مشكلة ممكن تحصل

بس مش عارف لسة مجتليش الشجاعة يمكن أو خايف الناس دى تفهمنى غلط

طيب ثانى حاجة إيه يا معلم

أقولكوا

كلكوا سعات كدة وإنتوا ماشيين أو راكبين أو بتشربوا شاى مثلا

ممكن فجأتا أو على سهوة كدة

تشوفوا بنت حلوة جدا

أنا عارف إنى معظمنا بيتفرج وهوة ساكت ( دة المأدب )

والباقى بيعاكس وفى ناس بتقول لصحابها يبصوا ويشوفوا وناس بتتمنى إنها تكون على علاقة بالبت دى من قريب أو من بعيد

أنا نفسى فى حاجة تانية خالص

نفسى لما أشوف بنت حلوة فى الشارع أوقفها وأقولها

آنسة إنتى حلوة جدا

بس

بس المشكلة بقة إنى فى ناس هتفتكر إنى دة نوع من المعاكسة الوقحة

بس أنا شايف إنوا نوع من الأطراء الواجب

مش عارف لية نفسى أعمل الحركة دى

والناس متفهمنيش غلط

هوة كل الحكاية إنها حلوة وأنا عاوز أقولها إنها حلوة بس

يعنى مش عاوز أتعرف عليها ولا أخد رقم تليفونها ولا أروح أخطبها مثلا

أنا عاوز أوضح وجهة نظرى

بالطبع وجهة نظرى فى البنت اللى مش جميلة الشكل مش هقولها ودة علشان مجرحاش

بس من حقى إنى أقول للبنت الحلوة إنها حلوة

طيب عرفنا ثانيا

نعرف ثالثا

إنى أقف وسط المطر مع البنت إللى أخترتها تكون حبيبتى وأبوسها تحت المطر بس هاه مش عاوزين حد بقة يقول وإيه كمان ؟

رابعا بقة

إنى أمسك منصب كبير يخلينى أمشى الحرمية على العجين ميلخبطوهوش

أما خامسا

إنى الناس تراعى مشاعر الآخرين

مطالبى ممكن تكون عادية لدرجة أستحالة تحقيقها

وممكن تكون صعبة بإحتمالية حدوثها

بس أهوه

مجنون

وعادى بقة

أودى

LADY IN RED

Lady In Red
Originally performed by Chris DeBurgh (born Christopher John Davidson 10/15/48 in Argentina of Irish parents
The song reached #3 on the Top 40 charts in 1987
A classic first dance song at weddings

the song


I've never seen you looking so lovely as you did tonight,I've never seen you shine so bright,I've never seen so many men ask you if you wanted to dance,They're looking for a little romance, given half a chance,And I have never seen that dress you're wearing,Or the highlights in your hair that catch your eyes,I have been blind,
The lady in red is dancing with me, cheek to cheek,There's nobody here, it's just you and me,It's where I want to be,But I hardly know this beauty by my side,I'll never forget the way you look tonight;
I've never seen you looking so gorgeous as you did tonight,I've never seen you shine so bright, you were amazing,I've never seen so many people want to be there by your side,And when you turned to me and smiled, it took my breath away,And I have never had such a feeling,Such a feeling of complete and utter love, as I do tonight,
The lady in red is dancing with me, cheek to cheek,There's nobody here, it's just you and me,It's where I want to be,But I hardly know this beauty by my side,I'll never forget the way you look tonightI never will forget the way you look tonight...The lady in red, the lady in red,The lady in red, my lady in red.

dadicated to all of the womans around the world

specialy

happy valentine day

to you einjy

الحجات المستخبية

هقوق إنى مدبس فى التاج دة من مروة يعنى الناى الحزين

بس هقول كمان إنى مبسوط إنى لقيت حجات محدش يعرفها غيرى

ومبسوط أكتر إنى أفتكرتها

وهقول كمان إنى البوست دة هيتمسح بعد 10 أيام

خلوا بالكوا علشان دى فضايح بجد

وصحابى لو شافوة هتبقى مصيبة

تريقة بقة بقيت العمر

هههههههه

يالة

بسم الله الرحمن الرحيم

لقد تم المسح

هههههههههههههههه

وعادى بقة

أودى

شوية حجات كدة

أولا أستجابة بطيئة منى أنا آه

لأنوجى

علشان السفر واللأزى منه

اية اللي حيحصل لايميلك لما تموت ؟

سؤال رخم من أولها

مش عارف حقيقى بس بجد نفسى لما أموت بعد عمر طويل أوى كدة يعنى وأحد من صحابى يدخل على الميل بتاعى ويبعت رسايل لكل الناس المضافة عندى ويقولهم إنى مت

مش عارف لية عاوز كل الناس تعرف

متهيقلى إنى فى ناس هتزعل عليا

ويمكن حد يدعيلى ولا حاجة زى كدة

أهو كلو بينفع برضو

اديت الباس وورد لحد قبل كده؟

آه طبعا

أنا كل إميلاتى بلا إستثناء معروفة لصحابى

مشاع يعنى

ودة من زمان قوى

علشان كان أول إيميل فى الشلة هههههههههه

بس محدش بيدخل بيهم غيرى

وبقيت أغير الباس وورد دى علشان محدش يطلع على أسرارى

قال الواد بيدارى قال

لو اه كانت طبيعة علاقتك بيه اية؟

صاحبى

بس

هاه

ومتفهموش غلط حاكم أنا عارف فى ناس سيتها نيئة

نيتها سيئة يعنى

اسمك؟

أسمك وبس كفاية أسمك وبس

أسمى محمود فى الأرض والسماء

ودة من واقع ثلاث أسماء كان المفروض آتسمى بواحد منهم

وهم محمد وأحمد ومحمود

وطبعا حكاية الشمع دى هيه إللى خلفت محمود

فضلت الشمعة قايدة لغاية ما زهقوا وطفوها همه

ههههههههههه

اسم الدلع المشهور في وسط اصحابك؟

أودى

ODY

وحودة

وأبو حنفى

بس الشائع والأكثر محبة غلى قلبى أودى

أما 911 دى بقة حكايتها حكاية تانية خالص

ودى أنا إللى ضفتها لشدة ولعى بالبورش 911 نوع عربية هوة

وبعدين تم تطويرة من قبل قلة قليلة من اصحابى بأنوا خدمة النجدة

ودة لأنى سريع فى حل مشاكل الكمبيوتر

عمرك؟

مليون و195 ألف و122 سنة إلا شهر

ههههههههه

لاء بجد حاسس إنى عمرى كتيير قوى

حاسس إنى عايش بقالى 7تلاف سنة كدة

بس عمرى الحقيقى 26 سنه و10 شهور و10 أيام بالتمام والكمال

من الآخر أنا مواليد 20/3/1980 قبل عيد الالم بيوم أفتكروا

عايز هدايا بقة

برجك؟

بما أنى من مواليد برج الحوت

فبالتأكيد برجى هوة برج الحوت

وعلى فكرة كل الصفات غللى فى البرج دة تلقيها عندى

حاجة تخنق

مجالك او مجال دراستك ؟

آه

أنا بقة يا ناس خريج بكالوريوس تجارة جامعة المنوفية

سنه التخرج 2004

تقدير عام مقبول مع مرتبة الشرف

مش شغال

عاطل يعنى

وبالطبع مش متزوج ولا مرتبط حتى

مصعبتش عليكوا

تعاطفك وحدووو مش كفاية

تبرع ولو بجنيه

حسنة قليلة تمنع بلاوى كتيرة

وهنيالك يا فاعل الخيير والثواب

تحديث صغير كدة

من واقع مرور التاج دة على معظم المدونين أكتشفت حقيقة مرة

ألا وهيه

إنى معظم المدونين عندنا هنا دكاترة وصيادلة وبتوع سياسة وأقتصاد ( أنا مش عارف همة بيطلعوا إيه غير سفراء )بجد واللهى

يعنى مفيش حد يجبر خاطرى ويقول تجارة

ياجماعة واللهى فى كلية فى مصر إسمها تجارة وكمان حقوق وآداب وكدة يعنى

صدقونى

حتى أسألو كدة ؟؟

مفيش إلا سمراء إللى جبرت خاطرى وكمان كلام فارغ وكلام مليان وحازم صحبى

شخصيتك نوعها اية؟

سيكوباتى

ههههههههههه

أقولكوا على حاجة بس تصدقونى

أنا مش عارف شخصيتى نوعها إيه لغاية دلوقتى

وكنت كتبت كلمات متواضعة كدة بتقول

إذا أستطعت أن تعرف من أنت

فأنت فيلسوف

ومفكر ومخترع وعالم كبير

بس كدة شوية ملامح منها

عاشق للرومانسية

حالم فى زمن الزيف

متقلب

أعشق الصداقة

حزين

متفائل

مبحبش أكذب

وبضرب لخمة لما بكون بكذب

هههههههههه

وبعين ممكن أكون أى شخصية تتخيلوها

يعنى من الآخر كدة عاوزنى كدة هكون

عاوزنى كدة هكون

وتربتتتووون

المود بتاعك؟

زى الزفت يمكن الزفت أحسن شوية

بس سعات سعات

بحب عمرى وأعشق الحجات

وقت فراغك بتعمل فيه اية؟

ممكن أعدلها وأقول إنى وقتى كلوا ما بين القهوة وصحابى والنت والكمبيوتر

والبيت والحمام ممكن تلاقينى عارف أماكن الحمامات بتاعت جمهورية مصر العربية ,, العيه وحش يا ولاد

الاكلة المفضلة؟

دلوقتى ولا زمان

عموما أنا بتغير كل شوية مش عارف لية

بس لغاية دلوقتى ثابت على الفاصوليا البيضة مع ما أعانية من مشاكل بسببها

فاهمين طبعا الحمام ,وكمان البطاطس المحمرة والمحشى يالة محدش واخد منها حاجة

لصفات اللي خدتها من بابا؟

يااااااااااااااااااااااااااااااااااااااااه كتير

الطيبة والتسامح

الغيرة والبشاشة

التريقة والقفشات

مع إنى مبقتش أستخدمهم كتير اليومين دول

آخر أثنين قصدى

الصفات اللي خدتها من ماما؟

اللف والدوران فى الشارع

هههههههههههه

والألتزام بالمواعيد جدا جدا جدا

مع الحط فى الأعتةبار سوء الأحوال الجوية وسوق الخميس كمان

اكتر 6 حاجات بتكرهها؟

الدنيا

والدنيا

والكذب

والنفاق

وعادى بقة

اكتر 6 حاجات بتحبها؟

الحب

والحب

والورد الأصفر

الأفلام الرومانسية الأجنبية

وأنا ونته ورقصنى يا جدع

الشغل بالنسبة لك؟

أمنية صعبة المنال للشباب اليومين دول من غير كوسة

مستقبل ممكن تبدأ من خلالوا مستقبلك

اية الكومبيوتر والانترنت بالنسبة لك؟

صحابى

امرره لمييييييييين؟؟؟

أنا مش عارف هوة راح لمين ومرحش لمين

بس هحاول بقة

وإللى كتبوا قبل كدة ميكتبهوش تانى ماشى الكلام

حازم صحبى

الأميرة اوسا

سارة فوكاليز علشان نفسى أفهم بوست منها واللهى

وئام

ولمياء

وأميرة

وعلياء علشان مبقتش تيجى عندى بقالها كتيير

أمانى

كلام فارغ بتاع مها

مانو

وميمو

وريماليزا

لولا

وتامر

والناى الحزين

وما علينا

وأى حد عاوز يكتبوا يقول وياخدوا على طووول

وعادى بقة

أودى

عادى بقة

أيوة الموضوع إسموا عادى بقة

أقلكوا لية ؟؟

كنت عاوز أكتب موضوع

فقلت هكتب إنى أنا مخنوق شوية

وبعدين إتضح إنى مخنوق بقالى كتييييييييييييييييييييييييييير قوى

فلقيت إنى الموضوع عادى

فقلت طيب خلاص أكتب إنى مشتت

وبعدين لقيت إنى سبب الخنقة إنى مشتت وانا قلت إنى الخنقة عادى يبقى التشتت دة عادى برضوا

قلت أكتب عن الحاجة إللى حاسس إنى مفتقدها

الحب

بس رجعت قلت ياواد إنته هتحب وإنته مخنوق ومشتت كدة

مش هينفع وبعدين ما الموضوع إللى فات كان عن الحب

كفاية كدة متتكلمش عن الحب

فكرت لحظة كدة

لقيت إنى ظهرى بيوجعنى جدا جدا

آه واللهى

قلت أكتب وأقول إنى تعبان جدا ومع ذلك بحاول أكتب

طيب وبعدين إنتوا إستفتوا إيه من كدة ؟؟

أنا عارف إنى مفيش أستفادة

وبعدين أفتكرت إنى المفروض أسافر أسوان تانى

علشان ماما مش عوزانى أقعد لوحدى فى البيت

بس دة فكرنى بحاجة تانية خالص

إنى عاوز أعيش لوحدى

أيوة

من غير ما أكلم حد

ولا أصاحب حد

ولا أشكى لحد

أحساس غبى

أيوة غبى

إنك تكون عاوز تعيش لوحدك

وتعيد تفكيرك

يعنى تعمل

low disk format

أيوة

على رأى الأغنية إللى بتقول

رفضك يا زمانى يا مكانى يا أوانى أنا عاوز أعيش فى كوكب تانى

طبعا أنا قاعد دلوقتى مرة على جنبى اليمين ومرة على جنبى الشمال

بس قررت خلاص

أنا هقوم أنام

لانى أنا بعتبر النوم دة أحسن وسيلة لهزيمة عقلى

على فكرة لو أتجننت محدش يزعل

وعادى بقة

أودى إتجنن

الحب

مساء الخيير

فى السنة الجديدة

وبعد تفكير عميق

كنت عاوز أكتب حاجة فى السنة الجديدة تدل على شعورى فى هذه السنة


بينى وبينكوا ملقتش حاجة أقولها غير إنى مشتاق وعندى لوعة

هههه

آه بجد

الحب دة شيء جميل فى زمن مفهوش حاجة حلوة

يعنى ومن الآخر

أنا مش عارف أعيش من غيير الحب فى حياتى
يمكن يكون الكلام مش منسق
بس هوة دة إللى جه على بالى


مش عارف أنا لية متنيل على عينى أوى كدة

وبحب على نفسى دايما

وجوايا حب كبيير
نفسى أطلعوا للوجود
علشان حد يستفيد منوا
بس للأسف لسة ملقتش إللى بدور عليها

والمفروض إنها كمان بدور عليا
أو على الأقل دة إللى أنا باملة

طبعا معظمكوا جرب الحب
وشاف إنوا شيء جميل
ومنكوا إنوا شاف إنوا مش جميل
علشان الأسى إللى بيلاقية فيه
يعنى لما حبيبوا يسيبوا
أو يحصل سوء تفاهم
بس بجد
أنا شايف إنى الحب أحلى شيء فى الوجود
وآساه من أحلى الأشياء أيضا
والواحد مننا مش يعرف يعيش من غيير حب

وعلشان كدة
أنا بقول لكل بنت حبيتها فى حياتى

صدقونى حبيتكوا بجد
وحبيت فى كل واحدة فيكوا حاجة مختلفة عن التانية
مع إنى الدنيا فرقت ما بنا
أو يمكن أحنا إللى عملنا كدة فى نفسنا
بس بجد بتمنالكوا كل خيير
وربنا يوفقوا

وعارف إنى فى ناس هتقول إنى الحب هوة الحب مرة واحدة فى العمر

بس أنا بقول إنى ممكن الواحد يحب أكتر من مرة
وبنفس الشدة
ويمكن أكتر
ويارب
يارب
ألاقى بنت أحبها
علشان معفنش من كتر الركنة

وعادى بقة
أودى

الدنيا ما بتديش محتاج

أبكى على الدنيا عديمة الأحساس

أبكى على الزمن إللى ماشى وخلاص

أبكى على نفسى والمجتمع والناس

أبكى على الشباب والبنات

أبكى على إمبارح وإللى حصل فيه

أبكى على بكرة وإللى هيجرى ليه

أبكى

أبكى عليكى يا مصر

!!!أبكى يا ناس ولا مبكيش

زمن العجايب

لا بالجمال ولا كتر مال

لا بالجمال الجمال ولا كتر مال

تمسح دموع إللى إنظلم

على أى حال أبن الحلال الحلال

على أى حال أبن الحلال

هوة إللى يصبر على الألم

أهى دنيا عايشين فيها وبس

أهى دنيا عايشين فيها وبس

كل الاحباب ولا حتى جواب

وأنا بينى وبين الراحة يومين

وأنا بينى وبين الراحة يومين

وأعمل أنا إيه دة قدرى وبس

حقك عليا يا ليالى متزعليش

متزعليش

زعلانة طيب فهمينى إزاى أعيش

إزاى أعيش

أنا بيقولوا نايم تعبان حب وسهر

بقوا يقولوا قام لما غاب القمر

أنا بيقولوا نايم تعبان حب وسهر
بقوا يقولوا قام لما غاب القمر

وأنا أنا أنا

أنا قاعد أعد نجوم الظهر

من الجرح نسيت كام يوم فى شهر

أنا قاعد أعد نجوم الظهر
من الجرح نسيت كام يوم فى شهر

لا كلام

لا سلام

لا خبر ولا حس

اهى دنيا عايشين فيها وبس

أهى دنيا عايشين فيها وبس

كل الأحباب ولا حتى جواب

وأنا بينى وبين الراحة يومين

أنا بينى وبين الراحة يومين

أعمل أنا إيه دة قدرى وبس

دور على القلوب يا حب دور

وإفرد ظلام الدنيا نور

دور على القلوب يا حب دور
وإفرد ظلام الدنيا نور

وتعالا عندى وشوف ما عندى

تلقينى حوليا حو ليا بلف وأدور

يا ما يا ما يا ما طيبين كتير يا ما

يا ما يا ما حنينين كتير يا ما

لاكن زمن العجايب إللى معندوش ضمير

يقولوا دى قمرة يقول لاء شمس

أهى دنيا عايشين فيها وبس

أهى دنيا عايشين فيها وبس

كل الاحباب ولا حتى جواب

وأنا بينى وبين الراحة يومين

أعمل أنا إيه دة قدرى وبس

ملحوظة

العنوان والكلمات لأغنية جورج وسوف - زمن العجايب

كفاية حسد بقة

محدودى الدخل

يعنى بصراحة كدة

معمولهم دعم العيش والرغيف أبوا شلن علشان يطفحوا موتهم أحسن

وكمان معمولهم الاتوبيسات علشان يركبوا مشيهم أحسن

وكمان معمو لهم التموين علشان يكملوا طفح موتهم أوفر

وكمان بيعملوا تعداد علشان يساعدوا محدودى الدخل على إيجاد فرصة عمل أصلى أعدتهم عالة على المجتمع المتحضر

وكمان معمولهم محطات تحلية المياه بتاعت المجارى أو بتاعت النيل ومفيش فرق كبير بنهم علشان يطفحوا يتسمموا أريح

دة غيرإنى الدولة موفرلهم مرتبات ميحلموش بيها يعنى على الأقل مرتب يشترى ربعميت بيضة من بتوع الوزارة دول شفتوا الدلع

ودة غيير تحسين الطرق وتمهيدها طبعا علشان العربيات الأجرة والمطبات وكدة يعنى يتقلبوا أحسن

أما لو أتكلمنا عن خطوط المحمول والنت المجانى لاء وكمان الدى أس أل يااااااااااااااااااه دة العملية مزهزهه معاهم أوى

آل وبيطالبوا بتحسين مستوى معيشتهم

ياخى ..ه

كدة ومن الآخر

إن محدودى الدخل يحصلون على كل أهتمام الحكومة والدولة ككل

ومش هيلاقوا أحسن من كدة فى جنوب الصعيد ولا حتى الواحات

صحيح مش عارف همة بيحسدوا الأغنيه على إيه ؟؟

على الكام مليار دوول

طيب ما أنتوا بتقبضوا

هههههههههههه

وسلملى على جوزك

وعادى بقة

محدودى الدخل

هذا أنا

هذا انا

ادمنت احزاني

فصرت اخاف ان لا احزنا

وطعنت الافا من المرات

حتى صار يوجعني, بان لا اطعنا

ولعنت في كل اللغات..وصار يقلقني بان لا العنا..

ولقد شنقت على جدار قصائدي

ووصيتي كانت..بان لا ادفنا

وتشابهت كل البلاد.فلا ارى نفسي هناك

ولا ارى نفسي هنا..

وتشابهت كل النساء فجسم مريم بالظلام.. كما منى..

ما كان شعري لعبة عبثية او نزهة قمرية اني اقول الشعر -سيدتي-لاعرف من انا.

.يا سادتي:

اني اسافر في قطار مدامعي

هل يركب الشعراء الا قطارات الضنى؟

اني افكر باختراع الماء..

ان الشعر يجعل كل حلم ممكن

اوانا افكر باختراع النهد..حتى تطلع الصحراء, بعدي, (الميجنا)ان صادروا وطن الطفولة من يدي

فلقد جعلت القصيدة موطنا..

يا سادتي:

ان السماء رحيبة جدا..ولكن الصيارفة الذين تقاسموا ميراثنا..وتقاسموا اوطاننا..وتقاسموا اجسادنا..لم يتركوا شبرا لنا..

يا سادتي

:قاتلت عصرا لا مثيل لقبحه

وفتحت جرح قبيلتي المتعفنا..انا لست مكترثا بكل الباعة المتجولين..وكل كتاب البلاط..

وكل من جعلوا الكتاب حرفة مثل الزنى..

يا سادتي

عفوا اذا اقلقتكم انا لست مضطرا لاعلن توبتي

..هذا انا..هذا انا

شعر لنزار قبانى

معرفش لية كنت عاوز أكتبوا ليكوا

يمكن علشان أجزاء معينة منوا

حاولت أغير لونها يمكن حد يعرف حاجة ويقلى

وعادى بقة

أودى

حصل فى مدونة ل مالك

طبعا فى منا ميعرفش إللى حصل فى المدونة بتاعت مالك
أنا هاديكوا وصلة للموضوع
وصلة مالك


ودة ردين من الردود إللى كانت على الموضوع
الرد الأول

كل العالم كانت تسالني ليش عم بكره مصر كل ها الاد و بعتقد بعد اللي صار ما عاد في كلام يتقال....بلد وسخة و شعب اوسخ......بكره مصر و المصريين و التربية المصرية المتخلفة و العادات و التقاليد المتحجرة و مالها طعمه...وبلا ما نحكي عن تدين و بطيخ. و التزام البنت و الحجاب و النقاب و ما بعرف شو..بلا حكي فاضي و بلا تدين ظاهري بس بل الملابس.....حاجة بقي نحكي بها المواضيع لان ها الشعب ياللي وسخ من جوه بحياته ما راح ينضف طول ما العقول وسخة...فلا تعذبوا حالكوا و تحكو عن حرية و ديمقراطية و الحكومة و السلطة....اصلا الشعب هو ياللي بدو تغيير ..تغيير يالعقل و اسلوب التربية و التفكير و كل شي
فحتي لو صارت البلد بلد حر و ديمقراطي راح يضل الشعب المصري متل ما هو اذا لم يبدئ التغيير من داخله
يعني والله عار اني بحمل الجنسية المصرية و ما عاد في مكان بقلبي لكرها اكتر من كرهي لها حتي اني كرهت الحكي باللهجة المصرية
بكره مصررررررررررررر وبكره المصرييييييييييييييييييييين بس لكون عادلة فانا بؤمن ان لكل قاعدة شواذ


الرد الثانى

والله اللي انا شايفاة انها عملية مش طبيعيه بالمره وانها حالة جديدة للأساءه لسمعة مصر الحبيبهفعلا فيه حاجات كتير اوي وحشه بتحصل في مصر بس عمرها ماتوصل لدرجة التحرش العلني في وضح النهارانا مش مصدقه ولا كلمة من اللي اتكتب سابقا وانها مثل ماحدث وقالوا اتنين شباب كويتي عملوا فرح في الهيلتون وانهم طردوا من الكويت لان الكويت لاتسمح بهذه المهزله!!!!!نفهم من كده انهم جاءوا الي هنا لان مصرنا الحره هي اللي بتسمح بالمهزله دي...عجبــــيطبعا الكلام ده مقصود منه مص ومش بعيد يكون عمليه سياسية اخري جديده واللع اعلم بما سيكون بعد ذلكلكن بالنسبه لشباب مصر فيهم العبر بس انا اشك في مصداقية هذا الكلام وانا لااحب ان تسوء سمعة مصر ولا شباب مصرانا اقطن احدي دول الخليج واري اشياء ابشع من ذلك صدقوني ولكن كله في المستخبي ....حرام عليكم لاتشوهوا سمعة مصراحنا مش مستحملينكفاية علي مصر اللي هيا فيهربنا يرحمها برحمته ويرفع مقته وغضبه عناهاسألكم الدعاء فمصر مذكوره في القرآن الكريم وقد قال رسولنا الكريم صلوات الله وسلامه عليه ان رجال مصر هم خير اجناد الارضكفــــــــــــــايهبجد كلنا مهمومين وشايلين هم مصر وبنحبها



هسيبكوا تحكموا إنتوا وتقولوا مين الصح
بما أنكوا كلكوا مشيتوا فى شوارع مصر
وعارفين الشباب ممكن تعمل إيه ؟؟
بس قبل ما تحكموا أقرأوا كلام
Ahmed Shokeir
بس أنا رأيى إنى مفيش حاجة من الكلام دة صح
ودة كلوا علشان فى ناس عاوزة مصر تحت تحت أوى

الكوسة

مين فيكوا ذاق الكوسة ؟؟
مش الكوسة إللى بتتعمل فى البيت لاء
دى الكوسة إللى بتتعمل فى الشغل
آه للأسف
مصر كلها كوسة
حد يعرف لية سموا الواسطة كوسة
أقولكوا أنا
زمان قبل ما نعرف حاجة أسمها واسطة فى مصر
أو على الأقل مكناش واخدين بالنا منها
كنا بنستورد حجات كتيير من برة
مثلا البصل
الخيار
التفاح
الكوسة
أى حاجة يعنى
المهم
الكوسة الحاجة الوحيدة إللى كان لازم المينا يفضى علشان تنزل من على السفن
عارفين إيه السبب
أولا لانى الكوسة بتبوظ بسرعة
يعنى هتعطب
وبما اننا مستوردينها علشان محتاجنها
فكان المينا بيفضى أول ما تدخل الكوسة
وكان الناس بتسأل هوة فى إيه ؟؟
يردوا عليهم ويقوللهم
أصلى الكوسة وصلت
وبعدين بقة يتقال
وسع للكوسة
ومن هنا أطلقت كلمة كوسة على الحاجة إللى بتخلص بسرعة فى أى مكان
ودة لانى الحاجة دى بتتعمل قبل أى حاجة تانى
كوسة بقة
وعادى بقة
أودى

حكاية

هقلكوا النهاردة حكاية الشعب الحصرى
قصدى المصرى
الشعب الكسيب
قصدى الفهلوى
مشكلة كبيرة جدا
وهيه أنى كل الشعب الحصرى إللى هوة المصرى
نفسوا يكسب وخلاص
مش مهم إزاى مش مهم يضحك علية
بس أهم حاجة يكسب
ومع إنى كل الناس مكسبتش حاجة بس بيطمنوا نفسهم بشوية الأسامى إللى بتطلع على التليفزيون
حنفى بيك أبو فكة
وليلى هانم أم فكة
ههههههههههههههه
أصلى أبنهم أسموا فكة
وطبعا دى أسماء ناس على المجرة إللى جنبينا

مش مهم المهم دلوقى إنى لازم أقول للناس إللى عارفة إنى الكلام دة كلوا ضحك على الدقون
بلاش تتصلوا بأى نمرة على أمل إنكوا تكسبوا أى حاجة
ولا حته قرش حشيش
ولا حته حجة أو عمرة
أصلى إللى ضايقنى أوى الوعود لما تروح للناس البسيطة
وتفتح طاقة من نور
بس يا خسارة دة نور كشاف
مش نور ربنا


إيه رأيكوا بقة فى شعب المحروسة أمك
مش شعب عبيط برضوا
بس أرجع وأقول
رزق الهبل على المجنين
وعادى بقة
أودى

مثل

المثل دة قابلنى كدة النهاردة
وبعدين عجبنى فقلت لازم أقولكوا علية
المثل بيقول
أعدنا ياما والقعدة طالت
لشاى غللى ولا القهوة فارت
وعجبى

أختبار مش عارفوا بتاع إيه ؟؟؟

دة الأختبار إللى ستنا بتابيت بعتتوا

هل انت عقلانى اكثر ام عاطفى؟
شكلى عاطفى أكتر

صف شخصيتك فى خمس كلمات؟
غيور – طموح – هادى – منفعل - مجنون

اذا كان لكل انسان شبيه من الحيوانات,أى حيوان يشبهك؟
القرد – على فكرة دى أول مرة أعرف إنى شبه القرد فى نشطوا و حيويتو لانى قعت أفكر كتيير مش لاقى حيوان زييى ( أصلى أنا مليش زى )
بس بجد الحيوان إللى بحب أسلوبوا فى الحياه أو فى معاملتوا ونفسى كنت أبقى زيوو
الكوبرا ( هادية – مفكرة – قرصتها والقبر ) أوعى وشك !!!

ما هو لونك المفضل؟
الازرق طبعا ودة من خصائص البرج بتاعى ( الحوت ) خلى بالك

هل أنت أجتماعى اكثر ام منعزل؟
آه جينا للسؤال إللى مش عارف إجابتوا
هوة سعات بكون اجتماعى وسعات بكون انعزالى ( أفهموها إنتوا زى ما يعجبكوا )

ماذا يشكل أصدقائك بالنسبه لك؟
كتييييييييييييييييييييييييييييييييييييييييييير

هل أنت مرتبط بعائلتك؟
مش قوى إنتوا عارفين المشاغل بقة
نت وشغل وأصحاب أقطع نفسى يعنى ؟؟؟

هل أنت عصبى أكثر أم هادئ؟
هادئ جدا لدرجة الشلل أوقات وعصبى جدا لدرجة العمى باقى الأوقات

هل تفضل فصل الشتاء أم الصيف؟
سؤال رخم شوية
بس متهيقلى ميفرقش معايا قوى ( علشان كل واحد فيه مميزات وفيه عيوب )

متى أخر مره بكيت فيها؟ولماذا؟
بكييت بكييت كتيير يعنى
سيبك منها
لكن دموعى بتنزل تقريبا كل يوم ( بدمع كدة ) مش بعيط كتيير يعنى
والسبب .إنتوا عارفين لما تحسوا إنكم مظلومين وزهقانيين وبتحبوا ومشتاقين و بتسمعوا أغنية جت على الوجيعة
كل دى أسباب بتخلينى أدمع كل يوم

حد يقلى كدة الأختبار حلو ولا لاء أصلى مليش فى النفسويات دى

وعادى برضوا

أودى

ردا على كلنا ليلى

طبعا أنا مش هقول كلنا حنفى ولا حاجة

ولازم اكتب الكلام إللى أنا رديت بيه عليكوا كلكوا هنا

علشان لو فى حد عندوا تعليق يكون فى مكانوا الصح

وطبعا مفيناش من زعل


الكلام كان كما يلى


أحب أقول كلمة بصراحة
ليلى إللى بتقولوا عليها ملهاش أى لازمة
أيوة أنا مش بكذب والدليل فى كل مكان حولينا
واحدة عاوزة تشتغل وماااااااالو تشتغل بس تحافظ على أساس تواجدها فى الحياه !!!
مش فاهمين طبعاالست( سورى )ليلى المفروض إنها تعمل إيه ؟؟
تربى العيال و تحضل الأكل و تغسل وتمسح وتكنس وتشيل عن حنفى مشاق الحياه
وبرضوا فى نفس الوقت تتحب وتتعاشر بالمعروف ويجيلها إللى تطلبوا وتساعد بالرأى فى المشاكل المتعرضه لها الأسرة
لكن وللأسف كل الليلات اللوات فاكرين نفسهم هيصنعوا الزرات مش بياخدوا لونجات !!!
طبعا مش فاهمين أفهمكوا
دلوقتى البنت زى الولد ماهش كمالة عدد ( ربنا يولع فيك ياللى فى بالى )
بيقولوا أحنا أحسن من ايتوها حنفى أحنا إللى بنصنع وحنفى بيهدمأحنا إللى بنعمر وحنفى بيدغدغوتبص فى الآخر تلاقى فى أى شغل وعلى يدى
البنت دايما معمولها مواعيد غير الولدمعلش يا أبنى إنته راجل تيجى باليل وتتأخر فى الشغل وتيجى اول يوم العيد وتشتغل فى كذا وتسيبلها كذا علشان كذا أسهل من كذا وعادى خالص ونطنش ونقول ياواد كببربس المشكلة إنى فى الآخر تيجى ليلى وتقول أنا وأنا وأنا
وإنته ملكش لازمة
أنا بعمل شغل البيت وبشتغل وإنته شغااااااااااال بسآه
ومين بقة قالك إنى عاوزك تنشتغلى من آساسواااااا
آه ما أنته عاوز تقعدنى فى البيت زى الطوبة ماليش لازمة
طبعا حاقد عليا
طيب يا ستى خلاص إشتغلى
مانا متبهدلة فى شغل البيت وفى الشغل ساعدنى
ياخى .....
بلاش نكون زبالة فى الكلام
الأدب حلوا برضواطيب نرضى ليلى إزاى
إذا قلتلها أقعدى فى البيت زعلتو
إذا قلتلها أشتغلى قالت إنها من المعزبين فى الأرضو
لا كدا عاجب ولا كدا عاجب
طيب نعمل إيه ؟؟؟
مش كفاية إنها واخدة مكان راجل ممكن ينتج اكتر منها ومقعداه على القهوة يشرب سجاير ويعاكس فى البنات والواد ساكت ياعينى نفسوا يتجوز ومش عارفعلشان مفيش شغلليه علشان البنات إللى شغااااااااااال
هوطبعا حضرتكوا عرفين السبب ؟؟؟؟
مش لأنهم أكثر من حنفى تعليم لاءغلطدة بس علشان أسمهم بناتلو حنفى لبس جيبة كان زمانوا أشتغل من زمااااااااااااان
آه بس لو كان عندوا زى إللى عندها
كان إشتغل إشى سكرتيرة
وطبعا عارفين إنها منظر مش أكتر من كدة
منظر الناس تتفرج عليه ؟؟؟
إستيل يعنى
ويرجعوا فى الآخر يقوا ليلى
قااااااااااال ليلى قال وسلملى على جوزك يا أسمعين بيه
أرجوا إطلاع الست العاقلة الراسيه ما تجيلها بلهارسيا ( كلنا ليلى )على هذا التعليق
وكونوا موضوعيين وبلاش تحيز مرة واحدة فى حياتكوا
وقولوا على حاجة
أنا واحد من الحنفى ممكن يقوم هوة بشغل البيت ويقعد فيه على الأقل هيرتاح من هم الشغل إللى بنشوفوا كل يوم فى المواصلات وغيرواطبعا ماتعرفوش حاجة عنوا علشان حنفى بيقوم لأى ليلى حلوة ويقعدها مكانوا
قال إيه معلش دى ليلى ومش تقدر تقف زى حنفى أمال حشرين مناخركوا لية ؟؟
لما مش قادرين تعملوا حاجة وفاكرين إنى شغل البيت دة حاجة جامدة قوى واللهى إنتوا مش عاجبكوا العجب ولا الصيام فى رجب
والرجالة تستاهل
أودى

تغيير العملة المحلية

قرار تمهورى رقم 75 قشر للبيضة(مع الأحتفاظ بالشين والرة

قد قرر تمهور بية وباقى أعضاء حسب الريح

تغيير العملة المحلية من الجبنه العايمة ( مع الأحتفاظ بالبه والنون ) إلى البيض الطازة

وقد قررت محكمة عنيات الدولية أن لكل مواطن حق فى البيض الطازة من هنا ورايح

وبما أن القرار سار حتى لا نهاية بعد غرق الجبنة العايمة

وبحساب المستهلكات اليومية بطرح الحسابات الشهرية

تقرر الآتى

واحد بيقبض 400 بيضة فى الشهر يعيش كالآتى

المواصلات

بيضة من بيتهم للخناطر الخيرية

عدد 2 بيضة من الخناطر لمخور 27 يناير 2006

يبقى مجموع المواصلات رايح جاى فى اليوم 6 بيضات

يعنى فى الشهر 6*25 = 150 بيضة

الأكل والأزى منه

ولو قلنا هياكول 2 بيضة فى الفطار وكمان 2 فى الغدا وكمان 2 فى العشاء يوميا يكون الناتج

6*30=180

وممكن يشرب كباية شاى أو إتنين فى اليوم والكباية ببيضة

يعنى المجموع فى الشهر 60 بيضة فى الشهر

وكمان هيشرب كل يوم علبة سجاير ب3 بيضات يكون المجموع فى الشهر

3*30=90

يعنى المجموع كلوا 480 بيضة فى الشهر

طيب إزاى

أقولك أنا إزاى

يا يسرق يا ينتحر

وبما إنوا مش بيعرف يسرق يبقى إية ؟؟؟

قول إنته بقة

وبعدين العملية دى مش مظبوطة بفكر أطلع قرار تمهورى تانى بتغيير العملة من البيض الطازة لفراخ الوزارة

بيضة تن تن بيضة تن تن بيضة إن كنت أحبك تانى بيضة

بس قبلنى المرة دى وتبقى دى آخر بيضة وبعدها سودة

سودة

مع الأعتزار للفراخ

الديوك لاء

وعادى بقة

أودى

يوم فى الشغل

عم سيد بيسلم عليك وبيقولك معندوش ورق خالص وبيقلك لو عاوز تطبع حاجة هات ورق درافت من عندك وإطبع علية
أما هانى فتأخر النهارة ومعرفتش أفطر خالص
وعم محمد دايما بيعكس الأسنسييييير علشان خاطرى
وعادى بقة

هم يضحك وهم يبكى وهم يا جمل وهمبرجر

قطر يخبط فى قطر

همه فاكرين إنهم بيلعبوا بعجل فى الحاره

حسبنا الله هو نعم الوكيل

آه بجد

بجد نفسى أعيط ومش عارف